九份自成為旅客必到景點, 就變得好商業化, 一路都有商販叫你試吃和買手信, 幸好還保留著古舊的特色建築, 還留著一丁點的可觀性

早餐吃得不多, 都係因為想留肚嚟呢度吃出名的芋丸粉圓

天氣凍凍哋, 揀咗碗'4合1, 即係乜都有啲, 原來芋丸都有好幾種, 不過味道好似差唔多, 都係煙煙勒勒的, 湯就不太甜, 啱啱好

老街內都有好幾檔賣芋丸的, 不過呢檔算係比較多人幫襯

這裡因為貓而聞名, 近年成為一旅遊景點, 無論愛不愛貓, 都被這裡貓咪們的悠閒自在所吸引

來到約中午時份, 又因為是平日, 所以遊人都很少, 天氣又凍, 還以為見不到貓, 加上乘車時司機知我去猴桐看貓, 也勸我不去也罷, 因為'貓貓都往生了, 沒貓的', 但反正來了, 就往貓村看看呀......

結果真的有貓呢, 而且也不少, 雖然天氣都幾凍, 郊外又大風, 但係貓貓都可以好悠閒咁周圍走, 見我拿著相機係咁拍, 佢哋都好氣定神閒, 可能都習慣了做'貓模', 見慣大場面~

注意, 呢度啲貓都有義工餵的, 遊客不可亂餵貓, 以免貓貓生病! 而要來睇貓最好早一點, 因為貓通常都會午睡, 太晏來會較難遇到貓

睇完貓, 就再搭小火車到十分

嚟到呢度, 見到香港人多過台灣人咁喎

嚟到指定活動, 一定係放天燈同埋行火車路軌啦, 在路軌旁有好多有天燈的賣的小店, 我揀咗一間比較多色彩一點但又冇咁多人幫襯的, 店主也很幫忙, 仲俾埋張'願望'提示, 因為一個人寫晒四面天燈, 都要花點時間去'諗'願望 

放完天燈, 逛了一會, 再在附近買了點小吃就走了, 因為落雨又凍, 所以都不願久留...

去完十分, 再搭小火車到瑞芳, 再轉火車回松山火車站, 出站行過對面就係饒河街夜市

第一次來, 覺得夜市雖然細一點, 但係小食種類也很多呀: 胡椒餅, 魷魚蘇, 魯水食品......, 另外仲有好多嘢買, 其中一間買KT精品的, 我也入了不小貨