起身後第一餐已經係午餐. 因為呢日打算去杯麵博物館, 所以揀左池田站附近既LOTTERIA食個QUICK LUNCH. 我倆點了兩個SET, 份量唔算多, 但勝在新鮮新辣! 芝士漢堡芝味夠重, 唔錯~!!薯條炸得香脆, 而且好薯, 好香口..外脆內軟.  

但始終係快餐, 較無特色一餐.

之前有同事提議我去大阪記得要去杯麵博物館, 所以八日行程裡面, 無論如何都Plan了少少時間去玩. 一去到, 見到好多大朋友小朋友, 個個都拎住屬於自己既杯麵真係睇見都好興奮呢!!

不過首先我倆先睇下杯麵既歷史, 之後先到今日既重頭戲, 做一個屬於自己既杯麵!! 每人只需用300yen 買一個吉杯, 之後要消毒, 消毒後職員俾左一個透明蓋用黎蓋住個杯, 之後就可以坐低畫上自己鍾意的東東喇~!! 其實初初我倆都無毫頭緒, 唔知畫咩好. 最後都只係跟著枱上面放著既日清雞畫畫畫....好多小朋友都畫得幾靚架...畫左差唔多一個鐘, 就完成了, 將個杯拎去消毒一下再放麵, 之後就可以自選配料. 中間有d過程可以自己動手tim~真係又有得玩有得食呀!放好配料後, 封好杯面包好就完成了. 大部份小朋友都會將個杯麵放入一個吹左氣既袋入面, 但由於我倆會搭飛機既關係, 所以只將佢放入膠袋帶走...300yen的杯麵真係好抵呢, 有得玩, 有得食. 一玩就玩左兩個鐘. 好開心, 有重拾童真感覺呢!

之後上樓上參觀, 咁岩有班小朋友係度整緊杯麵, 好似好好玩呢, 但聽聞呢個係超難book的! 因為好多學校都會book左. 想學整杯麵, 可能要團體book先得了.... ^^

ps: 其實有d旅遊書都無介紹, 所以事前最好上網搵一搵資料先!

去完杯麵博物館, 我倆返回池田shopping. 第一站先行yodobashi, 較為平價的商場, 有幾層係電器/電子/電玩產品. 愛好者, 真係必到!不過我倆都不感興趣, 反而一d平平地既鋪頭仔更合適不過!

去日本行shopping mall. 真係好鍾意行food court同超市, 因為真係好多野睇, 仲有好多好靚既蛋糕. 所有野都好精緻~ 除左行food court, 行下一d較高檔既shopping mall 可以睇下d好靚既裝飾都係唔錯既行程呢!

之前睇旅遊書介紹呢個以餃子為主題既地方好似幾吸引, 所以打算安排到呢度晚飯順道行下.
由地下正門入內, 第一層係電玩為主, 主要都係夾公仔機. 第二層係遊戲機中心, 第三層就係餐廳, 大大部份都以餃子為主, 但有點令我倆失望, 因為每間餐廳外觀並唔吸引, 同旅遊書介紹的差得遠. 我倆只行左一陣就放棄了....