噚日去完成吉思汗陵,跟住係鄂爾多斯飯店住咗一晚.
剛入到大堂,心諗...冇理由吖,有人彈琴,大堂又靚,間酒店冇理由得四星架.點知入到房....點解越坐越熱,後尾發現冇冷氣既,痴線架...想焗死人呀.有團友去大堂接待處問d職員啦,佢地話係呀,係中央冷氣喎,跟住再問d職員,話冇理由喎,直情冇空氣喎,跟住個職員先講,間房開唔開冷氣,係視乎室外氣溫幾多度,如果到某一個氣溫,佢地間酒店係唔會開冷氣架,嘩...即係點呀 佢話間房度,有個大氣窗,叫我地開咗佢,等d自然風吹入黎,唔怪得間酒店評級得四星啦,咁環保.
中午食呢餐鄂爾多斯婚宴既飯,每人要拎120元人仔,有d人話唔想食,太貴,但最後都係照科水啦,帶團負責人話既,都要俾d 甜頭導遊同領隊.睇下今餐我地食d乜.俾120元人仔另外食呢個餐,其實真係唔抵架,但係冇計啦.
番入酒店之後,安頓好,大家約埋去行夜市,呢個節目每次去旅行都會有