conniecheung
我是conniecheung。 我最喜愛到日本,泰國,新加坡旅遊 , 最鍾意遊覽自然景觀,歷史建築/遺跡,主要地標,城市風貌, 住宿通常會揀5星酒店,渡假村。
留言  留言給此旅遊家
  遊記數目 18
  上載相片 395
  上載影片 0
最近分享過的旅程
曼谷之旅
國家/地點: 泰國
旅程日期: 2011-03-25 至 2011-03-29
大阪之旅六天遊
國家/地點: 日本
旅程日期: 2010-10-13 至 2010-10-18
大阪之旅六天遊
國家/地點: 日本
旅程日期: 2010-10-13 至 2010-10-18
新加坡之旅20130924-28
國家/地點: 新加坡
旅程日期: 2013-09-24 至 2013-09-28
台中之旅
國家/地點: 台灣
旅程日期: 2013-06-15 至 2013-06-18
台山康橋溫泉之旅
國家/地點: 中國
旅程日期: 2012-03-24 至 2012-03-25
恩平食歎兩天團
國家/地點: 中國
旅程日期: 2011-12-10 至 2011-12-11
台山康橋溫泉之旅 (中國)
(旅程日期: 2012-03-24 至 2012-03-25 ,  旅程性質: 消閒度假)
 整個旅程  (共1篇遊記)
 分享至Facebook 
發表日期: 2012-04-17
3月24-25日同朋友及朋友的屋企人一齊去浸溫泉,一行二十一人真的很震撼.3月24日9:45am在皇崗集合,坐了差唔多兩個半小時先去食個晏先.

食完晏去第一個景點啦,就係旭日廣場啦,又要坐成個幾鐘車,到了,但係咩都冇,得一塊空地,導遊話公司指定既景點,但係佢都知係咩都冇得睇,問我地落唔落車,成團人都唔落車,跟住映了一張相就走了.

第二個景點又要坐一個鐘車,到左,係南樓呀! 導遊講解了一陣就俾左半個鐘我地行下映下相啦.

去完南樓已完成晒我地兩日既景點啦,跟住就係返酒店啦,好開心五點已到酒店. 休息左一陣及映下相就去食飯啦.

食飽飯去左放煙花,酒店有一間小店係專賣煙花及一些土產的, 我地買左一些一齊放,有指定放煙花區,係湖邊都幾安全,我地放左一些細細支的煙花,還有寸雲箭,還有買左一個大大地既煙花,放上去勁大聲,但係超靚呀!! 之後唔夠喉再買多一個大大地既. 好靚呀!! 放煙花既地方係有職員係度維持安全的呀!!

去浸溫泉啦,導遊冇講要帶每人一張房咭先入得去,我地有些人冇帶要返去房間擺,攪左一大輪先入得去,都唔算好多人,溫泉區都好大,分開大池區,有些可以滑梯,激流,溫泉仲有養生區及情侶區.泉水溫泉都夠熱,都好舒服呀!!浸左一輪後去左休息區休息下,有水果,養生茶及三文治可以免費享用既,休息了一輪後再出去浸左一陣就走了.

第二朝去食早餐,之後再浸過. 餐廳都已經好多人,食物選擇唔算好多,最好味係粥,有白粥及皮蛋廋肉粥,還有一些炒麵之類,但冇烘多士,炒蛋這些西式嘢,普普通通的一餐早餐啦. 食完休息左一陣又去浸過,我地今日可以睇清楚d溫泉呀,原來都好多種唔同既藥材,花,不過最可惜係冇我想浸既咖啡,牛奶,杞子....有當歸.....唔記得其它係咩了.

11點半離開酒店了,跟住去食黃鱔飯呀!!

回程了,差唔多五點返到皇崗.玩得好開心的一個旅程.

估唔到食晏都食打邊爐,仲要係脆肉鯇打邊爐呀!每枱有五碟脆肉鯇架,真的好誇張,仲有係雞,鵝,椒鹽魚,豆腐,有一碟我以為係魷魚既菜,原來都係魚呀,但係好爽口好味喎.脆肉鯇都好脆口好味,唔會好鯹,仲有一個係導遊講極我地都聽唔到佢講咩既餸,原來係魚肉九黃,好香九黃味,好味呀!
根本冇可能食得晒五碟脆肉鯇,好飽呀!!
成間酒樓都係人,人山人海呀!!
評分: 味道4   服務3   環境3   衛生3   抵食3
呢個廣場應該要取消佢,因為都唔知點解要嚟.
評分: 值得去1  
南樓 ok喇2012-04-17
南樓七烈士係對抗日本軍的,這裏有一楝南樓,四五層高,我地行上去睇下,每層樓梯到有子彈孔都好大個架,樓梯都好窄及斜,上到最頂望到出面既風景好靚呀,好舒服!!
評分: 值得去3  

我地住別墅區,一楝四間房,一層兩間房,一間雙人大床房,望湖景,一間兩張單人房,望山景,房間都幾靚,雖然房間唔算好大,不過設備都算齊全的,同埋個view真的好舒服呀!! 另一間雙人大床房還有一張梳化椅添架.

評分: 設備4   服務3   環境4   衛生3   抵住4
晚餐都幾豐富,有雞,鵝,魚,蛋等等....九餸一湯,白飯一大鍋,我們還買左一枝天地壹號醋一齊飲添呀! 味道較之前飲的濃,不過都好味,雞較滑,蛋都好滑,其它的都幾好味喎.連我唔鍾意既鱔都好滑同埋唔鯹. good!!
評分: 味道3   服務3   環境3   衛生3   抵食3
今餐係食黃鱔飯,都好大煲的,好多黃鱔好味呀! 又唔鯹喎,有雞,同埋好多個菜呀,聖瓜,涼伴苦瓜,都唔苦,好味. 又係九菜一湯, 唔夠黃鱔飯可以加白飯,甜品還有一個個細細個既糕,我諗係椰汁糕卦.

好豐富既一餐.
評分: 味道4   服務3   環境3   衛生3   抵食3
  0 個留言    |  加入你的留言
此遊記的留言
加入留言
如要加入留言, 請先登入