早上既行程係往弘前城賞紅葉，弘前站前既巴士總站有100円循環巴士前往，早上10時開始行駛。早上10時前可搭其他路線前往，只需於市役所前下車就得。

下車後，眼見火紅既紅葉圍滿了弘前城公園，大家又興奮起來，而紅葉之旅正式展開!!

弘前城公園既紅葉正在100%滿開，我地來得正合時候。

深秋時份，公園正在舉行菊花展，不過都不及紅葉來得吸引。

沿途都有不少遊人來遊覽拍照，拍下弘前城既秋日美景。
(最美既弘前城當然係櫻花滿開既日子，不過我始終未能欣賞得到。)

離開弘前城公園，搭的士返回東橫inn取回行李，趕火車返回青森食午飯。青森縣既的士起錶580円，都唔算太貴。

離開弘前城公園，搭的士返回東橫inn取回行李，趕火車返回青森食午飯。青森縣既的士起錶580円，都唔算太貴。

今天沒有用JR east pass，乘坐特急列車由弘前到青森要俾1,150円，好貴啊。

途中經過一些蘋果園，樹上既蘋果都滿熟了，11月係吃蘋果既好季節，大家如果在日式百貨公司見到有青森蘋果，不妨買來試下。

列車經過新青森站，現在新幹線已經可以由東京直達青森，總站就係新青森站，交通更加方便。

到達青森市，青森大橋依然宏偉。午飯前先到觀光案內所，聯絡今晚會入住既十和田湖溫泉酒店及book車，至於坐甚麼車去十和田湖，一陣再講。

今天午餐去青森市AUGA地庫新鮮市場內一間叫’田’既餐廳，因為佢既食物有很多選擇，有拉麵、熱飯、魚生飯、壽司等，適合唔同人既口味。

我點了個四色刺身飯，刺身相當鮮甜，唯覺得不及係八食市場所得到驚為天人既感覺。

其他團友就點了拉麵、壽司、刺身飯等定食，後來師傅仲免費加送了魷魚壽司給我們，又新鮮又夠份量。

吃過午飯後，下午會往十和田湖住一晚。

酒店巴士準時13:30由青森站開往十和田湖，車程約兩個半鐘頭，途中會經過八甲田山、谷地溫泉等地方。

巴士緩緩駛入八甲田山區，八甲田山既紅葉都落得七七八八，此車外竟開始下起雪來，究竟今次紅葉之旅會唔會變成賞雪之旅呢?

酒店巴士途中會於谷地溫泉停留一陣，各人可下車休息一會。團友們都下車，迎接日本今年第一個初雪。由於大部份團友都係第一次親身體驗下雪，所以大家都好興奮，紛紛拍照留念，完全不覺得天氣寒冷。

巴士會駛經奧入瀨溪流，幸好溪流兩旁尚有片片紅葉，否則明天既奧入瀨紅葉之旅會變成枯枝之旅。

今晚會入住一間叫十和田湖グランドホテル既溫泉酒店。入住此酒店原因有: 1.價格相宜，每人7800円一泊兩食，兩餐都是自助形式，而且追加了刺身及天婦羅等食物。2.位置方便，距離十和田湖JR巴士總站只係兩分鐘路程。3.竟然有迎送巴士由青森或八戶站，免費來回酒店接送。有經驗既人都知道來往十和田湖至青森或八戶既JR巴士車費昂貴，單程由青森至十和田湖每位需要3000円。如今連車費都賺到，所以我會俾呢間溫泉酒店10個抵。

終於到達十和田湖グランドホテル溫泉酒店，酒店職員既英文都不錯，見尚未到食晚飯時間，先去泡一下溫泉先。日本人習慣早食飯，我們既晚餐都提早到6時許。晚餐是自助餐形式，味道一般，不過選擇不多，以溫泉酒店來說是不合格，不過以這個價錢來說就算OK。幸好book房時追加了刺身及天婦羅等食物，所以這餐都算唔錯。