塔左10mins巴士就到嘞! 好開心呀~

門口有好多樹, 如果唔係巴士有show'三鷹之森美術館'都唔知到左呢~
一落車就到, 有一條小小既人龍排隊入去tim!! 可能因為星期日啦!不過等左幾分鐘就入得嘞~

去到門口用我地o向lawson買既飛換入場卷, 入場卷好似張幻燈片敢, 個幻燈片原來係人人唔同架! 應該係唔同既卡通人物呢! 不過我個張個人好細....我睇唔到係乜呢

入到去第一個感覺係 - o甘細既?!因為好似一眼望哂成間館啊!
見到有人排隊睇show, 我地又去睇show先啦!
等左15分鐘度先入得, 原來係龍貓短片in日文!!!! 當然唔知佢做乜啦, 不過都幾得意既

睇左20分鐘度既片就開始行, 個館一共3層, 最上層一邊係souvenir shop, 我地睇左宮崎駿既手"禾高", 仲有ｄ卡通影片既製作方法, 用左半個鐘度咋！跟住出去外面, 上樓梯就見到機械人嘞！　初初以為除左佢仲有其他人物既, 點知真係得佢一個, ４周圍有d花花草草敢, 冇其他人物嘞~有d失望tim! 因為以為有好多野睇...

影完相行左souvenir shop, 有好多龍貓產品呀! 不過其他卡通既產品就好少, 唔通日本人只愛龍貓? 朋友叫我幫佢買既天空之城男女主角figure都冇呀~ 我又唔係好鐘意龍貓產品, 最後冇買野呢~!

外面仲有間露天cafe可以食野, 不過書話唔太特別所以冇食, 只係影下相...我地逗留左1個幾鐘(好慢敢行個隻) 就走嘞~

o黎呢個館, 都係為左同機械人影返張相咋!!