Naj Exquisite Thai Cusine (曼谷, Silom)

是日重點戲是到 Naj Exquisite Thai Cusine 學煮泰菜，胡慧沖介紹的泰菜班，thailandfan.com 有 coupon，每位 1800 baht，4 個鐘學 4 道菜，仲要係 2 人包堂，全程好似玩緊 Cooking MAMA，貴就貴左少少，不過都係一個唔錯既體驗。

一開始泰籍大廚先介紹一些泰菜常用的香草，亦有機會自製 herbal tea，先後試了這 3 款的味道，分別是 Pandanus, Lemongrass 及 Roselle。接著，大廚更即席教整了一碟青芒果炸魚沙律，加了兩隻辣椒，感覺幾嗆。

由戶外走進室內，過程是先睇大廚整一次，再自己落手落腳整，由於所有配料份量早已分好，所以並不太難，仲幾有滿足感！我的作品分別有青木瓜沙律、青咖哩雞及冬蔭公 (另外還有一味 Pad Thai Goong)，最喜歡青咖哩雞，味道辣中帶甜，雞胸肉亦好嫩，送飯一流！