松露 Shouro (東京, 築地)

抄一抄麥記廣告句slogan
「一試，便愛上~」

之前我O係香港一路對玉子壽司都冇咩好感~
因為覺得甜味O既蛋蛋好似好怪咁...
細個食過一次...但覺得唔好味~
所以一路以黎都冇再比機會自己去食玉子燒啦~

直到今次~我同媽咪去Tokyo旅行~
事前當然要做番O的資料搜集啦
發現網上有好多人都大讚松露賣O既玉子!
所以我就決定去築地O既時候一定要一試!!

行左好耐, 終於都行到松露間舖啦~
嘩...有好多款玉子燒呀...搞到我都唔知點揀好~
不過好彩佢有得賣細細件O既...
等我呢O的想試又怕唔O岩自己口味O既人買黎當係試食下

買左個細件O既原味玉子燒黎食~
初初第一淡食落去...真係幾甜~同埋係凍食的~
但覺得好好味=]
唔知係用咩汁黎燒架呢?
甜得黎~好香呀=]
搞到我好想買件大O既黎食XDXDXD

不過因為之前食左sushi做lunch~
媽咪擔心我買左又食唔到...唔知可以放幾耐...
咁就唯有問下O的職員啦~

佢地真係好有禮貌=]
雖然溝通上有O的問題...佢地唔係幾識聽英文...
但大致都講到我知...如果一直雪住佢...可以keep到2~3日左右

可惜啦=[ 我地hotel個雪櫃好似又唔係幾夠凍咁...
我地又重有幾日先番香港...所以唔敢買=[
真係好想買番件番香港比老公試下呀><

兩年後我會再去Tokyo自遊行架!!
希望到時可以再食多次啦>O<
(因為聽我fd講...築地市場要執了=[)