一般唔認識既毛里裘里人通常唔會掛著招牌式既笑容，但經過接觸後，會感受到其實佢地內裡都係好親切。

記得第1日到逹，响酒店 Check In 完都11點幾，肚仔有 d 餓，去到酒店大堂餐廳，侍應們正在收拾自助早餐既食物，我地表示要食 Lunch ，佢地話呢個 outlet 無午餐供應，另一個 outlet 既午餐時間係12點，而早餐剛剛完畢，我地當時不知所措，其中一位侍應馬上同我地講：您地可以先食呢d麵包、水果，仲叫厨師煎左好多蛋比我地，替我地準備咖啡同茶，我地真係感激不盡。自此，每到早餐同晚餐時段，佢地都會對我地講一句 "You're early today, hahaha...." 黎歡迎我地！

第2次接觸當地人就係 White Sand Tours 既代表，佢經常留守我地酒店。佢係一位女性，講到旅遊景點同有關既安排，佢都會七情上面、口若懸河，一輪咀講過不停，非常有趣！後黎我仲學佢講野既方式，大家都笑哈哈！每每經過佢既 counter 都習慣同佢分享幾句有關景點，又或者簡單講句 Bonjour！

酒店海灘有幾位有牌既小販向客人兜售首飾、女士圍腰既沙龍布等。佢地唔會好似其他地方既販商咁，只要您表示無興趣買，佢地好快會自動行開，絕對唔會同您糾纏。有 d 小販可能語言較便利，更會與法國人客人談天說地，無論生意做唔做得成，佢地都係好有自己既尊嚴。

唔好以為司機凈係會開車，所接觸過既司機佢地都會沿途主動向您介紹景點，講下當地民生、政治，甚至世界杯賽事，令我地加深對當地既認識，响許可既情況更會比您落車响沿途既景點影番張相添，務求令您賓至如歸。响 Central Market 與當地人接觸更多，無論菜販或肉販，基本上佢地都會主動擺好 pose 同表情比您影，好識做啫！

*前往方法/位置：
Central Market 位於 Port Louis，係最繁忙既地區，逢星期日休息。Waterfront 一帶有露天餐廳、商場以及賭場等。建議預留充裕時間閒逛會較為適合，仲要記得同的士司機討價 (來回酒店價錢)同商議等候時間。 

其實毛里裘斯擁有清澈既海洋、肥沃既紅土，大可以發展養蠔場，或提供新鮮甘蔗汁予5星級酒店等，但係當地人樂天知命、享受自然生活、性格又單純、比起香港人處處想賺錢、下下講實際效益純樸得多。另外响多次傾談中，亦感受到佢地對自己國家有份光榮感，真令人羨慕！

Shells 係最近海灘既餐廳，最外圍既坐位可以望到沙灘椅，享受陽光與海灘途中最方醫肚既酒店 outlet！

當然我地都係同一狀況啦！

- 意大利乾蕃茄羊奶芝士沙律 ：乾蕃茄係我至愛之一，芝士夠香，份量兩個人 share 啱啱好，因為芝士多食會比較膩！

- Mixed Grill ：賣相相當唔錯，蝦燒得恰到好處，蝦肉水份保存得好好，味道鮮香。但除左蝦外，我以為自己食緊牛、羊肉乾。見到塊牛排本身已經好薄，輕微燒過火已經可以宣佈玩完。心諗唔通非洲人鐘意硬柴柴既肉質？定其實係原材料唔太靚既原因，所以厨師技巧有幾叻都無用呢？真係要專家去分析！

不太熱忱運動的我, 短短一星期的3S 假期(Sun, Sand , Sea), 游咗幾年無游0既水, 曬咗幾年無曬0既太陽, 好耐無試過咁零距離同陽光玩遊戲, 雖然變咗燒豬, 但好好玩, 好hea, 好嘆, 好正. Mauritius, miss u !!!

２０１０／３月終於乘搭航機飛往毛里裘斯開始我們的百日蜜月之旅，也向我的童年夢想：踏足七大洲，邁進多一步，現在已成功踏足第五個洲　－　非洲，希望往後的日子能走過更多國家，也希望向餘下的南美洲及南極洲進發．

我們今次入住的是新開一年左右的 Intercontinental Mauritius Resort ，位於毛島北面Balaclava Fort，由於毛島是歐美人士的渡假勝地，所以當地酒店設置不容罝而的完備舒適．　這間酒店也不例外. 偌大的房間,舒適的睡床. 酒店服務還包括部份免費的水上活動: 如玻璃底船,水上單車, 獨木舟, 如果你係good swimmer 的話, 還可以參加酒店提供的滑水活動.

由於我倆都不諳水性, 所以只在酒店的泳池或沙灘浸浸水, 又或趟在沙灘椅或吊床優閒地享受著微風, 欣賞著日落, 好relax.....