在義大利，每天不是pizza,就是pasta。儘管當地有很多高水平的義大利菜，但也不想每天都吃同樣的東西。更甚的是，不是每一間義大利餐廳都是有水準的，所謂人不可以貌相，連餐廳也是。我們經常受一些華麗的餐廳所吸引，但有時可能是虛有其表，要小心選擇啊！身在異地，不知道為什麼，可能是思鄉的關係，又或是吃厭了義大利菜，總希望品嘗中國菜！

又一將歷史凝固的地方，五條小漁村，也是破舊的海邊房屋。
我就是喜歡陳年佳釀 

比起佛羅倫斯，羅馬城比較幅員遼闊。
記起小時外婆遊歷羅馬後告訴我， 意大利對歷史文化保育自有一套，古跡雖然破舊，但破舊得恰到好處。
我身臨其境，終於明白箇中精要。 

佛羅倫斯，時光停在中世紀的古城。
旅店熱情的大叔、《衝上雲霄》Belle同Sam哥的半山俯瞰、美景美味的托斯卡納菜餚、小巷裡記不起店家名字的開心果Gelato，這裡的一切，都有我的情意結，獨特的味道縈繞於心

威尼斯慢步行，雖然人潮湧動，但也無礙我享受美食和美景的心情。

意大利，讓你味蕾無限振奮的國度。
米蘭和威尼斯的三天兩夜，被Gelato、Pesto pasta和海鮮、美酒徹底打敗。
味覺回憶，對我來講，永遠比視覺回憶來得強烈^^ 

6月6日（天晴）：離開羅馬

唔經唔覺原來已經離開香港玩咗成兩個幾禮拜，真係快活不知時日過！6月6日我地乘坐阿聯酋航空下午航班離開羅馬，經杜拜返港。因時間比較鬆動，嗰朝早我地先喺酒店食過早餐，辦理好checkout手續，就搭專車前往機場。羅馬機場及其工作人員都比肥肥家族留下一個極度惡劣o既印象，所以返抵香港o既第一刻，小肥o既感想係家始終香港最好，旅遊始終係Crystal郵輪最好！

6月5日（天晴）：羅馬自由行一天遊

Crystal Serenity郵輪到達羅馬，大家依依不捨地同佢道別過後，就坐上哥哥預早安排o既車輛，前往InterContinental De La Ville酒店check in。

擺放好行李，手持多張地圖，我地就跟隨團長出發暢遊羅馬一天，一邊睇景，一邊shopping。食完一頓超級好味o既午餐後，行到差不多五點，大肥爸爸就開始大叫頂唔順，所以我地一家四口飲完個下午茶就返酒店休息。到食晚飯時先再跟團友會合，搭的士去Hotel Majestic食一頓XO仔從未食過o既西西里晚餐。見食完晚餐時間尚早，團長就提議步行返酒店，全程只係約半小時，可以幫助消化之餘，亦可以速進血液循環。

6月4日（天晴）：Crystal Serenity Day #12 之La Spezia & Porto Venere

郵輪河踏入最後一日，Crystal Serenity原本應該停泊喺Porto Venere小鎮對出之海面，不過因水位問題，最終改泊La Spezia之港口。對於突如其來o既行程改變，Crystal亦相應地提供免費穿梭巴士服務來往La Spezia港口及Porto Venere小鎮。

因小肥唔想大肥爸爸同受咗傷o既媽咪單獨留喺船上太耐，小肥就同姨媽姨丈簡短地一遊Porto Venere，哥哥就同佢契媽參加其他觀光團。遊過Porto Venere，再返上郵輪都已經差不多三點。因Main Dining Room已經關閉，我地就搵翻大肥同媽咪去Trident Bar度食熱狗，嘆香檳。

郵輪五點正開船，大約六點我地就已經可以喺賭場活動，一邊飲酒，一邊陪媽咪拉機，真係好爽！玩到七點半，我地就去睇郵輪河最後o既一場告別綜合節目。個show完咗就落去Main Dining Room食晚餐，為我地Crystal Serenity郵輪歐遊美食之旅劃上句號。

6月3日（多雲）：Crystal Serenity Day #11 之Livorno/Florence

Florence唔係一個港口，Crystal郵輪必需停泊喺Livorno，搭客先可以轉乘的士或旅遊巴前往Florence觀光。雖然Crystal有提供免費穿梭巴士來往Livorno之服務，大部份旅客都選擇晨早七點半坐旅遊巴去Florence行街，包括我地八個人。

Livorno往Florence之路程非常暢通，個半鐘頭o既車程，半睡半醒話咁快就到。因為我地早一晚已經攞定地圖，規劃好必經商店及景點路線，到達Florence後，我地只係跟導遊叔叔到過集合點，之後就離開大隊慢慢行。解散前，導遊叔叔叮囑我地除左要小心扒手，大家一定唔好單獨離群，要注意街上衣著奇特o既群黨，有男有女，有大人有細路，千奇唔好同佢地傾偈接觸，唔係出左事叫警察都未必幫到手。

Florence到處都係商舖同歷史建築物，邊行邊睇真係一啲都唔會悶，而且唔需要搵車搭，非常方便。周圍都有餐廳同咖啡室，鍾意幾時食午餐可以隨時揀間入去食，行到攰更可以停一停，飲杯咖啡稍作休息，毫無壓力。

我地當日行到四點幾，返上郵輪都已經成六點，因大家都好肚餓，所以就先上Nobu排隊食sushi，等夠鐘先落樓下睇show。晚餐book左Prego，以意大利美食襯托番我地Florence一日遊o既主題，再一次欣賞Daryl Picasso o既表演！