8月11日，天晴。

傳統博物館對我黎講只有沉悶既感覺，出發前朋友都不約而同認為大英博物館係英國必到既參觀地點。朝早獨個兒帶住悠疑既心態踏入博物館內，按照旅遊天書既提議先到諮詢處攞到博物館地圖，再因應自己心頭好選擇要到既展館。

為左親眼睇到真實既木乃伊，第一站就到神秘既埃及館。一邊行一邊欣賞有關埃及既展品，展品羅列非常齊全，細至一件小飾物，大至一幅建築物外牆，加上圖解說明兼備，開始不知不覺投入展館裡。直至睇到第一個木乃伊，接著第2個、第3個....甚至乾屍，心裡感恩著我無錯過大英博物館，其珍貴展品真令我讚嘆不已、大開眼界，好認同大英博物館係人生唔能夠錯過既項目！

跟住參觀左希臘館，最令我驚訝係見到整塊完整既神殿正面外牆，記得响希臘都只能睇到破碎不堪既景象，但大英博物館竟珍藏其他國家如斯完美既遺跡，可聯想到當年大英帝國既強勢。

羅馬，墨西哥、愛斯基摩既展館都係我有興趣到訪既展館，尤其愛斯基摩人生活細節，如建冰屋、捕鯨、用海豹皮製造簿如腸衣既禦寒衣物等都相當吸引。

光走幾個展館己不經不覺消磨左4、5小時，今次真令我對傳統博物館改觀，下次有機會都會嘗試多參觀其他國家既博物館，不過現今能真正能夠跟大英博物館世界級規模比美既，又多唔多呢？

多謝英國既慷慨讓參觀者可免費參觀，更可以在不用閃光下拍照，因此切記要帶相機。

第一次接觸 Nando's，响門口恃應除問幾位之外，仲會問係咪第一次黎，我隨即諗佢地咁問係為左介紹特式菜比未黎過既客人，幾體貼喎。點知不到兩秒，侍應聽到我朋友話黎過，佢一邊帶位一邊跟我朋友講，咁您教您朋友啦！我仍然一頭冒水，坐低忍唔住即刻問朋友究竟有咩特別。其實簡單講，呢問餐廰係半自助式，menu 上寫著每一個步驟比客人 follow，否則無野食。當諗好食咩後，朋友就到 cashier 落 order、比錢，然後到汽水機去 "針" 汽水，攞辣醬等，全部自己黎，唯獨食物就由恃應送到枱上。嘻....原來如此，懶嚴重咁！

食物以雞為主，仲有一 d 黑西哥特式食品，好似 Nachos 咁。另有唔同既組合既主菜同配菜任君選擇。朋友發版要左一個 Full Plater, 有1隻雞、配上 coleslaw 同甜薯蓉兩種配菜。

雞肉肉質都 ok，而食味主要黎自醬汁，但雞胸就真係好嚡，都係交比朋友消滅佢好 d！而兩個配菜真係好正，尤其甜薯蓉滑溜中帶小甜，食落又好似南瓜，分唔清，總之好味就得啦！再要介紹一下，就係兩枝墨西哥辣醬，"好" 辣既我當然唔會放過嘗試既機會，個人覺得勁辣既辣度較為適合自己既口味，對比中環 Izote 用 Habanero 做既辣醬就仲未較辛辣。

Nando's 响倫敦四處可見，可能收費比較平民化，食物質素又 ok，生意都唔錯。而每間店既裝修都各自有其特式，座位編排都係比較密集，繁忙時段難免會覺得嘈雜，好難十全十美！

Garden & Grill 無論餐廳名定其外貌都十足一間西餐廳，但偏偏餐牌上又提供泰國菜，都好喎，食得多西餐都想換下新口味。

原本坐 outdoor 位享受歐洲風味，點知天愈黎愈黑，仲刮起一陣大風，惟有轉移到室內。室內環境都唔錯，坐係窗邊望住街外情景同行人。

泰式炸蝦餅：味道 ok，泰式魚露加上鮮紅辣椒確最像真。

泰式炒麵：味道 ok，備有花生碎，份量細細似足泰國，兩啖食完，但就無泰國炒得咁有火氣喇。

牛排：味道 ok，不過不失。

餐廳裡有幾位泰國人既服務員，服務唔差，大可能也有泰國厨師，要不然味道不會有 70% 像真度！

顧名思義 Natural History Museum 主題就係大自然，出發前查閱旅遊資料，馬上對此館產生興趣！

Natural History Museum 大部份既展品原來係一位漢斯爵士既收藏品，於1880年由大英博物館獨立出黎。因此建築物外型不但宏偉，論博物館既規模、設計、資料同收藏甚豐富，絕不遜色，置身其中彷如融入另一個主題世界，非常吸引。

博物館以星體、火山爆發揭開地球形既話題，更模擬1995年神戶地震，讓參觀者感受一番。我個人覺得震動與當年真實情況應尚有很大距離，純粹係一個賣點。地質、土壤、海洋、氣候變化同環保問題等亦係其相關主題，更有動物、生物標本，最意外係見到 Dodo 鳥既標本，早前到過毛里裘斯得悉 Dodo 係絶種體形較大既鳥類，响當地一保育島上有機會見到 Dodo 鳥既近親。但今次可以將腦海中既 Dodo 鳥完全活現眼前。

Natural Hisory Meseum 當然無大英博物館咁明星，但對呢方面有興趣既朋友，我會極力推介 Natural History Museum。

London Eye, Big Ben, 國會議事廳呢3個地標性建築位置非常接近，同時亦位於泰晤士河上，對遊客黎講真係好方便。

從地鐵站一上黎就係泰晤士河既橋上，河對岸係 London Eye 同國會大樓，而右手邊與橋相隔既就係 Big Ben，突然間好似一盤豐富既晚餐放响眼前，令您目不暇給。我選擇沿橋慢走先到 London Eye 同國會大廈。一路行旁邊有販賣小食既車仔，我被熱狗香味吸引著，反正午餐未有著落，不如試下街邊熱狗既風味。一隻大約7-8吋長既熱狗，炒香既洋葱作配料，有芥末、茄汁可供選擇。售價3英磅，响英國黎講唔算貴，況且係遊客區。一邊欣賞橋上美景、海驅飛翔、聽著鐘聲，一樂事也！

國會議事廳亦係古舊式建築物，充滿悠長歷史背景，遇過無數風霜。1090年由威廉一世完工，1834年經歷一場大火將部份建築消毁，重建後又遭二次大戰破壞，只有 Westminster Hall 原貌可以保留下黎。但可能由於遊客稀來攘往，加上各式餐廳、手信店舖、影院、售票處等既座落，驅走國會議事廳固有既嚴肅感！

反而 Big Ben 筆直地站立著由1859年開始緊守崗位，嚴謹又有規律地報時，重重鐘聲風雨不改地提醒泰晤士河一帶既人群，責任崇高！

遠睇 BA London Eye 好似一個小玩具，實質好大，每一個透明車廂可容納30人，中間設有長櫈，通道足以讓輪椅出入，每轉一圈最小要30分鐘。London Eye 係一個幸福摩天輪，車廂內可高高在上地環顧倫敦市內美景，亦可與旁邊車廂旅客打招呼！想要官方照片，記得臨尾時對準鏡頭開懷大笑呀！

聽講日與夜擁有截然不同既美態，有時間可以夜晚再去多一趟！

响 South Quay 有好多一眼就知係豪宅既 Apartment，外形新穎，恰如星加坡既型格豪宅區，與傳統英式既 House 各走極端 。除此之外， 呢區仲有好多世界級既金融機構，辦公大樓向高發展，全係玻璃外牆，朋友形容為中環，我個人覺得比中環還要新。

Bengal Quay 外觀與內部亦係中檔次既餐廰，當晚客人唔多，僅得3、4 枱客人，十分寧靜。

- Samosa (肉同菜饀)：
皮係用上普通春卷皮，較薄同脆口。跟响香港食到 Samosa 較為厚身既皮，食味同口感都有差異。 肉饀較為美味，而菜饀則太乾。

- Bengal Tiger Fish：
魚肉夠滑，食味有微酸，辛辣度排第2。
 
- Lamb Jalfrezi：
羊肉肉質鬆軟，入口帶點酸味，但隨即辛辣味佔據舌尖，唔能夠輕視，辛辣度居首位。

- Lamb Madras：
羊肉味較輕，亦有小許韌，辛辣度排第3。

- Aloo Gobi：
椰菜花本身味香濃烈，伴有洋葱碎，只帶微辣。

- Chicken Tikka Massala：
以甜酸味為主打，辛辣味為次選，辛辣度排第4。

- Chicken Jalfrezi：
係唔辣既菜式，椰汁味濃。

- Plain Naan：
味道逹到一般水平。

- Bengal Rice：炒得幾香，味道 ok。

總括黎講，食味、服務、環境等都算唔差，但論印度菜既精髓就未能完全發輝。從菜式食味温和同採用既香料較輕黎判斷，則欠缺印度色彩，好理解食肆多多小小都會為當地人口味而 Tailor Made。食厭左西餐，試試印度菜亦未嘗不可！

逛到有點倦及餓，走到 Wasabi 門口見唔少人幫襯，食日本壽司又可以換換口味，自助形式又較隨意，儘管一試。

選好壽司及飲品，便到 Cashier 付錢。由於人數唔少，要等一陣先有位。

打開加洲手卷，竟然發現裡頭有蠺豆，記得加洲手卷唔係青瓜絲、牛油果、蟹柳、沙律醬嗎？基本無一配料係啱既。飯還是可以，但有點鬆散。再試埋其餘兩舊小壽司，味道不過不失，唔可以話難食，不過完全唔係平日食開既日本壽司既風味。

好彩無多要幾個，否則真要揼心口！

根據上次飛阿聯酋經驗登機前唔太敢食野
首先飛左去Dubai先~第一次坐A380
Economy d位都闊d好坐d
有時仲會有d燈光效果咁樣
dinner飛機餐有羊肉食, 唔太羶仲好軟tim
而且仲食到少少皮幾正
仲有d  biriani{印度菜飯}飯不過好難食
所以剩係食哂d肉
個吞拿魚沙律入面有d冷麵都唔錯
不過甜品好難食coconut cream有怪味
芝士同apple juice都係必食/飲之選
飛左6個鐘度到了
中途等轉機唔似一個鐘因為之前有delay
杜拜飛香港大約差唔多8個鐘
飛左無耐有包snacks不過好難食
叫左pineapple juice~都必叫架
同朋友上機冇耐就訓左, 一打開眼見到自己張餐牌俾人放左係大脾度{唔跌好勁}
朋友個d就攝左係隻手度xDDD
食左兩餐Lunch係燒牛肉加連皮薯條, 薯仔沙律同甜品
個燒汁酸酸地唔多好食但個牛肉本身幾好架
薯條當然淋哂啦{有d飛機餐煮好到俾人食時間都隔左半個月}
但都ok ge
薯仔沙律甜甜酸酸咁幾開胃
甜品初頭睇以為係雪糕
其實係一個chocolate muffin旁邊有d mousse同朱古力醬
真係整到好似一球雪糕咁
朱古力醬偏苦幾好食
最後當然食哂啦~
snacks係雞肉三文治同飛黎個陣一樣
但d餡好食左
除左雞肉外仲有少少生菜個醬就有少少似千島醬
都係凍食但都好味d雞肉仲係滑既
另外仲有個muffin~普通冇上次個隻咁濃.
兩餐既飲品都係pineapple juice~

食完野收餐盤個陣發現有個空中少爺好靚仔xDDD
想影佢但俾佢發現左
佢好巧妙地扮冇野咁縮低左係個架車仔後面=D
仲有一個好似Mr Bean呀~
訓左一陣腰骨痛
係架飛機度用佢個remote打電話傾計同打機
架機好靚.. 個頂會有d燈仔扮星星
等下等下就返到香港喇
第一個感覺就係: 好熱!!!
而家反而最掛住既係人地既host family同隻狗@

因為今朝黎多左兩個西班牙學生
夜晚黎多兩個法國學生
個女人話咩法國學生好細個要唔知點點點
所以就想我地搬去樓下gardon格黎間房

夜晚返到家沖完涼攤係度個陣聽到個兩個法國女仔黎左
個女人對佢地勁好勁友善.
哈明既始終大家都係西方人嘛.

係個town玩完一齊坐車去朋友既host度BBQ^^**
個host family好nice好funny
隻狗雖然好大隻但好好玩
識頂頭鎚架~!
今晚好多野食
唔算係BBQ因為都係由人地爸爸燒俾我地;p
燒左漢堡扒~可以夾包夾芝士同蔬菜
好美味食左兩個J
仲有兩款墨西哥脆片
點d辣醬好食到傻左
可能太耐冇食好野
食到癡左線…係咁拎黎食
加上個醬酸酸辣辣好開胃
好彩食完第二日未算爆哂瘡
仲有兩款沙律
赤裸裸地見到係買既~不過冇所謂我覺得
有BBQ已經好爽
其中一款沙律係琴晚個餐都有食既!! 有沙律醬個隻
{咁即係其實我地host個廚房其實冇乜用}
呢一隻係薯仔沙律味道都幾好
加d沙律係d餅上面食都隊左好幾塊:P
另外仲有炸蝦
外面好似有d春卷皮之類既野包住
雖然食個陣凍左
但都好好食d蝦唔霉架^^!點泰式辣醬食~
炸蝦係最快清哂既一樣小食~
個host daddy仲燒左雞鎚
唔通真係外國既雞好食d?
daddy燒得好好呀~~個皮唔肥好薄
燒得脆脆地但入面肉質仲好嫩滑多汁~!係香港真係未試過;p
食食下個family仲翻叮左佢地琴日食既pizza
雖然係叮但都俾面食廢事浪費
pizza有兩隻~一隻似香港既鬆厚批
感覺幾鬆軟
芝士落得唔多仲好唔太膩~
另外薄批冇食到因為真係飽喇;D
仲有燒腸仔
燒焦了而且腸仔係午餐肉味好怪
大家都只唔敢食呢一樣而已xD
雞鎚pizza同腸冇影到掛住食呀:D
講下甜品
有朱古力muffin, 檸檬蛋糕同卷蛋
其實個胃就爆不過都試下啦
朱古力muffin係係一間既ASDA既supermarket度買的
味道濃, 但鬆軟得滯冇muffin個種感覺
檸檬蛋糕係將件蛋糕個頂切開
加左d檸檬味既icing sugar再放番頂部既蛋糕上去
d icing sugar唔膩檸檬味好清新
應該係個host mum自己整既
我中意食甜野, 所以我好中意*仲打包左個tim xD
卷蛋冇食到因為好飽
外國西瓜好似冇咁水~
食到最尾個host family係咁拎d甜品出黎xD
有我最愛既caramel shortcake同埋朱古力手指
雖然飽到上頂但都有食
*今晚又食又拎呀;p{明天packed lunch有著落了}
真係好開心;)

琴晚寫左張便條俾host mum同佢講成件事唔係咁
不過佢都唔會點信架喇
不過都有寫番話我地中意食佢d pasta,waffles呀個d
希望唔好再有d恐怖菜式
今朝就有waffles la
食食下個host mum走出黎講左好耐..
話多謝張紙又XXXXXXXX{都係講番個d野}
跟住有句好正{Here is my family, we smoke!

d煙味攻上二樓真係好爽!!!!!!!!!!!

晚飯好嚇人一搬出黎勁似屎
係墨西哥菜…個名是甚麼我不了解
起初有飯食覺得好開心
但一食落口
飯既質地好似未叮既波仔
碎濕濕好可怕
中間既係好似咖喱既野
辣辣地入面有好多紅腰豆
我個人比較中意食豆類野所以冇所謂
但個飯真係食唔到