第ニ天來到每年都會拜訪一次的Taling Pling餐廳Lunch,呢間食店最正都係Silom區,装修靚又舒服.係度我地都同唔少名人碰見過,香港歌星,政界,富豪....晚餐時段機會最多.開飯!

脆米餅配甜椰漿:傳統泰式小食,香口又美味的一道開胃小點.

冬隱公乾燒雞肉:完全冬隱公的味道,好惹味,推介之作.

炸魷魚:泰版魷魚穌,同港版一個味道,攪鬼~哈.

綠咖喱鴨:超愛綠咖喱,甜甜地,濃濃的椰奶味,伴飯一流.

泰式炒野菜:不知名的野菜爽口好味,配泰式醬好夾.

花園中的魚:朋友講給我知這道菜的美麗名字,因為條魚個樣好恐佈,而且又有河腥味,但配埋個汁一起食,頓時美味無比.腥味全失.

甜品(番荔枝雪糕):正宗法式Home Make,奶香超重,又有新鮮果肉,推介之物.

每次來泰國必到之地,推介給身邊好友,無一不讚,也放在她們的遊泰必到地之一,讚!

午餐來到Siam Paragon,商場內餐廳林立,選擇多,自然意見多,挑來挑去後還是步入上年食開呢間 9th Cafe,吸引之處,還不是那些美麗的蛋糕,甜魔急call.醫肚開飯!

飯焦配甜椰汁:一道比外表看上去更美味的小食,鬆脆的飯焦配丄香甜的椰漿,香口到爆,一碟唔夠食呀.

泰式金邊粉:以前係酒店房叫嘢食必叫呢道麵,因為一定唔難食,呢度都唔例外,金邊粉好食之餘,配埋脆脆雲吞皮,口感豐富着一層.

泰式燒猪扒:店員推介.果然出眾,厚身豬扒燒到剛剛好,又嫩又多汁,最緊要有豬肉香味,入口留香.配上獨特泰式酸辣汁,好味指數爆燈.

煙肉大蝦意粉:估唔到泰國煮意粉如此出色,硬度剛好,配上香濃extra virgin oive oil,上上之作.好味!

煙雞肉菠菜寬條麵:又係好好味,今次配白汁,又香又滑,好味!

沽唔到在此食到如此高質數的意粉,真係會再來,唔知甜品....

先來Apple Pie 同 石坂朱古力蛋糕:前者Pie皮做得有些不對勁.內裏萍果炒得唔夠香,另外那味古力蛋糕一食便知泰國人口味~勁甜!两者剛剛合格.

椰青雪方蛋糕:又是店員推介.論外表排第三,味這出奇地好,鬆軟的蛋糕配上淡淡椰青奶油,天衣無縫,好味.

上次來食印象麻麻,但經過今次,意粉和甜品上上之作,一定唔會放過,下次再來食~哈!

拜完四面神,也是時候醫醫個肚,泰國朋友相約傍邊的Nara泰餐廳晚膳,Nara裝修華麗,最啱朋友相聚,開心吃返一頓,開飯!

炸脆豬肉絛:本來以為會好肥利,但原來猪肉炸脆後走晒啲油,變得又香又脆,配埋炸脆了的香葉,一個開胃又香口的小食,正!

泰式雞肉春卷:唔炸的春卷配少油的雞肉,清淡又健康的一道小食,劃龍點睛地加上特色泰式燒汁,立刻變得Very Hot.....

特色河粉:穌絲黃推介,味道有別於一般街邊河粉,湯底味濃,味道別樹一格,可以一試,两種口味,各有特色.

咸魚炒菜:大路之物,過可能出於本土,特別香口美味.

泰色伴茄子:泰國菜精彩之作在於酸同辣的合調,醒胃又美味,這道菜第一次食,但也是最有印像的一味,

咖喱軟壳蟹:本人好少在大廳廣眾面前食蟹,怕失禮,但軟殼蟹就無需用手對待,食得好味又有儀態,推介之作.

泰式燒雞配糯米飯:泰國北部的傳统菜式,雞肉配香料燒到又香又多汁,好味.

木瓜沙律:傳統泰式小菜,每年又有伴沙律比賽,來泰國叫這道菜一定唔雖食,但一定要食得辣同埋消化良好.

特色雞串:雞串澆到多汁又嫩,配上蜜汁變得特別好食,泰國菜中的點汁可算是靈魂所在

甜品:以為只是紅茶,綠荼雪糕球,點知得意在配上大量泰國增多冰材料,哈,連唔食甜品的大師兄都溝埋一份,玩得又食得.

開心又一餐,食飽再行街,度假的行為!

今次被安排座o係一樓~
雖然係風口位, 但因望到全場爆滿....算啦~
咩野時候黎建興都總係好多人~

因為上次已試過招牌菜咖哩蟹~真係好好味架...
不過~今次要再試下其他菜..因而決定order以下菜式~
魚露泡生蝦, 蟹肉魚肚, 大頭蝦粉絲煲, 特色製鱸魚, 冬陰公湯, 炒怕羞草(大), 芋蓉餅

先黎既魚露泡生蝦..一碟有8隻用上自家製魚露醃左生蝦,,再加埋微甘既苦瓜同食~好鮮甜呢~
第一次食蟹肉魚肚既我...原來幾好食喎...魚肚唔腥~都幾多蟹肉...
獻汁好似平時食碗仔翅既味道~杰杰地~比o係HK食平得多~

今次再encore既大頭蝦粉絲煲..粉絲較粗身, 但索滿蝦鮮味~yummy^^
大頭蝦既蝦頭充滿橙紅色蝦膏..哈哈~忘記膽固醇盡情吸吮....

特色製鱸魚~其實唔記得左個名喇..但佢幅圖係同咖哩蟹一樣咁大幅~
應該都係招牌菜卦....花生, 蒜粒, 生洋蔥粒灑o係炸鬼香脆既魚肉上~
魚肉仲係滑~我連骨都食埋..就知道好食啦~
不過少食多滋味~食得多就小心熱氣.....

遲遲未出現既冬陰公湯, 酸辣度取得平衡~香料味都幾重~
各個菜館都有自己既製法~就算黎到泰國...間間味道都唔同~唔試唔知岩唔岩自己~
呢間都唔錯~海鮮味都出到黎~等耐少少都值既...

黎到泰國梗係要叫d平時少食既菜啦~炒怕羞草口感爽d~
略油~但真係唔明點解要大portion都係得咁細碟呢...
唔同呢度菜價貴..?

不得不提就係我地既至愛~芋蓉餅
唔係普通o係街都可以食到既泰式甜品~
只係簡單地將芋頭蓉壓成餅狀..放幾片杏仁片再拎去炸~
但出黎效果~好!!..雖然炸過係油d同熱氣d~
而且仲會好飽添~但係芋頭既粉甜實在難以抗拒..........

黎泰國梗係食海鮮啦~一來新鮮,二來比香港平得多~

晚上約19:30到達~
餐廳面積大~又多枱, 但客人唔多~
連埋我地都係大概得6-7張枱有客~
研究menu用左幾多時間~但侍應完全冇催促........
只係o係附近傾下計~等我地order~
黎到當然叫拿手菜啦~
黑胡椒炒蟹-120 baht/g, 炸蝦餅-100 baht/S portion, 海鮮春卷-100 baht/S portion
炒北方菜,  豆豉鱸魚炒河粉,  酸梅汁/支,  水/支

馳名既黑胡椒炒蟹大大隻~殼較硬同厚..
有炸蒜, 生洋蔥同花生同炒~...幾惹味~
爸爸最愛食蟹拑時o個份滿足感..厚肉又鮮味..

炸蝦餅同海鮮春卷各有5件..
蝦餅既蝦膠好彈牙~而海鮮春卷入面則有幾款海鮮...同樣鮮味~
兩者比較~蝦餅較優勝...

炒北方菜我估係蕃薯苗..望落去好似好硬..有幾條菜有渣~
食慣左種質感都ok~

豆豉鱸魚炒河粉用砵仔上...除左4件炸鱸魚外..
仲有洋蔥,草菇, 紅蘿蔔片等配菜~此乃濕炒款...
河粉超滑, 美味....有大/中/小份量選擇~

仲有我既酸梅汁真係好酸..要猛加冰溝淡d~
可能佢要我開胃d~食多d......哈哈~

Marriott 最新Service Apartment 推介, 位於 Sathorn Road 於Somerset Park Suan Plu and Fraser Suite Sathorn 之間. 但比兩者更方便。

Sathorn Vista, Bangkok – Marriott Executive Apartments
(Opening date is March 05, 2009)

因為有買一送一優惠~
只係比兩晚房租就可以住4晚...
而且酒店新開~所有設施都好新同靚~
我地3個人住two Bedroom Deluxe Suite,約有千幾呎,有 One King Size Bed + One Double Bed.
呢間suite可住4個人所以包4人既bft~
當然我地3個人就冇咁抵啦~但就住得更鬆動.....

suite入面既家電分分鐘比你屋企更齊全~
有大焗爐, 厚多士爐, 洗碗機, 洗衣機, 乾衣機, 四個爐頭, 榨汁機, 燙斗, 燙衫板, DVD 機等...
仲有各款廚具, 煮食用具等...

toilet有兩個~分別在主人房o個個就多左浴缸..

唯一不足既係用 Wireless係要另外收費, 差唔多50幾港元/鐘..$160/日~

有gym room, swimming pool, 水力按摩池, games room...

見到有我最愛既小食~
當然要帶爸媽一試啦...
估唔到佢地都鍾意食~
要左一個set:有一個almond pretzel, pretzel dogs with custard, Lemonade

即焗既almond pretzel..新鮮熱辣~
杏仁味係帶甜味的.

pretzel dog既係包住左要熱狗腸~多左份鹹香...

至於Lemonade酸酸地又冰凍~解暑消滯一流~
成個set hk$30都唔駛~o係hk肯定唔得...
而且比hk更新鮮呢...