Oldies Café (曼谷, Siam)

行完siam paragon..當然要醫肚啦~
過左隔離siam centre 4樓食呢間以60年代既美式裝修,
但又食到唔錯既泰菜餐廳...
價錢唔貴~所以客路都係後生仔....

本想叫生蝦~竟然售罄~
最後我地要左個辣汁鴨肉河粉, 豬肉手卷, 青咖哩雞, 炒菜, 白飯
同一個特別既菜式(唔記得叫咩名, 但入面係有炸香左既菜餅, 可揀配料蝦/魚/牛/雞),
一杯青檸汁, 一杯青檸冰~

menu有少量圖及英文~
而且waiter大多識簡單英文,
唔駛驚唔識叫~除左普通泰菜...仲有以泰美fusion既意粉/buger等~

portion唔大~可叫多幾款share食~
辣汁鴨肉河粉既河粉好滑...有少少似粉皮....
豬肉手卷配有三款醬汁比你蘸~而且卷左d生菜, 蕃茄咁~更有營.....
至於我話唔記得左個名o個個菜:入面d魚反而成配菜~
因為炸香左既菜餅索晒d汁更為吸引呢~~

整體味道唔差...咁多後生仔當然會噪少少啦~
但d位都幾闊幾舒服~
可以一試....