泰國遊記 - 餐廳酒店景點行程旅遊指南 - 開飯遊蹤 - Thailand Travel - Restaurant Hotels Attractions Itinerary Guide

共9篇遊記

蘇梅之旅Day3-Eranda Herbal Spa & The Cliff Bar & Grill (泰國)
旅程性質: 觀光攝影

整個旅程 (共1篇遊記)

分享至Facebook

發表日期: 2016-09-29

查汶 Chaweng

2016-09-29

查汶 Chaweng (蘇梅島)

酒店早餐rustic brown bread

藍天白雲

查汶

HEA蒲7仔

東京香蕉的FD泰國香蕉蛋糕

BOOTS

藍天白雲同時又下雨

海灘

第三日,今日的天氣終於似返點樣了!好天氣呀，今日可以晏點,8:30係酒店嘆個早餐，rustic brown bread幾好味，食左早餐抖一陣就出去了,BOOK左9:45酒店車前往查汶(Chaweng)， 10:20到查汶，查汶大街,又是周圍行的時候,原來大部分小店都是11:00才開門,係蘇梅的小店子買野,記得要講價呀。
711
因為好多店未開，去了7仔一趟，好多泰國象牌的飲品，見到有獨立包裝的小香蕉,似乎香蕉都幾多人鍾意，還見到個好可愛包裝的香蕉蛋糕,有點兒東京的影子呀，
查汶大街
係7仔hea之後開始行街,有太陽同時又下雨了-0-，沿途不少特色店子，去左BOOTS,泰國出名的藥妝，狂掃貨，行行下去到一個海灘，藍天白雲的好靚呀,玩左一陣,大約2:00搭的士回酒店擺低戰利品先,再坐酒店車到Eranda Herbal Spa。

Eranda Spa

2016-09-29

Eranda Spa (蘇梅島)

Eranda Herbal Spa

接待處

welcome drink

茶點

到Eranda Herbal Spa,book左15:00，環境好靚，鳥語花香,充滿大自然氣息,心情因景色而變得平靜，坐著等候時的飲品,薑茶,十分清新呀。
我們4人，分了二人一間房,會有兩位技師帶我地先入房換衫同放好財物,再去焗桑拿同浸浴,先是高溫焗桑拿5分鐘,然後即出去浸凍水5分鐘,來來回回幾次,好爽呀，之後開始按摩了,實在太舒服了,成個人鬆晒，按摩後的茶點,感覺特別好味，之後係Eranda book 車送我地去Cliff dinner。

The Cliff

2016-09-29

The Cliff (蘇梅島)

The Cliff

室外

Mediterranean salad

Carpaccio Di Manzo

Jumbo Seafood Platter

薯條、飯及汁沙律菜

Tagliatelle Bolognese

Fettuccine Al Pollo

到了The Cliff，book左6:00好早,冇乜人呀，餐廳都是分了室外及室內，室內是裝潢是型格的西餐廳，室外個view靚好多,真的是懸崖飯，即看餐牌，都是有中文的，聽聞出名的海鮮，必試下了。

Chang beer,THB150,來到就試下。

Mediterranean salad,THB320,g地中海沙拉,有青蘋果、腰果、芝士粒及沙律菜等,都幾清新,本身LIKE腰果,覺得不俗呀。

Carpaccio Di Manzo,THB480,澳洲生牛肉薄片佐波西米醋醬汁,真係好薄,好難夾得起,一夾即散的質感,口感鮮嫩,配上芝士粒粒及醋,酸酸鹹鹹幾好味呀。

Jumbo Seafood Platter,THB4980,大份海鮮拼盤,當日冇龍蝦的關係,換上其他海鮮...有大蝦、青口、帶子、炸魚、魷魚圈,好豐富呀，蒜香大蝦,口感爽彈好香口,燒帶子,都幾鮮味，青口,好少可食到好味的青口,夠新鮮,肉質爽口肥美，魷魚圈,爽口彈牙,不俗呀。

跟餐海鮮拼盤有薯條、飯及汁沙律菜,粗薯條熱辣辣好味,沙律菜新鮮,個飯好特別,細細粒的飯,味道較酸,普通呀。

Tagliatelle Bolognese,THB480,肉醬意大利麵,味道普通。

Fettuccine Al Pollo,THB480,招牌雞肉白醬緞帶麵,緞帶麵口感太硬,味道都係普通。

意粉及飯普通,海鮮必食呀。

之後接的士返去酒店。

評分: 味道3 服務4 環境4 衛生4 抵食4

Krua Bophut Restaurant飲野

2016-09-29

Krua Bophut Restaurant (蘇梅島)

Krua Bophut Restaurant

好可愛的小貓

西瓜汁

又下大雨了

返到酒店,又去漁人村行雨下,見到Disneyland X 象，好有趣呀。
時間尚早,一於去飲野,好想飲西瓜汁,又去Krua Bophut Restaurant，今次坐室內，窗外的景致,都好靚呀，大家都飲西瓜汁(團購?XD),飲野吹下水relax好正呀，走的時候...行行下落大雨-0-,好在有個帳篷避下,好大雨呀。
返到去沖個熱水涼舒服晒,睇下先己今日的戰利品，都好多呀，執定行李,住埋明天就轉酒店了，就訓時Aeris帶來的清熱氣沖劑,好窩心呀。

評分: 味道4 服務4 環境4 衛生4 抵食4

0 個留言 | 加入你的留言

共9篇遊記

蘇梅之旅Day2-Hansar早餐、龜島、南園島浮潛 (泰國)

整個旅程 (共1篇遊記)

分享至Facebook

發表日期: 2016-09-28

Hansar 早餐

2016-09-28

Hansar Samui Resort & Spa (蘇梅島)

餐廳室外

室內

buffet食物

Hansar coffee

benedict

buffet食物

因為去浮潛,活動時間是8:00-17:30,6:30到已經起身了,早上的天色還可以，先去食酒店早餐，餐廳有室外及室內，怕下雨還是坐室內好了，早餐buffet好多野食呀。
食物有水準，還有早餐主食-benedict，半熟的水波蛋,都OK，Hansar coffee不俗，生果必食,呢到的香蕉特別好食，傳聞中的蛇皮果,可以一試了，口感好似大樹菠蘿,味道好酸呀。

評分: 設備5 服務5 環境5 衛生5 抵住5

龜島浮潛

2016-09-28

龜島 koh tao (蘇梅島)

碼頭chack in

出發

浮潛用品

水底好多魚

水底珊瑚好靚

玩浮潛，由酒店幫你BOOK都可以，有專車接送。
因浮潛是係酒店BOOK,7:50係酒店大堂集合,由酒店專車接送去到碼頭，8:45到碼頭,要先去登記，手上綁上彩繩作記號，活動有提供輕食的早餐，大家等待的時候可享用，9:00上船出發了。

龜島浮潛
開船之後突然多雲...下大雨呀@@oh no!不過活動如常，船上有飲品提供，導遊在整理浮潛用品。
大約10:30到達了龜島附近的海灣(Mango Bay, KohTao)仍是下雨,不過可以照玩,聽下導遊教導點戴潛鏡,就開始浮潛了,我第一次浮潛+唔識游水之下,先到海灘企到的位置視察，一踎低潛落水看,wa!已經見到好多魚,眼前一亮呀,我地有租水底相機,當然要不停影下相,多數都係king影的,影得不俗呀。

因為水底個景好靚,想去遠點睇下,但又唔識游水不斷係到浮浮沉沉(唔敢出海的樣),有個浮潛指導人員(應該是隔離船的,我簡稱佢為教練)睇狀,問要唔要帶我地去睇珊瑚,但我地唔太識游水,佢話不怕,猶疑左一陣之後照去了。

有專業人員教練睇住,安心好多呀,見到d珊瑚,真係好靚呀,這幾張是教練影的,THX!我地就全力欣賞!教練真係好好人呀,帶我地睇珊瑚之餘,又游下我地學游水,仲要好風趣呢。

浮潛後lunch。

龜島lunch

2016-09-28

龜島 koh tao (蘇梅島)

龜島

餐廳內

自助食物

龜島lunch
浮潛後再搭船到龜島食lunch,11:45到達，唔不知是甚麼名字，餐廳內多是浮潛活動的人仕，食物好似是自助餐咁任食的，食物上有飯、炸物、水果不等，都幾有風味，用餐約一小時，之後好快又出發去南園島。

南園島浮潛

2016-09-28

南園島Nang Yuan Island (蘇梅島)

南園島

南園島下雨中的景

沙灘

水底

南園島浮潛
lunch之後再搭船去南園島浮潛，又下大雨呀-0-，去了海灘,係岸邊潛左一陣,呢到的海水好清呀,不過就唔多魚睇，跟住只係周圍行下，14:45上船離開南園島,其實個島好靚,不過差唔多半日都是下大雨...影唔到靚相,搭船時仲大雨又大浪,因為4人坐最出的位淋晒雨+食晒強風@@...真係凍上加凍...我地簡稱係酷劫XD,雖然我地咁講,但都係另一番體驗,同對浮潛興趣大左,因為海底太靚了,同好在有租水底相機,下雨浮潛都用佢。

Krua Bophut Restaurant

2016-09-28

Krua Bophut Restaurant (蘇梅島)

Krua Bophut Restaurant

TOM YAM POH TAK

RED CURRY WITH CHICKEN

SHRIMP EMPURA

DEEP FRIED SPRING ROLLS

FRIED FISH WITH HERD SALAD

漁人村dinner
16:30返到碼頭再坐車回酒店,梳洗一下,又出去漁人村食DINNER，Krua Bophut Restaurant,行左一陣揀左呢間。
室內環境大樓底高,有空間感,以深啡木色為主,充滿古典味。
室外的環境,是向沙灘的,燭台內的貝殼及沙石,同沙灘好合襯。好浪漫同有情調呀，我們揀室外。

COCONUT,THB140,冇咩特別。

WATERMELON,THB140,田會長的,好飲呀。

RED CURRY WITH CHICKEN,THB250,紅咖哩雞配飯,味道濃郁,唔太辣,都ok。

TOM YAM POH TAK,THB240,用椰青殼盛裝的,個湯睇落好清,味道是酸酸辣辣的,有好大舊魚肉,都不俗呀。

SHRIMP EMPURA,THB180,大蝦來的,都幾好味呀。

DEEP FRIED SPRING ROLLS,THB180,味道普通。

FRIED FISH WITH HERD SALAD,THB180,都幾好味呀。

食物正常水準,環境取勝呀。

之後買了零食回酒店,4人又邊食邊吹水,好正呀,今日運動左一日又早瞓左,聽日去做SPA,期待呀。

評分: 味道3 服務3 環境4 衛生3 抵食3

0 個留言 | 加入你的留言

共9篇遊記

蘇梅之旅Day1-漁人村Starfish and Coffee (泰國)
旅程性質: 觀光攝影

整個旅程 (共1篇遊記)

分享至Facebook

發表日期: 2016-09-24

漁人村lunch

2016-09-24

Starfish and Coffee (蘇梅島)

starfish

涼拌柚子沙律

炸蝦餅

冬蔭功湯

咖哩牛肉配飯

燜菠蘿飯(蝦子)

Starfish and Coffee
行左陣漁人村，去了呢間,都幾近酒店呀，店子環境面積寬敞,裝潢以紫金色為主,有不少的特色擺設,感覺relax,係蘇島的餐廳,多數都有露天位置,是賣點呀，menu有中文字,覺得方便的同時,又覺得有點兒.......之後叫了數款食品,太好了可試真正的泰國菜。

starfish,THB240,賣相好吸引,味道似fruit punch。

涼拌柚子沙律,THB170,味道不俗。

炸蝦餅,THB250,有4件,剛好呀,同平時食的蝦餅不同,平時果款多是蝦膠而成口感彈牙的,呢個蝦餅裡面真的是蝦肉,同夾雜左少少魚肉,香脆又好味呀。

冬蔭功湯,THB230,去泰國必試呀，好足料的冬蔭功,好大隻蝦,最喜歡酸酸辣辣的味道,不過呢個比想像中酸,唔太辣,椰香味較濃,未到好美味,但都不俗呀。

咖哩牛肉配飯,THB250，椰香味比較重的咖哩,不太辣的。

燜菠蘿飯(蝦子),THB250,好足料的菠蘿飯,不過唔算太香菠蘿味,普通呀。

食物上正常水準,不算太突出,但環境不俗,服務態度幾好,侍應識攪下笑,感覺輕鬆又親切呀。

評分: 味道3 服務3 環境3 衛生3 抵食3

漁人村夜市fisherman's village

2016-09-24

fisherman's village (蘇梅島)

漁人村夜市fisherman's village

燒魷魚

大椰青

燒薯仔

鱷魚肉

雪糕

串燒

banana-nutella pancake

返酒店遊泳抖一陣,17:30又出左去漁人村,每逢星期五漁人村都會有夜市,就好似小販檔一樣,有好多小食及飲品,仲有一些小檔灘,十分熱鬧呀。

小食有好多選擇,特別炸物同串燒較多，眾多美食之下,幫襯了幾檔。

燒魷魚,燒完的魷魚再切粒,然後撈埋醬汁即食,魷魚口感腍腍地,少少爽口,幾特別,味道酸酸辣辣,仲要都幾辣下,幾好味呀。

大椰青,THB50,果然好大個,味道同平時飲的椰青差唔多。

燒薯仔,THB20,熱騰騰又大件的燒薯仔,口感夠腍,配上牛油及蒜茸,味道香口,好味呀。

鱷魚肉,THB100,口感好似霉了的雞肉,好鬆散,只有沙嗲調味料的味道,唔太好食呀。

雪糕,THB40,有6-7小球雪糕,用椰殼盛裝著,好有特色呀,雪糕有椰香同炎煉奶味,好香甜呀,加上配料及椰肉,真係好美味呀

串燒,THB50有8串,要了4串雞肉及4串豬肉,味道普通。

banana-nutella pancake,THB40,香蕉榛果朱古力,好多醬同香蕉,果然好味呀。

行到好攰之後去左一間Dusita Spa按腳，ralex，之後回酒店訓過好的，第一日去玩呀。

0 個留言 | 加入你的留言

共9篇遊記

蘇梅之旅Day1-Hansar Samui Resort+漁人村夜市 (泰國)
旅程性質: 背包旅遊

整個旅程 (共1篇遊記)

分享至Facebook

蘇梅之旅Day1-Hansar Samui Resort

發表日期: 2016-09-24

2016-09-24

蘇梅島漢沙度假酒店 (Hansar Samui Resort) (蘇梅島)

蘇梅國際機場

蘇梅島漢沙度假酒店 (Hansar Samui Resort)

無邊際的大游泳池

迎賓飲品

酒店房間

舒適大露台

沙灘

漁人村

4個女子去旅行,大家在百忙之中計劃，感謝 aeris、田會長and king努力plan行程>3<,我實在太hea了,坐曼谷航空,早上8:45出發。食個餐、睇場戲、訓左陣,醒返11:10到達蘇梅。

蘇梅國際機場
機場大部分的地方多是露天,像花園一樣,蠻有特色，出閘後先去買電話卡，我們BOOK酒店時已順便BOOK埋Hansar酒店車直去酒店。

蘇梅島漢沙度假酒店 (Hansar Samui Resort)

到了酒店，红泥色的屋子建築,給人一種似家的溫暖感覺,周圍都是樹木,感覺悠閒寫意,似返渡假FEEL呀，無邊際的大游泳池，好想即去游水，走進大堂位置,簡約的啡色的設計,感覺似大自然,有relax之感，我們等候時，有迎賓飲品,是帶點薑味的果汁,冰涼又清新呀。

酒店房間

走進房間,面積尚算寬敞,木色的設計,感覺舒適,張二人床都好大呀，最正係個開放式大露台，每一間房子都是面向海的,同一大片草地,個view好靚呀，衣櫃位置,有個藤籃,內有兩條大毛巾是給客人游水時用的,不過此服務只提供一次，浴室範圍好大,都是冇門只用浴簾的,都幾開放式呀。

海灘&漁人村

從海灘行幾分鐘就到漁人村(fisherman's village),好方便呀，擺低行李之後就出去行街食,LUNCH了。

0 個留言 | 加入你的留言

邊度有好嘢食

共51篇遊記

清邁七天悠悠遊 (泰國)
(旅程日期: 2016-06-25 至 2016-07-02 , 旅程性質: 消閒度假)

整個旅程 (共2篇遊記)

分享至Facebook

遊記 : 第6日 - 第8日

發表日期: 2016-09-19

遊完清邁, 花了三小時的車程前往拜, 人人都說經過全程762個彎的山路都會難免一嘔, 可能早有身心理準備, 路途順利又平安呢!

拜這個小鎮太適合hea, 休休悠悠過日子, 太自在了。

最佳選擇

2016-09-19

Pai Village Boutique Resort & Farm (泰國)

一切都比預期還要好, 一切都十分滿意~~~

獨立的小屋, 設備一應俱全, 床寬敞而舒適, 空間十足, 尤喜愛屋前的小平台, 供悠閒安坐。

服務員個個態度友善, 且能操流利英語或國語。

地點位處中心, 周圍逛逛都便利非常!

評分: 設備5 服務5 環境5 衛生5 抵住5

拜縣夜市

2016-09-19

Pai Walking Street (泰國)

拜縣每到晚上, 步行街就會有個夜市, 由於小鎮不大, 步行街的夜市也是細小的, 但反為顯得集中。

吃的玩的都有~~~

評分: 值得去5

拜縣一日遊

2016-09-19

拜縣一日遊 (泰國)

大樹秋千

Coffe in Love

草莓園

大峽谷

二戰橋

The heart of Pai

遊拜最好的方法是包一輛車周圍遊, 很多遊客都租用電單車, 但於我來說太危險了, 因為太多山路><

一日遊景點大致如下:

大樹千秋

Coffee in Love

草莓園

大峽谷

二戰橋

樹屋...

等等

參觀時段: 下午
評分: 值得去5

0 個留言 | 加入你的留言

邊度有好嘢食

共51篇遊記

清邁七天悠悠遊 (泰國)
(旅程日期: 2016-06-25 至 2016-07-02 , 旅程性質: 消閒度假)

整個旅程 (共2篇遊記)

分享至Facebook

遊記 : 第1日 - 第5日

發表日期: 2016-09-19

前五天先逗留在清邁，食、住、行都太滿意!!!

喜出望外

2016-09-19

At Pingnakorn Huaykaew Chiangmai Hotel (清邁)

客房

餐廳

酒店外觀

我預訂的其實是At Pingnakorn另一分店, 但職員提議我轉往Huaykaew的那一所, 因為環境較寧靜, 而且酒店會提供市中心接送服務。

逗留五天, 服務是好得無比的, 因為職員大都能操利英語, 且態度殷勤友善, 並經常願意提供協助, 務求令客人賓至如歸。

房間設備亦一應俱全, 空間大, 設備簇新又乾淨, 有浴缸和淋浴, 又有兩個小露台, 面向叢林, 環境恬靜。

酒店供應的早餐是自助形式, 選擇多, 且味道好, 餐廳環境十分舒適。

下次再訪清邁, 一定會選擇At Pingnakorn Huaykaew~~~

評分: 設備4 服務5 環境5 衛生5 抵住5

苗族的山地村落

2016-09-19

Hmong Villages (清邁)

苗家村

工藝品

經酒店包了一輛雙條車, 半日遊苗家村, 素貼寺和泰王行宮。

雖然苗家村巳成一個為旅遊而設的市場, 以售賣手工藝品和紀念為主, 但一睹村落面貌, 還是值得一遊的!

參觀時段: 早上
評分: 值得去4

泰王行宮

2016-09-19

Phra Tamnak Phu Phing (清邁)

其中一個花園

此乃皇家的冬宮, 滿是園子, 栽種了許多玫瑰, 品種多而美麗, 開得非常燦爛。

位處山上, 空氣特別好, 散步好去處~

參觀時段: 早上
入場價錢: 每人50泰銖
評分: 值得去4

素帖寺

2016-09-19

Wat Phra That Doi Suthep (清邁)

九頭蛇

寺廟

清邁全景

素帖寺被視為北部最神聖的寺院之一, 亦是清邁必遊景點之一, 天色清時可以一覽清邁全景。

素帖寺前是一斷陡峭的帶欄階梯, 雕有九頭蛇的, 共三百多級, 要拾級而上, 得花點氣力。相比一般寺廟, 這裡的煙火不盛, 走得舒適, 遊人亦秩序井然。

參觀時段: 早上
入場價錢: 每人30泰銖
評分: 值得去4

泰日crossover茶室

2016-09-19

Kalapela Tea Room (清邁)

減壓茶&焦糖燉蛋

泰國人所謂的Hi-So即上流社會的意思, 這所茶室相對於清邁一般消費略高, 但對遊客而言, 價格還是相宜。

由店員介紹, 點了個下午茶餐325baht, 有一壺沒有咖啡因的減壓茶和一件焦糖燉蛋, 全部即製。

喜歡這裡的恬靜, 安舒, 裝潢以紅色為主, 擺設雖簡單, 郤是由日本運來的古董, 這地方十分適合歇息。

店員跟清邁所有本地人一樣, 好客有禮。

每人消費: 約325泰銖 (下午茶)
評分: 味道4 服務5 環境4 衛生5 抵食4

尼泊爾風

2016-09-19

Thamel Coffee (清邁)

正

到訪全因被尼泊爾裝飾風格吸引, 服裝店在地下, 餐廳則在一樓。

傢俬陳設七彩斑斕, 有盤腿坐的桌子, 坐得型格;

吃得也好, 木瓜奶昔鮮甜香滑, 海鮮炒飯份量大, 材料足。

難得放慢腳步, 輕輕鬆鬆食一餐。

評分: 味道4 服務4 環境5 衛生5 抵食5

絶美的蝴蝶

2016-09-19

NIMMANIAN CLUB (清邁)

Butterfly effect

這間cafe以cocktail的調配手法融合到咖啡製作中, 充滿特色。

本打算一試咖啡, 但被menu相片吸引, 點了Butterfly Effect, 這乃融合了自家製黑茶及豆的茶品, 賣相實在太漂亮, 器皿猶如香水瓶, 怎不心動? 味道帶點微甜, 成份天然。

評分: 味道5 服務5 環境5 衛生5 抵食5

不能錯過的夜市

2016-09-19

Sunday Night Market (清邁)

塔佩門同時是周日夜市的起點, 以舊城區Rajadamnoen路做主軸, 一直延伸數條街區, 有多個攤位, 售賣各類商品、小食等等, 數千個檔, 一個晚上都逛不完食不完!

參觀時段: 晚間
評分: 值得去5

0 個留言 | 加入你的留言

sharon59

共18篇遊記

清邁+曼谷淡季遊 (泰國)
(旅程日期: 2016-01-09 至 2016-01-16 , 旅程性質: 消閒度假)

整個旅程 (共3篇遊記)

分享至Facebook

遊記 : 第2日

發表日期: 2016-02-26

是日本來打算去Kun Chang Kian睇櫻花, 點知tuk tuk司機話呢個時候仲未有花睇, 所以冇去Kun Chang Kian, 不過行程都幾緊密, 下晝仲玩segway遊古城, 夜晚行sunday market, 真係好'忙'

香港價的英式早餐

2016-02-26

The Coffee Club (清邁)

Cappuccino

Egg Benedict with ham

因為呢間coffee shop就响正酒店樓下, 又見到都幾多遊客幫襯, 就嚟食個早餐

大部份遊客都坐戶外的座位, 坐裡面的反而較少, 我哋坐咗一陣就知原因: 因為裡面較為焗束, 而且有好多蚊...

Anyway, 既然坐低咗就點嘢食啦~ 主要都係英式的早餐, 有好幾種breadfast tea & coffee, 我點咗最常吃的egg benedict和cappuccino, 有一定水準, 不過價錢同香港一樣, 相對呢度嚟講就偏貴...

每人消費: 約300泰銖 (早餐)
評分: 味道4 服務4 環境4 衛生3 抵食2

好多花的避暑行宮

2016-02-26

Bhubing Palace (蒲屏行宮) (清邁)

食飽早餐就到店外除手搵一架雙條, print埋相諗住去Kun Chang Kian睇櫻花再去蒲屏行宮&素帖寺, 但司機話唔啱時候仲未有花睇, 所以建議淨係去蒲屏行宮&素帖寺, 包車8xx銖, 雖然比較貴, 不過唔駛轉車, 坐得舒服又快啲 (我見其他雙條上山行得好慢而且坐得好迫), 路程又遠 (去程都搭咗差唔多一個鐘), 所以都值ge.

嚟到行宮先買入場tickets, 遊客貴啲啲, 但都好平啦只係50銖~

入到去感覺好清爽涼快, 果然係避暑行宮, 裡面仲有好多玫瑰, 遊人唔多, 景又靚, 慢慢行都遊咗個幾鐘

入面有小食檔, 行到攰可以買啲小食; 另外呢度有衣著規定, 短裙/褲&背心都唔得, 不過如有需要都有得租衫的~

參觀時段: 早上
入場價錢: 每人50泰銖
評分: 值得去3

人氣雙龍寺~

2016-02-26

素帖山雙龍寺 (清邁)

小食檔

好多人呀~~~

沿住山路回頭, 坐咗一陣車就嚟到雙龍寺嘞~

呢度好明顯係一個人氣景點, 相比起之前的行宮, 呢度真係熱鬧十幾倍

嚟到有啲啲肚餓, 行上百級(?)樓梯之前, 先在附近的小食檔買咗件香蕉hotdog (其實似香港的夾餅)醫肚

附近仲有啲特色小手作店可以逛逛.

行上樓梯前本來相自拍下, 不過實在好多人, 又因為都幾多級樓梯, 人潮行動都較慢, 好不容易到到梯頂, 外國人要先買票入場, 雖然唔覺有人check票, 不過都係30銖啫~

如果要入廟參觀就要除鞋嘞, 所以廟前有一堆鞋陣

除咗參觀/拜入廟之外, 呢度仲有另一特色: 清邁的遼望台~ 行到廟後, 就可以望到清邁的全景, 所以遠少少都值得嚟行下.

參觀時段: 早上
入場價錢: 每人30泰銖
評分: 值得去3

簡單日式午餐

2016-02-26

Fuji (清邁)

泰式奶茶

壽司定食

炸蝦烏冬

遊完雙龍寺, 就回程番MAYA商場食午餐~

呢個商場雖然唔係好大, 但响清邁嚟講都算係較新&大的商場了, 因為趕住下晝去現Segway, 所以都冇認真行過成個商場~

唔知食咩好, 見有呢間連鎖的日式食店就嚟試試

午市時份但客人唔多, 所以落單到上菜都好快手

我點咗個壽司set, 唔太差啦, 都有好幾款, 但個湯唔夠熱, 壽司飯就略為實咗啲, 不過只係2百幾銖, 可以接受啦; 個烏冬就好細個囉, 而且冇餐, 唔太抵~ 點咗兩杯泰式奶茶 (細杯係跟壽司set的餐飲), 雖然略甜, 但都唔錯.

每人消費: 約250泰銖
評分: 味道3 服務3 環境3 衛生4 抵食4

平食法式甜點

2016-02-26

Dhara Dhevi Patisserie (清邁)

長條puff: 白色-vanilla

Macaron

攝於機場分店

食完午餐, 就落嚟呢間出名的餅店買法式甜品: 長形Puff & Macaron

因為要趕住回去古城玩Segway, 所以只係快快手買咗幾件放回酒店待今晚宵夜食(

肥爆...)
兩個長條PUFF, 白色vanilla味好正, 唔太甜; Macaron味道太多了, 最特別有'芒果糯米飯'味, 每個價錢都係四十幾銖左右, 真係好抵!!! 所以唔嗜甜的老公都揀咗兩個嚟試, 我就揀咗4個

由於太趕所以冇影到店面

呢度除咗外賣仲可以堂食, 另外仲有飲品, 冇坐低慢慢歎真係好可惜呀.

呢間清邁機場都有分店, 臨走都可以最後衝次~

每人消費: 約150泰銖 (其他)
評分: 味道4 服務3 環境3 衛生3 抵食4

Segway遊古城

2016-02-26

古城 (清邁)

頭盔 - 原來好輕

出發!

Wat Phra Singh

Wat Chiang Man

Wat Chedi Luang

Tea Menu

泰式奶茶&cheese cake

趕回酒店放低甜品後, 就到城門另一邊的一間玩Segway的店報到 (之前先於網上預約及付款, 早15分鐘到場就ok嘞)

一團只有我二人和一對外籍夫婦一齊玩, 加埋教練和一個助理(一頭一尾跟住, 助理會幫忙影相, 因為在Segway上唔可以用手機), 小班教學呢

揀好頭盔, 簽好條文, 就開始學嘞~ 原以為好難, 起初超緊張, 但上咗去唔夠三分鐘就學識基本功嘞

一行6日練咗一陣就出發咯~ 原住古城走, 分別停咗三個景點:
Wat Phra Singh
Wat Chedi Luang
Wat Chiang Man

可惜只係放低我哋自由行, 沒有太多介紹景點的歷史資料, 如果有行程會更豐富

最後一站就係TEA嘞~ 杯泰式奶茶好好味又唔太甜, 啲cake有水準喎, 坐低食吓嘢, 同外籍夫婦傾吓愒, 之後就回店還車, 兩小時旅程就完結嘞

雖然景點介紹欠奉, 但segway真係好好玩, 呢次旅程最難忘係呢part~

參觀時段: 下午
入場價錢: 每人1999泰銖
評分: 值得去4

熱鬧過行年宵

2016-02-26

清邁星期日夜市 (清邁)

按腳

Sunday Night Mkt

Lanna Architecture Centre

Sunday Night Mkt

玩完Segway就回酒店休息一陣, 就落去行夜市嘞~

因為夜市路口附近發現咗間massage店 (地方整潔, 技師手勢唔錯), 見時間仲早, 就先來腳按1小時~

呢個夜市除咗勁大&勁多嘢賣之外, 仲係勁多人, 當差啲迫到傻之際, 發現原路的一個Lanna建築博物館還開放, 裡面仲有年青人在玩音樂, 所以就入咗去參觀兼透透氣

之後繼續逛, 沿路真係幾多嘢睇, 有嘢食有嘢買, 行咗一個鐘有多, 行到古城的另一邊, 就搵雙條去食泰菜

參觀時段: 晚間
評分: 值得去4

設計特別, 但位置偏辟 ok喇

2016-02-26

Cafe De Nimman (清邁)

正

炸蝦

炒Pha thai

青口(辣)

Mango Smoothies

之前在Facebxxk訂好位, 問定好位置就坐雙條來晚飯, 不過餐廳位於巷內, 雙條只在巷口放低我哋, 不過行3分鐘就到 (但條巷好黑又靜囉...)

嚟到只有兩枱客, 我哋第三枱, 所以上菜都好快

點咗:
粉絲雞湯, 裡面有少少雞絲&啲啲菜, 卒之有個唔辣的湯嘞~ 幾好味
炸蝦都幾好味, 只係個炸皮厚咗啲, 個沙律醬好正
pha thai炒得好爽身, 份量亦都幾大下; 個青口我食咗一啖, 辣到噴火

Mango Smoothies其實唔錯, 仲有粒粒芒果肉, 但是晚清邁得十幾度, 飲完真係凍到入心入肺...

食飽飽又搭雙條回酒店休息嘞~

每人消費: 約300泰銖
評分: 味道3 服務3 環境4 衛生3 抵食3

0 個留言 | 加入你的留言

Yanomich

共127篇遊記

清萊+清邁自駕遊8天之旅 (泰國)
(旅程日期: 2016-01-05 至 2016-01-12 , 旅程性質: 觀光攝影, 生態探險, 飲食購物, 消閒度假)

整個旅程 (共10篇遊記)

分享至Facebook

遊記 : 第7日 - 第8日

發表日期: 2016-02-19

1月11日(星期一..Day 7)~昨晚好好瞓..環境好靜好舒服
朝早瞓到09:45自然醒~酒店包有早餐..由08:00 - 10:00
攪掂已經過左10:00~見到太子仔..問問仲有無早餐食呢 :p
佢好熱誠答"Sure"~講真..集團式酒店就一定唔會有咁既服務
家庭式會用心經營~同打份工既心態..真係完全唔同囉
即整早餐..需時等候~反正渡假心態..唔駛急慢慢來(坐定定等食)
之後再出town最後血拼~行到攰..做腳底按摩(199B/1hrs)
按摩完..經過AIYA Cafe~入去飲杯咖啡tea一tea再最後血拼
買完買夠..回程早少少食埋晚餐
返到酒店..開始收拾行李~早2日到步..已經pack好一喼
全部放晒手信,食物,唔用既物品~所以依晚好快收拾完
夜少少..食燒蝦+飲埋d啤酒~休息..聽日準備回程
1月12日(星期二..Day 8)~08:00拎定行李上車..準備check out
09:30去到機場還車..回程乘坐國泰聯營港龍航空(KA233)~清邁 > 香港(機程2h30m)
航班早左抵達香港國際機場~清萊+清邁行程..完滿結束啦!

Imagine Breakfast

2016-02-19

Imagine Breakfast (清邁)

前一日見到太子仔收集香蕉葉~原來用黎包裹"糯米飯" 燒得好靚呢~新鮮熱辣辣..上檯時已經傳來陣陣香味

糯米飯粒粒通透黏口..好軟糯餡料有綠豆蓉..甜甜地又香好好味

早餐有果汁/咖啡/茶~無限供應! 回魂咖啡好香濃..好正

份早餐應該係太子仔爸爸整完全feel到用心為客人..準備既精美早餐

好豐富多料..有腸仔,菠菜,大量芝士,番茄~食材非常新鮮

中間原來仲有隻半生熟蛋~焗製時間掌握得非常好

沙律菜(伴日式芝麻醬汁)~沙律菜非常新鮮脆嫩

最後..甜美生果

美好時光..去享受一個美味早餐
除左感動..就係窩心~食完心情都大好^^

評分: 味道4 服務4 環境4 衛生4 抵食4

鄉郊景色

2016-02-19

鄉郊景色 (清邁)

食飽出車沿小路徑走走..欣賞風景

鄉郊環境好空曠..好舒服

酒店夜景

兩日傍晚..都影到好靚既天色

評分: 值得去4

tea

2016-02-19

AIYA Cafe (清邁)

腳底按摩

AIYA CAFE

Signature Coffee(65B) Blueberry Cheesecake(75B)

咖啡好香..蛋糕質感幼滑~芝士唔漏..藍莓醬好香甜

"荔枝花茶"(60B)~茶味荔枝味好突出好香 (總消費:200B..約$44)

正

評分: 味道4 服務4 環境4 衛生4 抵食4

BBQ dinner ok喇

2016-02-19

local market (清邁)

街市連熟食檔口

泰式油條

燒魚(130B)~熟度剛好..入面仲有肉汁~鹽燒入到味

燒螄蛤(80B)~又係剛好熟..開殼後入面仲有肉汁

伴吃蔬菜份量好慷慨~新鮮爽脆

泰汁又係比好多~夠酸夠辣..好正

評分: 味道4 服務4 環境3 衛生4 抵食4

last day

2016-02-19

last day (清邁)

再外賣"燒蝦"(100B)

依朝好早起身收拾完行李~出露台吸下新鮮空氣

雖然酒店無乜設施~但環境房間都住得好舒服好放鬆

今個旅程..辛苦晒架租車~陪我地跑左1148km 無想像係泰國都可以咁喪跑(爽) (總油費:$465) 09:30去到機場還車..任務終於完成了

評分: 值得去4

5 個留言 | 加入你的留言

Yanomich

共127篇遊記

清萊+清邁自駕遊8天之旅 (泰國)
(旅程日期: 2016-01-05 至 2016-01-12 , 旅程性質: 觀光攝影, 生態探險, 飲食購物, 消閒度假)

整個旅程 (共10篇遊記)

分享至Facebook

遊記 : 第6日

發表日期: 2016-02-19

1月10日(星期日..Day 6)~依早瞓到9:30自然醒
食完早餐~上房收拾行李..接近12:00就check out
再去town行local market~見時間差不多..沿途食埋lunch
me me摸摸..16:00先去到"Imagine Chiang Mai" check in
晏d又出去行夜市
(待續)

Imagine Chiang Mai

2016-02-19

Imagine Chiang Mai (清邁)

除左路口閘門~依個係入Resort既另一道大門夜晚唔會鎖門..但會虛掩~話方便客人出入

去到lobby..太子仔入廚房準備welcome drink 簡單check in手續~再帶我地入房..介紹房內設備

超感恩! 住3號房..係我最想住既一間

房間外圍以落地玻璃組合而成內部空間唔算好大..但乾淨舒服(只係比較多黑蟻)

梳化後面係睡床~電視後面係廚房及洗手間

床尾地燈

行程最後一間酒店~想享受下鄉區幽靜氣氛
Imagine Chiang Mai係家庭式經營酒店~房間不多(只有5間)
地點比較偏僻近鄉郊~但鳥語花香..環境非常清幽舒服

評分: 設備3 服務4 環境4 衛生4 抵住4

Imagine Chiang Mai

2016-02-19

Imagine Chiang Mai (清邁)

可能近鄉郊~熱水力度唔算好強加上鄉郊氣溫的確更冷~熱水有時唔太穩定但整體都完全接受到

露台位置~環境非常好

房間對正泳池..而且景觀遼闊

感覺有d似私人泳池一樣

泳池旁

評分: 設備3 服務4 環境4 衛生4 抵住4

Imagine Chiang Mai

2016-02-19

Imagine Chiang Mai (清邁)

酒店範圍仲有好多小擺設點綴

房間並排而立~房間外嫩綠草地..清新舒服

Lobby連餐廳

從Lobby向外望景觀~小路徑可以步進各個房間

整體酒店..房間設施唔多~環境非常舒適..服務窩心
完全深深感受當中果份熱誠~尤如待朋友般照顧

評分: 設備3 服務4 環境4 衛生4 抵住4

Sat & Sunday Night Market ok喇

2016-02-19

Sat & Sunday Night Market (清邁)

星期六夜市(位置 : Wualai Road)~人流都多..但無星期日夜市咁誇張

魚肚羹..都幾好味~不過一路行一路食唔太方便

星期日..泊好架車~沿路行去星期日夜市(位置 : Ratchaphurek Road)

除左"大學夜市 & Malin Plaza"
近Town既Sat & Sunday Night Market都係非常熱門夜市之一
依篇會綜合兩晚夜市遊~賣既野基本上大同小異
有服飾, 用品, 裝飾品, 擺設, 文化藝術, 飲食等等
加上開放夜市..大部份封路~揸車去town比較人多車多
都要花唔少時間搵泊位車

評分: 值得去4

Sat & Sunday Night Market ok喇

2016-02-19

Sat & Sunday Night Market (清邁)

星期日..泊好架車~沿路行去星期日夜市(位置 : Ratchaphurek Road)

之前做research..都見提及過好多次加上人流真係太多~要小心財物

星期日夜市好大~依檔d魚蛋好正

日與夜..天同地~封鎖左好多地方做夜市

係依個位置範圍食左碗"咖哩麵"..唔好味

評分: 值得去4

Sat & Sunday Night Market ok喇

2016-02-19

Sat & Sunday Night Market (清邁)

除左大街..全部小巷同樣有擺賣

唔覺唔覺..原來行左3個鐘~23:00仲未行晒已經開始收檔~另一半話唔想太夜攞車..危險~所以回程了

條街真係好靜~邊行邊望前顧後

評分: 值得去4

小火鍋

2016-02-19

小火鍋 (清邁)

感恩! 回程中見到小火鍋店..即時急煞落去食野(哈哈)

火鍋料由19B起~雞同鴨講..店員好醒目~即刻拎另一個餐牌來..指住點食物

太夜唔想食太多肉~所以以菜類/菇類為主

正

每檯供應一壺上湯

數碟仔收錢

我地食好少..隔離檯d泰國人食到成棟高
食完小火鍋..暖笠笠好滿足(總消費:204B..約$45)

評分: 味道4 服務4 環境4 衛生4 抵食4