|  台中之旅 (台灣) (旅程日期: 2013-06-15 至 2013-06-18 ,
旅程性質: 觀光攝影, 飲食購物, 公司旅行, 消閒度假)
第二日行程好豐富,首先係酒店食完早餐,就出發去青青草原,行左個幾鐘又返酒店集合,再出發去日月潭,跟住在日月潭遊湖及食茶葉蛋,之後又要坐兩小時車去高美濕地看日落,看完日落返到酒店都七點幾了, 我地就8點幾出發去逢甲夜市掃街啦,行到12點幾先返酒店呀. 第二天一早食完早餐後就出發去青青草原啦,好開心可以見綿羊呀. 9:00左右去到,司機哥哥話9:30有綿草SHOW睇,我地就入去一路行入去睇綿羊SHOW啦,個草原好大好靚,天氣好好,沒有落雨,望到藍天白雲,GOOD. 沿路已看到綿羊呀,有兩隻,一隻比較啡色,一隻係白色架,原來綿羊D毛好硬架.....  我仲以為係好滑添  行到去綿羊SHOW的場地,嘩.....好多羊呀,好多好多羊係度呀,人都好多呀. 勁開心見到綿羊,狂映相....HIGH左 參觀時段: 早上
入場價錢: 每人120新台幣
評分:
值得去4
 正 正 下午到了日月潭,已經2點幾,我地先去食午餐,呢度好似只有呢間餐廳,司機哥哥同我地講要叫套餐先好味,我地12個人叫左一個10人套餐,原來套餐都好多餸架,大碟,抵食,味道都幾好呀.
套餐有: 菇菇,菇都好新鮮,好甜,大大粒架,好味
豬手,豬手好淋好重骨膠原呀,GOOD
肥五花腩，炸魚,呢個魚好腥,麻麻地好脆口的,肥五花腩肉都好好味,好惹味,好香口
嬰花蝦,好有咬口,細細隻
香薰蛋,個蛋有種香薰味,幾特別,不過唔係個個人都鍾意食呀
炒菜,青青地,有青草味的
藥饍湯,個湯都OK,幾足料,唔會太重藥材味道,好大窩呀
糯米磁及熱情果凍,熱情果果凍同事好鍾意食呀.
評分:
味道4
服務4
環境3
衛生3
抵食4 遊湖  2013-07-03 日月潭遊湖,其實都冇咩特別,只係坐係間船度,然後看看風景,我地只係在自己傾計,都冇理會船家在說景點的介紹.但其實真的沒有其麼吸引,坐了一會兒在一個島上面上船,俾你買茶葉蛋食,好彩唔多人排隊,上到船食茶葉蛋,原來都真係幾好味架喎,蛋白及蛋黃都好有茶葉既香味. 然後又返轉頭落船,其實因為我地要趕時間去下個景點,所以都冇去行市集. 評分:
值得去3
用左兩個小時才從日月潭來到高美濕地,差唔多六點到達,還未日落,我地在一路映相,一路等,原來呢個地方真係好靚架,有好多風車同埋好大的空地,我地一路映相一路等,越來越多映相發燒友在爭靚位呀. 參觀時段: 下午
評分:
值得去5
掃街 2013-07-03 逢甲夜市都好大,不過我覺得散左少少,唔夠集中,因為其它夜市係食既地方會集中在一條街,唔會度度都有少少,又有少少商店. 評分:
值得去3
實在係嚇一跳的酒店房間,細到只可以放一張雙人大床,一張枱....廁所空間都算大的,沒有浴缸的. 服務一般啦,我地CHECK IN時已俾CONFIRMATION前台姐姐,但佢好似在發夢,房間是三人的名字,她問我們如果住六人是要加錢,我從來沒有說要住六人....莫名奇妙. 評分:
設備3
服務2
環境3
衛生3
抵住2  0 個留言
| 加入你的留言 |
2013-07-01
