開心假期

10月25日（小雪）：千歲

是次北海道之旅黎到尾聲，八人由天晴玩到落雨，到達新千歲機場仲落埋雪添，果真係天有不測之風雲！

正當一眾團友決定留喺酒店食早餐，小肥就再一次光顧「Ishiya Café」，決意一嚐名甜品「白い恋人蛋卷」做早餐。見時間多的是，食完就慢慢行返去酒店，會合團友一齊乘坐JR火車前往機場。

去到機場，姨媽們第一站就係要去買鱈場蟹做手信，姨丈則跟隨一團嬸嬸行咗去排隊買名芝士撻。哈，好彩姨丈走咗去買撻俾大家食，因為原來早咗到機場係冇得早啲辦理登機手續o既，結果我地邊食邊等。如果大家同我地一樣搭下午航班，又預鬆咗時間，不妨喺新千歲機場四周購物及遊覽後先去櫃檯度排隊。

喺機場買完最後幾輪手信，再食多餐海膽、蟹肉壽司飯，八人就乘坐香港航空HX693 航班飛回香港。

和歌山之旅　－　和歌山城賞櫻　（Ｄａｙ　１）

 

2016年3月19日

 

 

乘搭亷航抵達大阪機埸、隨即轉乘巴士到和歌山市中心、車程只需40分鐘左右、非常方便。

 

從車站到酒店只須步行數分鐘、辨理Ｃｈｅｃｋ－Ｉｎ手續後、立即前往和歌山城追櫻。

從遠處己看到城堡的蹤影。入園內兩傍種有櫻花樹、可惜今年天氣反常特別寒冷、花期延遲了、只零零星星數朵、但足己令我們雀躍了整整一個黄昏、自拍呃Ｌｉｋｅ樣樣做齊。

和歌山拉麵不可不試、有地道風味。

選了一間人氣拉麵店、以勁多葱花為賣點。

七時開店、我們一行九人6時半己到達、唯有在門外列隊等待、當地人見我們一個跟一個、當然他們亦跟在後面排隊。閘門打開、我們隨即鼓掌、相信店主亦被我們嚇壞了、因和歌山市人口少、就算人氣店都不像香港要排隊。

點了义燒拉麵、面層全舖滿葱花、散發葱香。湯底濃稠惹味、麵條煙靭掛湯力強、不失為一碗美味拉麵。只可惜义燒太少、只薄薄的兩少片、肥而不膩、美味。另外點了煎餃子、煎得外脆內軟、香港甚少食到的品質。

經過一日的勞累、係時候回酒店休息、明天再出發了。

10月24日（小雨）：札幌

今次北海道之旅頭三日都天清氣朗，咁啱細佬又編排好天晴o既日子去哂最遠同較多戶外走動o既觀光地點，到第四日落出雨時，大家都可以留返喺札幌，好佗佻地慢慢食、慢慢行、同慢慢睇。

札幌地鐵極之方便，每人手持一張一日乘車券就可以全日任搭唔嬲。八人朝早先喺生產「白い恋人」o既北海道名朱古力廠「石屋製菓」開設o既「Ishiya Café」度食咗個人氣早餐，接著就起行去其主題公園「白い恋人パーク」（譯音：Shiroi Koibito Park）。喺公園玩咗一個早上後，就返回酒店附間一家專門食蟹o既「かに本家」（譯音：Kani Honke）食咗個全蟹宴午餐。

午後剩餘o既時間大家都忙於購物，行到攰先坐低飲咗個下午茶。由於XO仔晚上已準備好獨自參加探戈舞會，安頓好長輩們食壽司晚餐後，自己就簡單食咗個熱狗就去咗跳舞，盡興後先返回酒店。

10月23日（天晴）：富良野

深知早一日喺小樽o既行程對年長o既團友們黎講會有啲勞累，所以第三日小肥就專登編排去遠少少o既富良野度賞花觀葉，順便吸取大自然o既靈氣。

朝早八點離開酒店，到達富良野已差不多係午飯時間，所以八人就直接行咗去離火車站只有五分鐘路程o既「くまげら」（譯音：Kumagera）度食晏。食完個超正o既生和牛丼後，大家就決定晚餐再返轉頭試埋佢個和牛火鍋。

嘩，淡季o既富良野可以用鳥無人煙黎形容，街道上真係人影都冇隻。由於旅遊景點都隔得好遠，我地結果都只係行咗去較近o既市集「Furano Marche」買手信，跟住就搭車去上富良野度賞花。

往返札幌o既列車班次唔多，八人飯後就喺車站旁邊o既咖啡屋「我夢舍樂」度一邊飲咖啡，一邊等火車。

節奏超慢o既富良野一日遊剛好給予團友們回氣o既機會，為接住忙碌o既一天作好準備。

10月22日（天晴）：小樽

只有五日遊北海道，年長o既團友們又唔可以過份操勞，所以小肥要好小心去揀選觀光景點、交通工具、用膳餐廳及控制時間。第一日先喺札幌市中心瘋狂購物，第二日就決定搭半個鐘頭JR火車去遠少少o既小樽，貪佢地方夠細，又有條聞名日本海外o既壽司街，景點夠集中，唔想行路都可以跳上循環巴士代步。

為咗要避開上班返學車站o既繁忙時間，八人由酒店隔離o既札幌站乘坐早上九點十三分班JR列車前往小樽。到步後，即轉乘市內o既循環觀光巴士前往最遠o既地標食早餐，然後就慢慢沿住條主街一邊瀏覽、一邊試食、一邊狂購。當日都食得真係夠誇張，中午未到，先喺「北の漁場」即買即食鱈場蟹及壽司小食，跟住就轉場去「壽司街」離巴士站較近o既「旭壽司」度豪食魚生；行到天黑，小肥仲要拉大隊去小樽名芝士蛋糕及朱古力店「LeTao」度嘆返個下午茶先肯離開。喺小樽度過大半日，雖然當中都有哈碌地搭錯車，幸好團友都大感意猶未盡，仲話下次如果再黎一定要過一晚夜添，XO仔總算冇令大家失望。

最後一天，晚上9時的機離開，規劃時團友們都說少點去購物點，故排了到奈良東大寺一帶和傳說也有櫻花看的平城宮跡。預計下午2-3時回到大阪，到黒門買點生果，在心齋橋最後補貨，到機場才吃晚飯。

結果，團友以未整理好行李為理由，要求跟酒店交涉延至11時才退房(原是10時)，基於下個月(5月)也會來一趟，亦計劃了去奈良，就順應民意。

那樣，行程又得變更了…

每每有親友離世，心裡總會百感交集，慨嘆人生苦短；既然今日唔知聽日事，可不好好享受人生，閒來多與家人外出旅遊？！

剛有長輩仙遊，靚靚媽咪居於異鄉o既幾位姊妹正式退休後又較為空閒，見幾兄弟姊妹聚少離多，所以就即興地相約一同暢遊大家都未去過o既北海道，希望散散心，輕鬆一吓。為怕跟團行程會過於緊密，膳食大多以自助餐為主，今次旅程就交由XO仔單憑網上資訊及旅遊書，策劃如何盡玩、盡食、盡買！

一行八人當中只有小肥一個可以勉強用日文同當地人溝通，分車坐又驚年長o既團友會蕩失路，故整個旅途主要都係靠雙腿、地鐡、及JR火車遊覽札幌、小樽、及富良野。

 

10月21日（天晴）：札幌

今次o既「2015北海道火車地鐡自遊五天行」一如過往地早機去，晚機返，於重陽節清晨七點正式起行。航機朝早九點起飛，下午三點前已抵達日本新千歲機場。辦妥好入境手續，八人手提輕便o既行李，第一時間就喺機場醫肚，然後先搭JR火車去札幌市中心。

傍晚時份喺酒店安頓好一切，大家已經急不及待要喺附近幾座大型商場大廈度逛街，有細佬喺度，離開前當然係不忘上樓退稅啦！買到商店都要關門，我地先肯前往旅遊書所推薦o既蟹肉拉麵店食用簡單晚餐。飯後慢慢行返去酒店時，經過咖啡店見到有軟雪糕食，食完甜筒再各自回房休息。

3小時間分的機程，重回關西空港⋯⋯⋯對上一次己是三年前了。但空港郤三年如一日，一點也沒變； 唯一唔同佐是很多中文字同好多講中文的職員⋯⋯

出到"心齋橋"，已是5時多了⋯⋯⋯

第一件事，要到酒店 HOTEL NIKKO OSAKA放低行李先
第二件事，立即去食傳說中的人氣"PABLO芝士撻
第三件事，去食蟹

更多資料可參考： http://snowbluehung.blogspot.hk/2015/10/2015_25.html