2月26日（陰）

去旅行梗係要「早機去，晚機返」啦！為怕父母會過於勞累，四口子就乘搭香港航空下午四點五十分班機，於晚上八點左右回港，完全唔洗趕，仲可以喺機場食埋晚飯先返屋企。

酒店預設退房時間為中午十二點，小肥兩兄弟朝早食完早餐後即前往酒店對面間大丸買多輪手信，順便買咗兩盒超靚嘅杯仔蛋糕自己試。退完房就去咗酒店樓下間「新喜樂」食多餐日本菜做晏先起行前往機場。