姬路城是世界文化遺產，加上剛完成爲期五年的大修，所以很多遊客前來參觀！進入城内的大天守(即最重要的主堡) 要排隊，入了大天守後也要在人潮管制下排隊登上大天守内各個樓層。

城堡本身的建築令人驚艷，而大天守内的傳統木造長廊和結構則令人有回到幾百年前幕府時代的感覺。在大天守頂樓有個小型神壇，遊客都在拜神祈福。從頂樓的窗戶眺望，可見到整個姬路市的風光。

行出姬路城大天守，經過一些庭院、建築物和走廊，就可以順道參觀西之丸。西之丸由多個小塔樓（櫓）和長廊組成，是姬路城有名的千姬公主起居作息的地方。

北野異人館區包括散佈於區內多個位置的多座19世紀建築物, 大多數都是19世紀居於神戶的外國商人或官員的住宅或官邸。

這些異人館今天就成了介紹各個歐洲國家歷史文化的親善大使。異人館裡面的裝修都重現當年的歐陸家居風格，而且展示了最能代表各個國家風土人情的裝飾品和工藝品。

異人館多要付費入場, 通常是以套票形式售票，即是比一筆多少少的錢可以入曬兩至三個異人館。

北野也是個充滿文化氣息的地方，有街頭表演，也有路邊畫家售賣自己創作的油畫。

北野還有一家好出名的Starbucks, 因為它位於其中一座歐陸式舊建築物內, 堪稱最古色古香的Starbucks. 另外有一家賣雪糕的店子好出名。

整個北野異人館區都可以步行遊覽。市內觀光巴士(City Loop) 也有一個站停靠北野異人館區。

這個神戶地震紀念公園最大的特色，就是保留一截當年在大地震中遭到破壞的堤岸和堤岸上的路燈，給我們近距離感受地震的威力。這堤岸和這些路燈，已經被海水拍打了20年。

公園還有石造展板，說明地震始末和災後的重建工程。

看完這些令人感慨的地震歷史片段後，行幾步就會到達美利堅公園。在這個臨海的公園看海看晚霞好靚架!

Steak Land 的晚餐menu上有兩款steak set (牛柳套餐)，regular(普通)牛柳餐4480 yen，special(特級)牛柳套餐5480 yen。

食落有什麽分別呢？普通牛柳係軟熟係有牛香，但特級牛柳再多一些特點：表面有少少脆皮感，裏面軟熟得嚟入口即溶，更有一陣陣脂肪香味(但不是肥膩那種)！！這些特質都是普通牛柳沒有的！建議比貴1000 yen吃特級牛柳餐，真的一試難忘！

從外觀來區分，普通神戶牛柳煎出來紅色較淡，特級神戶牛柳煎出來則深紅色，看來有點似叉燒。

 

好多人以爲金閣寺就是指這座用金箔鋪面的建築物，其實這建築物本身叫舍利殿，金閣寺是指包埋舍利殿在内的建築群。

可惜當天下雨，不然可以影到舍利殿在水中的清澈倒影，那一定會更加美！

金閣寺裏的shops很多御守(護身符) 賣，製作得很精美，萬勿錯過！

京都遊, 打算到嵐山 嵯峨豆腐 嵯峨とうふ稻 試一餐豆腐餐, 怎料原來有2間分店, 去了本店, 本店是專食甜品, 無正餐選擇
既然也入坐, 也不仿試一試抹茶甜品 
抹茶豆沙凉粉650日圆
好食! 我從來不好紅豆, 但這次卻將紅豆食清光! 
坐在窗邊位置, 一邊食著透心涼的甜品, 一邊望著街, 十分寫意!
誤打誤撞, 就是旅行的意思! 

本貓和團友一樣，既無看過哈利波特小說，電影看過最初的一集就嫌悶，認識的只局限於霍格華茲、麻瓜幾個詞彙和主要角色的名字。只是人云亦云，知道園區開幕以來都是話題所在才想去「見識見識」。

最終決定，不買Express，也不會提早去等開門，照舊歎完早餐才坐車，到站後甚至在園外的LAWSON買了飯糰才慢慢入場，入場時間是10時15分。

入閘後立即收集團友的門票，先行到抽整理券的地點，竟然沒多少人排隊，不消5分鐘就順利取得整理券，預約到是更是10:40，即是說，差不多是立即就能進場…

不管了，立即回集合點叫團友「進城」。

園區內的遊戲有兩個，分別是大受歡的「禁忌之旅」和「鷹馬的飛行」，前者路經時顯示輪候時間為150分鐘已不打算排，是甚麼遊戲也沒有留意，據知是3D效果一類；後者是過山車般的遊戲，見到顯示只需排40分鐘，就排了。實際只排了30分鐘左右，

好此道的會覺刺激度很小兒科，只有一兩個俯衝的位置。

玩完「鷹馬」後出來，禁忌之旅的輪候時間已增至190分鐘了…

除了排遊戲的地方，商店範圍和指定的場景拍攝點也非常熱鬧，由於對故事不認識，對人人圍著的商店也興趣不大，最記得是喝了場內熱賣的Butter Beer，該是主角常喝的飲料吧。如忌廉汽水加了層奶蓋，味道不錯。

見識過後就離開園區了。

回來後再看資料，原來買了EXPRESS的人都會先用EXPRESS玩禁忌之旅，出來玩其他園區再抽傍晚時段的整理券進城看巡遊，由於券通常是最近的時間進城，故早上時段不太受歡迎，只有沒EXPRESS在開門時一窩蜂取整理券後去排遊戲，本團進場時已過了這個高峰，故能輕易取得整理券，算是錯有錯著。

主要任務已完成，之後要逛甚麼地方也毫無頭緒，最先經過的是大白鯊所在的親善村。見遊船只需排30分鐘就進去了，如迪士尼森林之旅一樣，都是靠船頭的導演誇張的表演掀動觀眾情緒。玩完就找了家餐廳午飯和清掉便利店的飯糰了。

飯後去找蜘蛛俠的遊戲，先經過劇院的「未來戰士」快要開場，見不用排就進去。很失望，因為主要是電影的製作特輯，看片段為主，尾段演員與影片互動的演出並不精彩，更要命的是全場日語對白，英文字幕也沒有。要怪也只怪自己沒看清楚就進場，浪費了半小時…

到下午的主菜「蜘蛛俠驚魂歷險記乘車遊」，這也是使用Express的熱門遊戲，預計要排1小時，很好運只半小時多點就排到，而且更是坐車頭的位置(每車好像只有3-4排)，車內播放4K畫質的3D片段，拋上拋落急速旋轉經歷著故事中多個經典戰鬥場面，最後以急墜途中被蜘蛛人拯救再拍照登報作結。

順著走又到了舊金山區新開幕的迷你兵團範圍，機動遊戲欠奉，但有兩個射豆袋般的遊戲，此區的Minions商品很受歡迎；之後又看了電影《Backdraft》(浴火赤子情)的製作特輯，又是純日語無字幕，唯一不同之處是感受到特技效果如爆破、高溫、倒塌等…

行經侏羅紀公園的地帶，要抽整理券才能進場，取得是5時多的票，原打算到時未走才決定是否進場，但看到別人玩遊戲的情況就打消念頭了，因為無可避免的會濕身。

最後到了Wonderland跟Snoopy做體操，又看了特別企劃的Hunter x Hunter和進擊的巨人，在商店消磨至近5時已無以為繼，決定離場回去難波Shopping。

回到難波還未到6時，是幾天來最早回到據點的一天，回酒店放低在USJ的戰利品就去逛百貨公司，吃完晚餐再逛南海通和戎橋筋，買宵夜回去，輕輕鬆鬆的以散財完結這天行程。

逛高島屋途中團友喊肚餓，撐不到百貨公司關店才吃。

身處食店眾多的NAMBA DiNiNG MAiSON，雖不愁選擇，但就是多選擇才苦惱，逛了一圈又一圈終走回最先想進去的浪花そば。

此家以賣蕎麥麵為主的店在附近也有不少分店，一般是蕎麥連天婦羅、丼飯等套餐，普遍1500-2000YEN一位，以該區環境算是實惠的了。

本貓喜愛冷的蕎麥自然對主菜大感滿意，但團友們似乎都不喜歡湯蕎麥，覺得湯底比較濃稠，副食的天婦羅則沒有問題。

りくろ(Rikuro)和PABLO兩家以芝士蛋糕聞名的烘焙店都是目標光顧的店舖之一，早幾天多數行經心齋橋筋，見到PABLO比較多，但當時都是剛食飽不久而沒有買。

今天早了晚飯，行經戎橋時見到Rikuro就不容錯過了，一個芝士蛋糕直徑約6吋，才賣500多600YEN，排隊之時店員已在分發試吃，剛出爐微溫的感覺，帶淡淡芝士香氣，入口糕身軟軟的，咬落卻是彈牙，很特別。

買了一個回酒店，本想明早做早餐的，但最終當然是擺不到過夜，晚一點就分了來吃。

這裡是彥根貓的地盤，由車站到彥根城這段路程，隨處都看到他的身影。

彥根貓一天會出來3次表演，每次約30分鐘，

大家出發前記得check左時間同地點先啊。

.

我當日睇早上第一場（10:30am在天守閣前，其餘2場在彦根城博物館）。

好彩我預早左時間去，因為……

由入口行去天守閣的路程是相當崎嶇的。

我忘了走了幾多條石路，只記得當日氣溫高達約28度，

在熱屎辣辣既天氣底下，沒有鐵一般的決心是會想馬上放棄的。

.

想不到探彥根貓跟拜其他神明一樣，

要好神心咁行上一段路淨化一下心靈先見到。
.
上到去之後，距離表演還有一點時間，先參觀一下天守閣。

.
待續。 

＜彥根城天守閣＞被列為日本國寶級建築（類似大阪城、名古屋城d friend咁啦），

入面保留左好多以前為左防衛敵人的設計，

例如有d好細既窿窿用黎發射砲彈，有d網封住d窗咁。
. 

另外，每層之間的樓梯都極為陡峭（基本上都可以用爬黎形容既）

行上行落都要慢慢黎，否則好易仆…係d階梯度。

行完天守閣後，去番入口前面，時間差不多，

萬眾期待的彥根貓出場啦～～！！

.
彥根貓的動作極度緩慢，好得意～

表演主要都係揮揮手，同你say下hello，

玩下自己個噹噹（註：係頸果個噹噹）

又玩下自己支旗仔之類。

.
聽到好多學生哥講卡哇伊～卡哇伊～卡哇伊～

而老一輩的遊客對彥根貓完全沒興趣，隻貓一出場就走左。
.
之後出發去下一個目的地：玄宮園。
.
待續。 

作為香港人，黎到呢d咁靚既地方，

自拍是指定動作吧？

唔影過人地點知你黎過姐（真膚淺！）
.
睇完靚景，肚餓，去下一站：食近江牛！
.
待續。 

夢京橋、四番町有很多食肆、商店，

這次去了高木直子到過的店食近江牛：近江牛肉せんなり亭 伽羅。
.

叫左兩個套餐，

一個係「近江牛壽喜燒」（近江牛 すき焼き鍋膳），

另一個唔記得左咩名。

滿心期待，一黎見到咁多野咁靚人都開心d。
.

味道幾好既，但又未食到哇哇聲。

反而個甜品好食d。

價錢都唔平，

叫做食個靚靚環境同服務啦～
.
食完就出番去商店街行下～
.
待續。 

食完就出番去商店街行下，周圍都好多彥根貓的商品：

文具毛巾鎖匙扣明信片公仔書籤野食野飲等等等等。
.
行完哂，去車站返去名古屋囉～ 
.

彥根是個古色古香的地方，不像大城市般繁華，

遊客也不多，舒舒服服渡過大半天，各位有機會都去下啦～

講完，下次見。

凌晨兩三點起身，已經聽到同見到好多其他登山者都起左身準備攻頂。出到山屋抬頭一望見到滿天繁星，淨係呢個景已經值回票價。同時望落去，見到點點星光郁動，其實係無數既登山者帶住頭燈上緊山頂。所以我地都迫不及待，趕住上山，可惜登山人數太多，途中經常出現擠塞。夜晚無咩光行山係比較困難，好在我地係住最高既山屋，所以呢段路程唔會好長，建議想登頂既朋友可以住較高既山屋，日頭行山比夜晚行好。行到四點幾，天已經開始光，視野比較清楚。去到五點幾已經接近日山，由於朋友話怕山頂多人，亦唔想一路行一路留意日出左未，所以我地搵左個地方停留，迎接日出既來臨。等等下突然聽到山頂有人大嗌，嚇死唔知咩事，望下前面，原來開始日出！見到雲邊有少少太陽邊露出黎，我地即刻拎手機開始不停咁影。可惜不時山頂有薄霧飄落黎，遮擋住視線，所以要影到靚既相好睇時機。但好好彩，最尾都影到滿意既相，不過筆者覺得肉眼先係最好既相機，身在富士山親眼望日出係好感動既事。

睇完日出上到山頂，上面可以買下紀念品同野飲補充體力。講真呢到冇咩野行，只係難得上到黎，值得留多一陣欣賞下風景。由呢到仲可以沿路去到富士山最頂既劍峰，應該需時半個鐘至一小時，不過筆者就冇行到，有興趣既朋友可以去搜尋一下富士山劍峰。

之後就開始落山，坦白講筆者覺得落山比上山難幾多，而且因為同另一條登山徑重疊左所以會有分忿路，要注意指示牌唔好行錯方向，另外落山冇咩風景睇，趣味大大減低。落山既路基本上就係十幾廿個Z形既路，一來比較悶，二來因為落山既路又斜又多碎石，所以好易冼倒，而對腳因為經常要出力固定喺地面既位置，大小腿肌肉會開始痠痛，並可能係因為之前行山累積既疲勞。幾經辛苦終於落到山，可以行到平路，負擔減少得多，最後大概用左三個多小時落山，到達五目合。去到即刻搵餐廳醫肚，之後去行商店買手信，結束今次既登山之旅。

第二日一早去新宿車站用大型儲物櫃放置行李箱，然後就喺新宿西口巴士總站搭高速巴士，花左兩個幾鐘車程去到富士山五合目。（登山有四條路線，呢條係最多人行而難度最低，網站及旅遊書均建議沒什麼行山經驗或未曾登富士山既朋友選擇。筆者亦鮮有行山經驗，平時係懶到運動都唔多做既人哈哈）一落車已經感受到陣陣涼意，即刻要著番件褸。（所以要到富士山甚至想登頂既朋友記住帶齊禦寒衣物！）之前睇過唔少文章，建議登山人士先喺五合目逗留一個鐘左右，以適應當地海拔高度。相信都唔難適應，但若果發現有任何不適症狀就應該考慮盡早落山。五合目有神社幾間餐廳同商店，手信紀念品工藝品甚至登山用品都應有盡有，睇下野食下野都可以消磨一段時間。仲有郵局可以寄明信片，值得一提係因為從呢到寄明信片係可以喺卡上印上五合目紀念郵戳，係獨有既，所以特別有意義。

而登山人士就要留意，如果有裝備唔齊就喺到買埋，除左飲料小食等可以喺山上買，雨衣太陽眼鏡登山杖等都要喺到買。登山杖係木製，有長有短，可以喺山上烙印紀念。筆者買左一枝短既登山杖($500)同氧氣樽($1250)，預防高山症，因為山上空氣稀薄，未知適唔適應到，不過山上都見到有得買，可以放心。（筆者同朋友各人買左一枝，最後只有朋友需要用到，所以個人建議可以先兩至三人買一枝，唔夠先喺山上買，但依筆者所見，唔多登山者有用氧氣樽）。

十二時許正式登山，初段登山路並不複雜，只有少許分忿口，看著地圖或跟隨大隊前行便可。登山徑初段為平路或只是微斜，簡單易行，沿途可以欣賞風景。中段以後開始出現崎嶇不平的石路，或需使用手(最好戴上手套)或登山杖協助攀爬。上山程度不算難，但還是敬請按照自己的體力及身體狀況，隔一段時間休息及補給(包括水份及能量棒等)。由於需要不斷往上爬，大小腿肌肉或會痠痛，請及時休息。衣著方面，應該隨著氣溫驟降而逐件逐件穿上，以多件及較薄為好，方便面對不停驟降既氣溫和隨便體溫升降而穿著或脫除，亦建議穿著防風防水既衫褲，以抵抗大風同落雨。其他建議戴上既裝備包括帽及太陽眼鏡以抵擋紫外光，另外登山鞋總比運動鞋好，筆者今次穿運動鞋登山，雖然都順利完成，但相信有登山鞋會比較好。

登山路既中段多數以Z形路為主，唔太難行，只係上斜同攀爬比較用得多體力。陸續會見到山屋，整段路總共有十幾間左右，不妨當係休息點，抖下睇下風景影下相，如有需要亦可以買野補給。如果預約左山屋就可以入去休息喇，但謹記因為山屋床位非常有限，如果預左要過夜就記住要事前預約！各個山屋企預約方法都唔同，有啲只可以打電話有啲就可以網上預約，各位可以視乎自己既目的地同各個山屋既介紹而作決定。由於我地本身想到山頂睇日山，所以提早喺網上預約左最近山頂既山屋御來光館。由十二點開始行山，行到上八合目既御來光館，已經係五點半左右。因為筆者同朋友算係行得較快，所以相信整段路程應該係六小時左右。

到達山屋之後會獲發床位，真係只得一個好狹窄既床位，身材高大既人可能會覺得好迫，但都冇辦法啦，唯有捱一晚。同埋因為山上水係好矜貴都係冇得沖涼刷牙洗面，都係果句，無辦法啦捱一晚。唔記得左提，喺富士山去廁所係每次收$200，作為處理污水既費用，同埋垃圾係要自己帶番落山，所以最好準備幾個膠袋裝垃圾。講番山屋先，搞好床舖後就會獲發晚餐同早餐，早餐係預你凌晨起身上山頂睇日出前食既。食完晚餐大概係七點，但已經要訓覺，準備凌晨起身行上山頂。

新宿區役所前膠囊旅館 Shinjuku Kuyakushomae Capsule Hotel

膠囊酒店每人每晚百幾蚊，唔介意屈就或者想留彈藥購物既朋友可以考慮。

呢間膠囊酒店主要分幾部份，包括儲物櫃，大浴場，睡房及休息室。

隨身物品會放喺儲物櫃，行李箱就會喺櫃外，所以記住要保管好鎖匙同鎖好行李箱。因為行李箱係放在公共地方，而地方淺窄，所以拎野執野都較唔方便，呢樣係筆者覺得較麻煩既地方，唔似得酒店咁方便。

喺到沖涼會去個公眾既大浴室，沖涼無遮無掩，私隱度大大減低，介意既朋友要認真考慮。值得一讚既係，設施都好乾淨，而且配備齊全，洗頭水沐浴露風筒牙刷剃鬚刀都一應俱全。

訓既地方就係一個只能容納一個身位既細小膠囊，細到只有一個床位，因為咁狹窄所以亦唔係好通風比較焗，但外面有冷氣所以都唔會好熱。膠囊內有電視同充電位，記住帶兩腳轉三腳既插頭。床鋪偏硬，訓慣軟床既朋友要留意。