第2天朋友們來曼谷找我啦超級期待！！
我跟朋友們入住Somerset Resort！環境很不錯！

這個旅程，我待在泰國總供13天。其實我在8月2日已經飛往泰國了，8月2日從香港飛往曼谷，表姐駕車送我跟姨媽到鄉下Phrae(在青邁附近)辦理一些家事。然後在8月8日晚坐火車，8月9日一早到達曼谷巿中心，朋友們在8月10日跟我在曼谷回合。所以這個遊記是在總供6天的喇今天(2008年8月9日)跟姨媽坐火車由鄉下回到曼谷巿中心了，自懂事以來都未試過離開家人自己遊曼谷。想到這點就十分興奮了！到達曼谷火車站，表姐駕車來接我倆，先到細舅父家放下行李，然後就是出外逛嚕！yoho！！我們先到湄南河一邊(忘記了是哪個碼頭)坐船到Tha Tien碼頭，走到鄭王廟、臥佛寺、大皇宮。參觀後已經黃昏了，我們決定回到細舅父家跟大家一起晚飯。

20081216 第五天 巴堤雅大笨象之旅 Combination Trek + Massage + 海鮮開大餐

清早起床, 身心舒暢,  飲杯橙汁身體好。Horseshoe Point 餐廳有American Breakfast, Continental Breakfast or Thai Breakfast 任揀。我個American breakfast太陽蛋係心心黎架！廚師是日心情梗係好好啦。

10:00am Elephant Village有車黎接我們去玩Combination Trek。去到Elephant Village, 在reception付過錢, 到小攤買了三set香蕉+椰子，等旅程開始。(兩人坐一大象)Combination Trek第一項：坐大象1小時Combination Trek第二項：森林walk (約20分鐘) +參觀thai silk的製作過程Combination Trek第三項：Rafting (約半小時)

Combination Trek第四項：OX Cart我第一次見牛牛canter呀！呢d牛好得意, 好似駝駱咁有個脂肪峰架！

玩完買番張相留念 300Baht@, DVD 800Baht@。

自助餐時間, 有表演, 朋友仔獲邀與泰男對打舞劍。

食過lunch, 睇過表演, 映過相, 專車送我們出去pattaya downtown。入咗Haagen Dazs食雪糕,  跟住去咗Health Land做massage。我點咗朋友仔玩Vichy Shower Treatment (我老友話好正o架)。因為vicky shower一次只容一個人玩,咁我就玩body polish + aromatherapy 啦 (750+850Baht),

Price list: http://www.healthlandspa.com/spamenu.htmlMap:        http://www.healthlandspa.com/location.html

數年前在曼谷都試過healthland, 我甚至隔日去幫襯添！個人覺得曼谷店比pattaya店正, 值得推介。

9pm啦, 超肚餓,  係時候去開餐！行路去Moom Aroy Seafood Restaurant。

2008-12-15 第4天 pm中午到咗巴堤雅Horseshoe Point騎術學校, check-in後即到餐廳祭五臟廟。一於請廚師快, 大家order同一款食物：chicken soup noodle。跟住要上堂學騎馬嘛。上完堂就四圍逛吓睇馬馬。好快就到晚餐時間。朋友仔又食又玩, 職員好熱情, 陪我地玩埋一份。

20081215am 第四天曼谷-->芭堤雅搭車篇

7:30am與朋友仔在lobby快快食過小小早餐,  到4/F泳池游個早水。太陽未照到泳池,  D水勁凍！我真懷疑D水係由雪櫃倒出來的！10:30am check-out。朋友仔預早book定van仔來接我們前往芭堤雅Horseshoe Point。中途停車到便利店買樽裝水, 準備跟住的數天飲用。(Horseshoe Point 無便利店。)見到KFC, 試吓炸雞翼,  無蜜糖雞翼,  不過唔好食既。

2008-12-14 第三日

時間：8:30pmZanotti等入座時, 見到內裝飾好靚好特別, 咪映相囉。點知侍應小姐好有禮貎咁叫我唔好映。餐廳規距唔可以映內部環境或只映食物相喎。不過人+食物一齊映相就得。

本來諗住今晚試set menu架嘛, 點知無set 喎。點菜時, 才醒起唔記得資料搜集時睇定有咩必試食品。一於由侍應作廚師推介算數。

850 Baht 的 appertizer 併盆, 有scallop, parma ham+melon, 鵝肝......Too Salty on the whole.侍應細心地教我們應由哪一件開始食, 好似行咗個S字形的路咁,我真係跟足次序黎食架。melon好清甜,鵝肝好好味,  其他就真係唔合口味。食食下, 唔知哪一個醒起,  d湯仲未黎既？我：係喎,  未飲湯喎~老友：咪飲咗囉 。飲咗？大家笑爆咀！湯來了。tomato海鮮湯正常。我們跟侍應推介要的海鮮湯勁腥！魚唔新鮮。有老友即衝去洗手間嘔！我一邊飲一邊諗：蠢咗呀, 我唔記得自己唔鍾意紅色海鮮濃湯架！steak - 因為大部分人食扒要全熟, 雖然侍應提醒最好medium唔見血就得,我都堅持要well done (諗住法國菜塊扒well done都無事),結果真係太熟了,  食唔到。塊扒的價錢約1800Baht。

因為d食物唔多o岩口味,  家樂和我想叫甜品都打消念頭了。(我鍾意芝士架,  不過都係唔o岩食。)真係對呢家餐廳無信心。我本來仲想埋尾要杯coffee+兩粒朱古力架嘛......依家無晒mood lu。

後來我諗,  明明好多人都讚呢家餐廳的喎,是晚d食物咁樣, 會否因為廚師去咗示威, 大廚臨時換咗人呢？

埋單：6人共食咗約萬二泰株喎。[據聞有老友凌晨瀉嘔晒呢餐食物出黎喎,  五百大元的一餐,  就咁嘔清光  ]

打的返酒店, 在酒吧飲埋我們個免費welcome drinks。

這次來曼谷旅遊, 是Honey送給我的生日大禮, 很多年沒有來了, 原來曼谷變了很多

講明是來慶生日, 當然要豪擦一餐, 我愛SEAFOOD, 所以生日大餐, 就來一個"海鮮大餐"了 !!  Honey早做足功課, 帶我來了這間『Seafood Market Restaurant』~~~嘩...下了的士, 第一眼看見, 是一眾廚師在巨大的開放式廚房炒送, 火光團團, 多麼震撼的情景呢!   步進餐廳, 同樣嘩然, 餐廳大得交關, 最叫人興奮的是海鮮區域, 長長的海鮮區, 客人需推著Supermarket車選購海鮮, 除了海鮮之外, 還有蔬菜,水果,酒類, 都是自己親自揀選。

揀好食材之後, 於Casher付錢, 服務員便會把Supermarket車仔推回你的座位, 然後落單, 自己決定煮法 (泰式,中式,港式,東南亞式,炒,蒸, 焗, 炆....等等)。注意 : 料錢之外, 另要加 "烹調費"。講左咁耐...開餐喇

來到泰國, 點甚可以放過每一個飲『冬陰公』的機會呀!! 這個已是這次旅程的第4餐『冬陰公』了, 哈哈!!    很好飲, 因為我們買了蝦仔和蜆仔給廚師烹煮.這裡的『冬陰公』還有一個特別之處, 不是猛加辣油煮成的紅卜卜『冬陰公』, 湯的顏色很清, 但也很辣, 辣中又能飲到海鮮的鮮甜味!!  (料錢：蝦仔 + 蜆仔：HKD102) 。   香煎大虎蝦 ~ 好味到丫....肉爽不特止, 連蝦頭d膏都好甜呀  (料錢：HKD347)。   泰式炒青口 ~  滑到....超好味 (繼西澳之旅食過第二好味的青口)  (料錢：HKD20)。    薑蔥炒新鮮肉蟹 ~ 肉很甜, 估唔到來到泰國也可以食到咁好味的"港式薑蔥蟹"  (料錢：HKD293)。   炒白菜仔 ~ 搞乜鬼, 連白菜仔都係好味呀!! Honey話好清甜(料錢：HKD21)。   芒果 ~ 酸酸地  (HKD31 另要加切費)。   生日又點能夠無酒飲呢!  美酒部介紹了澳洲White Wine給我們 ~ 好好飲，但一大支，飲唔晒，Honey話要拎走，空運番香港喎！給果拎番酒店, 果晚已經飲晒喇!! (HKD210 另要加開瓶費)...............................................料錢外, 另加烹調費 + 飯2碗 + 水1支 + 開瓶費 + 切生果費 + Tips 

呢餐超級好味Dinner TOTAL : (Baht5181 / HKD1211)

『Seafood Market Restaurant』資料官方網站 : http://www.seafood.co.th/

地址 : 89,Sukhumvit Soi 24(Kasame), Sukhumvit Rd., Klongtoey,Bangkok 10110,Thailand

Tel : 022612071-5, 026611252-9, 022596580-1

開心的時間過得特別快; 今天已是最後一天在泰國了; 有些不捨得, 早上爭取時間, 老公在床上跳呀跳, 把我彈起來! 我們今天在酒店的泳池游水, 這裡有兩個泳池, 一個Garden Pool,  我還是不懂得游水, 縱使老公不放棄的教我. 最後我還是享受趴在他背後, 他向前游, 我則扮游水~好好玩. 回到酒店, 我們執拾行李後才去吃早餐.

最後一天在泰國食早餐也是在SIAM PARAGON, 我選了個冬蔭功海鮮湯麵, 老公要了一個泰國出名的海南雞飯(那不是星加玻嗎 ? 不明白) 他還要多個一個大蝦天婦羅!

之後老公還帶我去吃雪糕, 今次到泰國, 四天裡吃了兩次雪糕, 到了Haagen-Dazs, 我要了一個summer berry (American berry)雪糕而老公要了一個chocolate chip雪糕

吃過後,我們作了最後衝刺, 在gourmet market買未買完的手信, 跟住就回酒店拿行李, 然後check out去機場;

本來想在機場用盡我們剩下的泰珠, 但老公大意的把它們放入了行李內寄倉, 上到飛機, 享受著商務客位的機倉服務員的殷勤和送上來的晚餐, 好滿足; 然後更和老公一起看電影; 好開心, 不過好笑的地方不可以笑出聲... 免得打擾其他乘客.

晚上六時半下了機後, 我們趕回家, 然後便到樓下的海旁看煙花; 這個假期實在太美滿了. 再一次謝謝老公!

20081214 High Tea

時間：3:30pm

地點：Mandarin Oriental Arthur's Lounge



一入到來, 侍應小姐通知,  今日酒店有function,  這裡只能坐到4:30pm。
之前email問駛唔駛預早book位, 覆既只講不設訂座, 無話今天有function, 扣分。



六個人要咗三個Tea Set, 另加三杯drinks。
要咗兩個traditional tea set, 一個thai tea set。
我想飲熱茶, 問侍應小姐有咩推介, 佢推介Oriental Signature Tea。



歎完high tea, 決定遊船河：然後分兩組分道揚鑣：
一組打的前往Asia Herb Association做thai massage。
一組打的前往Siam Paragon續買手信── 士多啤利乾+藍鑽石腰果。

跟住坐BTS返酒店小休。等埋第二組玩完massage返酒店,  集合齊人就打的出去Saladeng食意大利菜。因為驚的士唔識揾路,  我們唔想失散,  六人逼坐一輛的士,  叻！

20081214am 翟道翟亂行

Day 3

落回lobby食早餐。
食完早餐, 返房換衫去游水。
雖然有太陽, d水仍然幾凍吓。

游完水,  換衫集合打的去翟道翟。翟道翟太多出入口, 我們都係六人逼一架的士, 唔好失散呀。逛到肚餓了,  求其揾檔有位就坐低開餐。可惜無樣野好食。原來翟道翟裡面的noodles係唔好味既。

之前我次次都係在BTS行到去的翟道翟入口的noodles檔食fish noodles, 好好味架。

翟道翟行至約3pm, 我地走人去high tea坐下休息lu。