搜尋:
遊記日期:    發表日期:    
 
簡介形式      文章形式
共找到 315 篇遊記, 正顯示第 1 至 10 篇遊記
Handsome XO
117篇遊記
2018年聖誕遊東京 (日本)
(旅程日期: 2018-12-23 至 2018-12-28 ,  旅程性質: 飲食購物)
 整個旅程  (共6篇遊記)
 分享至Facebook 
發表日期: 2021-09-01

2018年聖誕東京之第六天

1228日(

乘晚機返港唔洗同行嘅長輩急,可以施施然然。由於是次聖誕東瀛遊食唔到一餐滿意嘅壽司,直令姨媽耿耿於懷,結果朝早退咗酒店房後哥哥就帶路去地圖顯示為最近嘅連鎖壽司屋「梅丘寿司の美登利総本店」渋谷分店食個早午餐。飯後就坐酒店代訂嘅專車去成田機場,將行李寄艙後於貴賓室「ANA Lounge」度候機。團友們都極之滿意與「全日空航空公司」結下緣份,下次再去日本玩都話要encore
梅丘寿司の美登利総本店 渋谷店
梅丘寿司の美登利総本店 渋谷店
攞飛等位,企滿及坐滿人龍
攞飛等位,企滿及坐滿人龍
中卜口刺身,自助餐具及調味,啤酒,茶,吞拿魚根串燒
中卜口刺身,自助餐具及調味,啤酒,茶,吞拿魚根串燒
冬物語(3,024円)
冬物語(3,024円)
牡丹蝦壽司(400円/件)、車海老壽司(600円/件)
牡丹蝦壽司(400円/件)、車海老壽司(600円/件)
極上大卜口壽司、北寄貝壽司、赤貝壽司、火灸吞拿魚壽司、帶子壽司、鮑魚壽司、象拔蚌壽司
極上大卜口壽司、北寄貝壽司、赤貝壽司、火灸吞拿魚壽司、帶子壽司、鮑魚壽司、象拔蚌壽司
極魚王かきグラタン(600円/件)
極魚王かきグラタン(600円/件)
烤魚鰭(700円/件)
烤魚鰭(700円/件)

「梅丘寿司の美登利総本店」嘅渋谷分店位於大型商場Mark City內,方唔方便就見仁見智。八口子十一點左右到步,一如所料,長長嘅走廊及門前早已排滿及坐滿攞咗飛嘅食客等位。

門外貼出日英雙語告示,指繁忙時間限定用餐時間為兩小時及店內並冇足夠空間擺放行李,亦展出附有彩圖嘅推介及節令菜式,方便貴客候座時諗定食乜。聽到哥哥仔話分兩張四人枱會快啲有位喎,當然係立即接納啦

用餐大堂座無虛席,迫到真係連轉身都唔易。服務生忙得團團轉,想搵個人落單都有啲難度,唔怪得知連薑片都同醬油及牙籤一樣玩自助式。嘻嘻,雖然太陽未升到頭頂,但XO仔已慣性地點咗杯生啤

厚本餐牌共有十五頁,有齊日、英、中三個語言,大多項目亦印有彩圖,非常易明。三張散頁餐牌中,其中一張為渋谷分店嘅限定菜式,另外兩頁為節令蠔王嘅三種食法。

1)      冬物語(3,024円):哥哥教落,因推廣品嘅流量高,其新鮮度亦應相對地高,所以就點咗個聖誕套餐四個人分。色彩繽紛嘅壽司拼盤同海報上嗰幅相可以話係一模一樣,有齊拖羅、白子、海膽、蝦、蟹等。壽司外表震撼,不過食落就覺得質素遙不可及之前喺銀座分店食過嘅咁正囉。跟餐嘅麵豉湯、沙律、燉蛋亦屬正常普通貨。

2)      中卜口刺身(2,000円):姨媽話中拖羅刺身雖則色澤紅潤,肉質軟滑,可惜食落太多筋,不吃也吧

3)      牡丹蝦壽司(400円/件)+車海老壽司(600円/件):唔知係咪師傅有意俾個機會大家比較一下呢,兩款蝦壽司拼埋一齊上。相中上方晶瑩透光嘅為車海老壽司,而下方連翠綠色蝦籽嘅則為牡丹蝦壽司,兩者均厚潤爽脆,鮮甜無比。

4)      極上大卜口壽司(500円/件)、北寄貝壽司(500円/件)、赤貝壽司(500円/件)、火灸吞拿魚壽司(200円/件)、帶子壽司(500円/件)、鮑魚壽司(500円/件)、象拔蚌壽司(250円/件):其餘散點嘅壽司一口氣以大大塊木板呈上。六款中以粉嫩嘅極上大卜口壽司最為肥美香潤,好食到姨媽姨丈要立即追加咁堅赤貝壽司橙美爽甜,最抵就係軟嫩鮮濃嘅火灸吞拿魚壽司,反而最失敗係超硬且味道欠奉嘅鮑魚壽司。

5)      吞拿魚根串燒(250円/串):吞拿魚根硬得黎食到成口油,完全唔掂!

6)      極魚王かきグラタン(600円/件):藏於芝士下嘅巨蠔身肥飽滿,爽嫩滑溜,熱辣辣嘅芝士尤其滋味!

7)      烤魚鰭(700円/件):大肥爸爸大讚烤魚鰭魚肉幼滑鮮甜,魚皮則香脆惹味,700円絕對超值!

人氣壽司專門店「梅丘寿司の美登利総本店」深受港人愛戴,XO仔只可以講渋谷分店環境較為狹窄,服務生雖並非不友善,只係感覺有點人手不足而已,壽司質量亦比唔上銀座分店嘅新鮮美味。
推介菜式: 牡丹蝦壽司, 極上大卜口壽司, 赤貝壽司, 火灸吞拿魚壽司, 極魚王かきグラタン, 烤魚鰭
每人消費: 約4507日圓 (晚餐)
評分: 味道3   服務3   環境3   衛生3   抵食3
ANA Lounge
ANA Lounge
ANA Lounge:接待大堂擺放出超型嘅Star Wars版模型飛機
ANA Lounge:接待大堂擺放出超型嘅Star Wars版模型飛機
ANA Lounge
ANA Lounge
ANA Lounge:自助餐飲部
ANA Lounge:自助餐飲部
朝日生啤
朝日生啤
自助食物區
自助食物區
Noodle Bar:豚骨拉麵
Noodle Bar:豚骨拉麵
豚骨拉麵
豚骨拉麵

全日空航空公司嘅商務搭客於成田機場出境後共有兩個「ANA Lounge」貴賓室可選,團長好自然地就揀咗離閘口較近嗰個。

接待大堂擺放出超型嘅Star Wars版模型飛機,震撼到連唔係星粉嘅小肥都忍唔住要影返幅相留念。睇到展出嘅金牌先知原來航空公司同酒店一樣有一至五星等級分,全日空榮獲五星殊榮當真係實至名歸

樓上貴賓室內嘅大廳前方擺有幾張二至四人嘅圓枱仔,後方則排出幾行獨立式梳化位,或許後者私隱度較高,所以一早已坐滿旅客。隔離就係光鮮企理嘅自助餐飲部。拍牆嘅飲品區有精選酒品、咖啡機、鮮奶、汽水、果汁等等。XO仔最興奮就係見到部朝日生啤機!專業到啲啤酒杯全部都係雪喺雪櫃入面,有哂日英對照兼附彩圖嘅操作說明,有得玩又有得飲,絕對歡樂!

自選食物都算幾國際化吓,不過就唔算特別吸引,當中有三文治、沙律、壽司、飯團、味噌湯、麻婆豆腐、肉丸等。嘻嘻,有旅遊達人哥哥帶領,八人當然係唔會錯過最入位置頗為隱蔽嘅「Noodle Bar」啦!麵檔其實有多款熱食可選,包括烏冬、蕎麥麵、拉麵,咖哩飯等,即叫即煮,好似快餐店咁等機仔一響就有得食。細佬所點嘅豚骨拉麵呈奶白色嘅豚骨湯底甜濃香滑,拉麵煙韌彈牙,份量剛剛好唔會太多,加配一杯清爽嘅朝日生啤確真歡樂

全日空航空公司嘅「ANA Lounge」環境及設施屬平均水平,餐飲嘅亮點必數朝日生啤麵檔,貴賓室黎講可選中等之列。
推介菜式: 豚骨拉麵
評分: 味道3   服務3   環境3   衛生3   抵食3
全日空NH 811: B767-300型號班機
全日空NH 811: B767-300型號班機
全日空NH 811: B767-300型號班機
全日空NH 811: B767-300型號班機
全日空NH 811: B767-300型號班機之商務機艙
全日空NH 811: B767-300型號班機之商務機艙
全日空NH 811: B767-300型號班機之商務機艙電動座廁
全日空NH 811: B767-300型號班機之商務機艙電動座廁
全日空NH 811:餐前香檳配日式米餅小食
全日空NH 811:餐前香檳配日式米餅小食
全日空NH 811:餐牌
全日空NH 811:餐牌
全日空NH 811西餐:麵包、頭盤拼盤、牛肉漢堡扒、法式乳酪
全日空NH 811西餐:麵包、頭盤拼盤、牛肉漢堡扒、法式乳酪
全日空NH 811日餐:牛肉漢堡扒
全日空NH 811日餐:牛肉漢堡扒

全日空NH 811選用B767-300型號班機,商務機艙嘅獨立式座位本身已經超級闊落,2-1-2嘅排位令兩邊走廊更具空間感,加以提升舒適度!除咗座位嘅所有控制之外,此機連座廁都一樣為電動化,仲要係大肥最愛嘅噴水型號,高科技得真夠全面!

機艙服務員專業友善,且十分有耐性,起飛後不久即提供餐前香檳及香脆惹味嘅日式米餅小食,見XO仔異常地口渴,仲不斷斟添開水及香檳,細心貼心得很!航班包咗嘅晚餐小肥揀咗「西餐」,所謂四道菜一盤過上,當中凍食嘅烤牛肉卷及真鯛魚頭盤勁酸,幸好主菜牛肉漢堡扒鬆厚軟嫩,肉汁豐盛,極易入口,成功挽回原本失掉咗嘅美食分數。
推介菜式: 牛肉漢堡扒
評分: 味道4   服務5   環境5   衛生5   抵食3
  0 個留言    |  加入你的留言
Handsome XO
117篇遊記
2018年聖誕遊東京 (日本)
(旅程日期: 2018-12-23 至 2018-12-28 ,  旅程性質: 飲食購物)
 整個旅程  (共6篇遊記)
 分享至Facebook 
發表日期: 2021-03-11

2018年聖誕東京之第五天

1227日(

東瀛遊接近尾聲,早上嘅購物活動安排咗喺午餐地點「てんぷら山の上 ギンザ」(Tempura Yamanoue Ginza)嘅銀座區進行。肥肥家族完全無懼增磅,早餐以柑橘啤酒送朱古力柑橘乾。中午品嚐過高質鮮美嘅天婦羅餐後,就去咗原宿血拼精品及手信,真係冇諗過四層高嘅「Kiddyland」竟然遠比鄰近嘅「Line Friends」旗艦店紛繁多姿及有趣得多!整個聖誕旅程最驚喜嘅一餐就係入黑後於「たでの葉」(Robatayaki Tadenoha)享用嘅野味宴,當真一試難忘

10FACTORY 銀座店
10FACTORY 銀座店
「10FACTORY 」的來源及理念
「10FACTORY 」的來源及理念
外賣飲品及甜品區
外賣飲品及甜品區
Fresh-Squeezed Mikan Juice(680円/杯)
Fresh-Squeezed Mikan Juice(680円/杯)
Mikan Biiru(680円/杯)
Mikan Biiru(680円/杯)
朱古力柑橘乾
朱古力柑橘乾
Orangette(324円/件)
Orangette(324円/件)
朱古力柑橘乾
朱古力柑橘乾

名店集中地「Ginza Six」新建於2017年,屬銀座區內規模最大嘅購物中心,地庫層嘅商店主要都係同飲食有關,吸引到XO仔嘅係舖面尤其鮮明嘅「10FACTORY 銀座店」!

小店源於「柑橘王國」愛媛縣,品牌以不同品種嘅愛媛縣柑橘製出果汁汽水果醬糖果朱古力雪糕柑橘美食。店內有售肥肥家族最愛嘅朱古力柑橘乾;由於家人都比較抗拒白朱古力,細佬可以慳返少少。兩款朱古力柑橘乾中,「Orangette」(324/件)嘅柑橘果乾明顯較為厚潤,朱古力脆皮柑橘果香兩者嘅甜味好夾。不過更為乾脆嘅「Chocolate Mikan Rusk」(324/件)就少咗份嚼勁,而且味道冇咁甜濃,唔係咁啱細佬口味。

全店最具人氣就係要排隊購買嘅柑橘飲品及甜品,有果汁、茶、汽水、酒、雪糕等七款可選。小肥第一杯先飲橙亮嘅柑橘果汁Fresh-Squeezed Mikan Juice」(680/杯)。鮮榨果汁十分清涼,而且鮮甜無比,實不用錯過,必喝推介也!至於杯柑橘啤酒「Mikan Biiru」(680/杯)其實即係柑橘果汁溝啤酒,飲落唔似啤酒之餘仲失掉咗柑橘本身嘅鮮甜,組合有啲不知所謂,超唔掂囉!

柑橘產品專門店「10FACTORY 銀座店」簡潔亮麗,服務生和藹友善,柑橘果汁朱古力柑橘乾鮮美可口,只係獨創嘅柑橘啤酒出咗事。
推介菜式: 柑橘果汁,朱古力柑橘乾
每人消費: 約1000日圓 (早餐)
評分: 味道4   服務5   環境5   衛生5   抵食4
てんぷら山の上 ギンザ(Tempura Yamanoue Ginza)
てんぷら山の上 ギンザ(Tempura Yamanoue Ginza)
てんぷら山の上 ギンザ(Tempura Yamanoue Ginza)
てんぷら山の上 ギンザ(Tempura Yamanoue Ginza)
啤酒,日本清酒,水,牙籤,餐具
啤酒,日本清酒,水,牙籤,餐具
天婦羅蠔「牡蠣」(1,500円)
天婦羅蠔「牡蠣」(1,500円)
天婦羅蝦頭
天婦羅蝦頭
8,000円「廚師發辦」
8,000円「廚師發辦」
12,000円「廚師發辦」:天婦羅慈菇、天婦羅紫蘇海膽、舞茸菇、升呢版魚魚
12,000円「廚師發辦」:天婦羅慈菇、天婦羅紫蘇海膽、舞茸菇、升呢版魚魚
蓋飯及雪糕
蓋飯及雪糕

長輩要求食天婦羅,除咗要好食之外另附條件係要好坐,結果當然係要搵地膽幫手,由哥哥位日本女朋友推薦擁有六十多年歷史嘅老字號「てんぷら山の上 ギンザ」(Tempura Yamanoue Ginza)。如店名所示,「山嶺上的天婦羅」母店位於「Hilltop Hotel」山頂位置,為東京第一間能成為酒店餐廳天婦羅店,神級地位不容忽視

天婦羅專門店於2017年首設分店,所選嘅銀座區及Ginza Six商場均份量非凡!店子以木為主嘅裝潢簡約樸實,門面及用餐大堂嘅空間感一樣咁足,完全不失格調或氣派。店內並無花巧之裝飾或擺設,用上嘅全為木造餐桌及椅櫈,令開揚嘅間隔更覺通爽。最入一邊為最旺場嘅吧位,圍繞著幾位即炸美食嘅師傅。離廚房最遠嘅就係窗邊有靚景睇嘅散座。八人派對被安排入座最中央嘅長枱,每位席上都有自用嘅隔油網架及餐具,講究得黎好衛生。

埋位先送上熱毛巾。得悉家人來自香港,哥哥仔即主動以國語溝通及推介餐飲,並換上中文版餐牌,既親切又周到!大家都應推介揀咗12,000円/位或8,000円/位嘅「廚師發辦」作午餐,分別在於前者多兩味天婦羅及包有更豐盛嘅主食選擇。每客「廚師發辦」均配備調味三寶,即蘿蔔蓉天婦羅秘汁。小肥所點嘅8,000円「廚師發辦」包有八款天婦羅:兩件活海老、兩款魚、星鰻、蓮藕舞茸菇茄子伏見青椒。哥哥點嗰客12,000円「廚師發辦」就多咗慈菇紫蘇海膽兩款天婦羅,另外魚魚亦為升呢版。新鮮炸出嘅天婦羅由姐姐仔索油後續件分配於各人嘅私家隔油網架上:

1)      兩隻天婦羅蝦係分開上嘅,新鮮即炸嘅蝦頭極易入口,咬落鬆脆冇渣。

2)      修長嘅蝦身炸皮巧薄不油膩,橙白紋理鮮明嘅蝦肉爽脆彈牙,十分清甜。

3)      天婦羅蓮藕超級厚身,幸好炸漿輕盈,蓮藕入口清爽得很,真係食到索索聲架

4)      伏見青椒半爽半腍,意外地除咗有陣獨特嘅香味之外,仲有點回甘。

5)      茄子蓮藕一樣咁厚,質感爽中帶腍。

6)      最後件舞茸菇芳香脆潤,可口味佳。

7)      唔係幾夠飽嘅幾位男仕結果要追加精選項目。所選嘅蠔隻名為「牡蠣」(1,500円),肥嘟嘟嘅外表已覺吸引,吃畢個個都有讚冇彈,証明堅掂

8)      各款午市套餐可選嘅單尾不同,餐廳特意印出圖文並茂嘅「主食餐牌」,另貴客簡單易明得多。細佬所點嘅「蓋飯」包有甘甜味雜錦天婦羅蓋飯醬菜、味噌湯。甘甜味雜錦天婦羅蓋飯白飯底粒粒飽滿肥潤,舖面嘅雜錦天婦羅巧脆惹味。味噌湯內含蜆肉,味道鮮濃。伴配嘅醬菜清新爽脆,可一解熱氣。

9)      甜品可選咖啡味或綠茶味雪糕,均伴上紅豆蓉,清涼不溜滯。

天婦羅專門店てんぷら山の上 ギンザ」環境寬廣樸實,服務生友善且有幹勁,待客之道盡顯誠意。午市「廚師發辦」用材上乘,質高美味,只係唯一價格偏高,不過考慮到此乃名酒店餐廳於高級商場開設之分店,論其舒適度、衛生要求及專業態度都係咁有水準,高價都變得可以接受
推介菜式: 天婦羅蝦,天婦羅蓮藕,天婦羅舞茸菇,天婦羅牡蠣,甘甜味雜錦天婦羅蓋飯
每人消費: 約12090日圓 (午餐)
評分: 味道5   服務5   環境5   衛生5   抵食3
精品天堂2.0 笑臉2021-03-11
Kiddyland
Kiddyland
Kiddyland - 地牢 Snoopy Town
Kiddyland - 地牢 Snoopy Town
Kiddyland - 地牢 Snoopy Town
Kiddyland - 地牢 Snoopy Town
Kiddyland - 鬆弛熊區
Kiddyland - 鬆弛熊區
Kiddyland - 鬆弛熊區
Kiddyland - 鬆弛熊區
Kiddyland - Sanrio區執到寶!
Kiddyland - Sanrio區執到寶!
Kiddyland - 迷你兵團
Kiddyland - 迷你兵團
Kiddyland - P助與兔兔
Kiddyland - P助與兔兔

早兩日先見識過日本卡通精品天堂「東京駅一番街」(Tokyo Character Street),買到XO仔同媽咪手都軟埋,真係冇諗過一山還有一山高,喺原宿竟然發現到個向上發展嘅精品天堂大廈「Kiddyland」,比「東京駅一番街」絕對有過之而無不及呀

Kiddyland」合共有五層高,雖然有𨋢搭,但每層樓梯嘅牆身都畫滿可愛嘅卡通,所以好多人都唔怕續層行,可以邊購物邊打卡,身心一樣咁健康。每層嘅精品款式及主題都唔同,其中最勁一定係自己擁有成個地牢嘅Snoopy Town啦!日本人嘅一樓(1/F)即係地面嗰層,推嘅都係新興人氣產品及潮流貨款;對上一層嘅2/F大多賣來佬野,包括迪士尼、星球大戰、芝麻街、迷你兵團等;3/F主要都係模型;而頂樓就由鬆弛熊Sanrio分。全店可免費享用Wi-Fi,不同樓層亦設有收銀部,海外顧客如購買滿五千円更可憑護照即場退稅,所以大家記得要集齊好想買嘅精品先一次過埋單。有心睇的話會發現不少過氣嘅好野以特價發售,嘻嘻,小肥由下午買到天都黑齊,當然係執都寶啦
推介項目: 購物
參觀時段: 下午
評分: 值得去5  
Line Friends Flagship Store Harajuku
Line Friends Flagship Store Harajuku
Line Friends Flagship Store Harajuku
Line Friends Flagship Store Harajuku
巨型Brown Brown
巨型Brown Brown
Cooky
Cooky
Usamaru - Harajuku Edition
Usamaru - Harajuku Edition
Tata
Tata
Line Friends Flagship Store Harajuku
Line Friends Flagship Store Harajuku
Line Friends Flagship Store Harajuku
Line Friends Flagship Store Harajuku
別號「亞洲搶錢天團」嘅韓國明卡通Line Friends於世界多個角落都設有分店,其中原宿店於2018年裝修成東京旗艦店「Line Friends Flagship Store Harajuku」後重新開幕,吸引Line粉天天排隊入場。小肥於網上嘅資訊睇到旗艦店有售原宿店限定商品,所以點都要抽時間去𥄫𥄫。點知去到先發現樓底勁高嘅店子大就夠大型,不過所販賣嘅精品款式同喺香港見到嘅冇乜分別,更加係搵唔到所謂之限定商品囉,結果十分鐘已經行哂三層!反而最多及最受歡迎就係啲打卡位,要同巨型嘅Brown Brown合照仲排哂長龍,似乎個個黎親都係為影相打卡多過購物
推介項目: 打卡
參觀時段: 下午
評分: 值得去3  
たでの葉 Robatayaki Tadenoha
たでの葉 Robatayaki Tadenoha
小店由小鶴伉儷主理,男主內、女主外
小店由小鶴伉儷主理,男主內、女主外
日本清酒,餐店理念,吧位餐桌
日本清酒,餐店理念,吧位餐桌
九小碟前菜拼盤
九小碟前菜拼盤
三文魚籽、水魚啫喱、金菇菠菜、海帶漬物
三文魚籽、水魚啫喱、金菇菠菜、海帶漬物
燒水魚、燒鱔、燒野鹿肉、燒野鴨肉、薄燒野鹿扒
燒水魚、燒鱔、燒野鹿肉、燒野鴨肉、薄燒野鹿扒
野鴨內臟刺身:鴨肝、鴨腎、鴨心
野鴨內臟刺身:鴨肝、鴨腎、鴨心
芹菜野豬五花腩煲
芹菜野豬五花腩煲

たでの葉」(Robatayaki Tadenoha)隱藏於青山區內一幢不起眼嘅大廈二樓,從附近四周嘅環境及門外嘅氣味當真難以察覺到爐端燒店嘅存在。行上樓梯,步入餐室,發現全店十二個吧位均圍繞著老闆兼主廚小鶴清史氏(Kiyofumi Kozuru)先生嘅爐端大舞台,一人負責哂切、串、燒、煮等工序,透明度極高,唯一室內光線較暗,令拍攝難度增加。

小店由小鶴伉儷主理,男主內、女主外,合拍得非常之有默契。XO仔啲日文屬有限公司,小鶴太太特意寫埋漢字黎溝通,態度堅認真!小鶴先生提及自己家鄉好多狩獵者,所以有窿路入到高質嘅野味食材。餐店只有一款廚師發辦晚餐,10,000円/位,節令菜式當日先會知有乜,故未有餐牌提供。

餐具下嘅餐墊以型格書法道出店子務求貴客可於歡樂時光中以美食充電嘅「Power Spot」(能量景點)理念,有意思極!大大頁飲品牌有張黃色皺紙墊底,配埋桌上嘅小燈籠,感覺好似返咗古代咁。酒鬼們應推介試咗樽有年份嘅「2017年新政天鷲絨ヴィリジアン(Viridian)日本清酒(7,200円/樽);帶有乳酸味嘅酒品清爽到好似有氣咁,相當獨特。

1)      晚餐由豐盛嘅九小碟前菜拼盤作序,不同大小及形狀嘅碟盤十分吸睛。建議由十一點方向開始順時針方向食,順序亦即三文魚籽芝麻菠菜伴蓮藕、山葵腐皮、熊肉絲、炸慈菇味噌白鴨肉水魚啫喱、蘿蔔,中央為豆腐乾拼香菇:

a)      拼盤上嘅三款小杯中,晶瑩橙美嘅三文魚籽濕潤惹味;芝麻菠菜伴蓮藕清新帶爽;而腍身嘅腐皮食落有點兒微微辣勁,都幾得意。

b)      第一味食到嘅野味熊肉絲混入咗醃蘿蔔絲,食落好似火腿絲咁,其實唔係好食得出熊肉有咩特別味

c)      慈菇一向俾XO仔嘅印象係粉粉地同苦苦地,師傅巧妙地將慈菇切碎後炸煮,炸慈菇變得香脆鬆爽,易入口及討好得多。

d)      長輩果然係學識廣博,一聽到葫蘆碟上為「味噌白鴨肉」時,即諗到「連城白鴨」乃清朝貢品,屬珍饈也!搓成肉丸形嘅味噌白鴨肉內含洋蔥碎,甜濃爽潤。

e)      九款小點中最得小肥歡心嘅就係半透明嘅水魚啫喱方磚啫喱清涼厚潤,入面嘅水魚裙邊清脆甜美,滋補養顏,超正!最後中間件豆腐乾一啲都唔乾,濕潤得黎有彈性,簡單加上兩片火腿已成功加添咸香。

2)      食完九小碟後,師傅戴著特製厚手套於高溫嘅黑炭沙堆嘅熱爐燒煮出嘅野味亦迅即陸續登場。打頭陣嘅為貌似八爪魚嘅燒水魚!細佬炆水魚同水魚湯都有食過,不過似乎爐端燒嘅水魚肉先最鮮甜及有嚼口,骨膠原豐沛都毫不溜滯

3)      如相所示,燒鱔粗身得黎閃出光澤,頂面以紫蘇葉碎點綴令菜式芳香撲鼻。大肥爸爸同姨媽姨丈們都大讚靚鱔皮脆肉滑,啲仲要係滑到不得了嗰隻喎

4)      食完兩道濃味嘅海鮮後,先有一碗仔清香怡神嘅金菇菠菜為味蕾洗滌一番。

5)      接棒嘅野鹿好似比翼雙飛咁,小燈籠旁放上伴配嘅鹽粉,擺盤精美得很!野鹿肉嘅外表與牛扒無異,紅潤粉嫩嘅野鹿肉油脂不多,質感軟腍,輕輕塗上金黃嘅辣根及灑上鹽粉足已吊出鮮香嘅味道。

6)      整晚之最必選黑色圓盒內鮮紅潤澤嘅野鴨內臟刺身!金碗內嘅野鴨內臟分別有鴨肝鴨腎鴨心,撈埋隻亮麗嘅日本生鵪鶉蛋黃,三款刺身柔順嫩滑,鮮美醒神!

7)      食完頂級嘅野鴨內臟刺身後即輪到燒野鴨肉。嘩,燒鴨皮層香脆中仍保持滑溜,鴨肉軟嫩可口,拼上大蒜更覺鮮香惹味,冇得彈呀!

8)      好似牛肉咁,燒野鹿都可以有不同燒法、切法、食法。切成幼條嘅薄燒野鹿扒鬆爽得黎肉汁豐腴甜美,個人覺得比第一款燒鹿肉更堅!

9)      吃畢兩種紅肉,師傅就安排咗一小碗酸味消滯嘅海帶漬物間場。

10)  壓軸嘅野味為滾住上嘅芹菜野豬五花腩煲,由小鶴太太續一分派。上枱時已聞到翠綠嘅芹菜傳出嘅芬芳,下嘅野豬五花腩肉不單巧薄,肥瘦比例更加係層次分明,簡單烚過肉質已夠鮮爽香潤,真係食到嗦嗦聲架

11)  吃畢多道咁補嘅野味混身熱血,大廚以野生山藥磨煮成糊仔狀作單尾,可一解熱氣及油膩,妙哉!

12)  甜品柑橘類水果二重奏晚白柚拼凸頂柑デコポン),兩者均微酸帶甜,輕盈得黎有助腸胃消化。

店名取自「蓼葉」嘅「たでの葉」(Robatayaki Tadenoha)暗居於青山區內,室內並無花巧之裝潢,只有開放式爐端大廚房,由年輕嘅小鶴夫婦經營。十二個座位天天爆滿,全因店主待客誠懇,野味宴高質獨特,驚喜美味,豐盛難忘!客人彷如置身於鬧市中嘅鄉村大屋中享用剛捕獲嘅獵物般,締造出非一般嘅味覺旅程,屬「到此一遊」的好餐廳也!
推介菜式: 水魚啫喱,燒水魚,燒鱔,野鴨內臟刺身,燒野鴨肉,薄燒野鹿扒,野生山藥糊,芹菜野豬五花腩煲
每人消費: 約14800日圓 (晚餐)
評分: 味道4   服務5   環境4   衛生5   抵食4
  0 個留言    |  加入你的留言
Handsome XO
117篇遊記
2018年聖誕遊東京 (日本)
(旅程日期: 2018-12-23 至 2018-12-28 ,  旅程性質: 飲食購物)
 整個旅程  (共6篇遊記)
 分享至Facebook 
發表日期: 2021-01-20

2018年聖誕東京Boxing Day

1226日(

Boxing Day可算為是次行程嘅西餐日,午餐喺地牢扒房「」(Shima)鋸和牛,晚餐就盛裝於銀座名店「L'Osier」享用法國聖誕大餐。由於用餐時間過長,女仕們裝扮需時,結果就跳過哂所有購物活動
地下扒房 笑臉2021-01-20
島 Shima
島 Shima
島 Shima
島 Shima
菂薂可愛嘅臘腸狗筷子座
菂薂可愛嘅臘腸狗筷子座
紅酒、香檳、可樂、水
紅酒、香檳、可樂、水
麵包 + 牛油
麵包 + 牛油
頭盤
頭盤
Wagyu Steak(13,000円/150g)
Wagyu Steak(13,000円/150g)
Apple Pie with Mango Sorbet & Coffee Sorbet
Apple Pie with Mango Sorbet & Coffee Sorbet

大肥爸爸個老友記每年都會去日本多個城市吃喝玩樂,其中去襯東京定必拜訪西洋料理「」,肥肥家族聽得多自然心郁郁。非常慶幸聖誕假期間都訂到位去食晏,只係餐店隱蔽於地牢,位置有少少難搵,大家記緊要留意孖膽街燈及花花標記哦!

行落街燈旁嘅弧形樓梯確真有啲危險,因為又黑又高,落到底先知人地原來有部𨋢架。餐廳面積不大,前方為開放式廚房及吧位,由老闆兼主廚大島先生掌舵,後方則擺放出兩張多人長枱。室內並無花巧之裝潢,最搶鏡必數牆上掛出可愛嘅龍貓同貓巴士幅合照!店內只有年紀唔輕嘅老闆娘一人負責樓面工作,包辦落單、傳菜、換碟、結帳等,見佢出出入入實在忙透,故面對緩慢嘅上菜速度大家都完全冇催促過。嗜紅酒嘅長輩們埋位先從多頁酒牌中揀選佳釀襯托靚牛扒。要有氣嘅小肥就點咗半枝裝嘅香檳。邊飲邊等,發現「香檳」日本譯作「果實酒」,連個名都健康過人,結果不知不覺間就飲咗兩個半枝,早知一開頭就要樽大裝啦!

兩頁食物餐牌只有頭盤及主菜項目,非常簡單,價格卻極非一般。餐桌白色嘅枱布上有齊備嘅西式及和式餐具。見到菂薂可愛嘅臘腸狗筷子座確真令人心情輕鬆起來。

1)      師傅準備午餐時,食客可先細嚐三款鬆軟熱辣嘅麵包,個人只係略嫌黑炭麵包偏硬咗少少。請留意,牛油係要要求先會提供嘅。

2)      Fresh Raw Salmon with “Ohba”(3,800円):橙亮嘅三文魚薄片柔軟香潤,以秘製嘅「Ohba」調味醒胃惹味得黎散發著芬芳嘅紫蘇香,清新得很

3)      Fresh Oysters(600円/隻):大大隻生蠔肥美亮澤,鮮甜爽滑,正!

4)      White Asparagus(900円/條):蘆筍一向唔係細佬條菜,不過哥哥勁讚又粗又長嘅白蘆筍鮮嫩爽脆,一啲渣都冇,細佬只係覺得成千円一條好高級囉

5)      Onion Gratin Soup (2,100円):熱力十足嘅洋蔥湯香濃甜美,意外地冇預期中咁溜,湯料中嘅靚洋蔥嫩腍入味,滋味無窮。

6)      Wagyu Steak(13,000円/150g):八人嘅主菜清一式要哂鎮店日本兵庫縣和牛,師傅喺燒煮牛扒前先攞咗個磅出黎,以証明和牛堅夠斤兩,透明度極高;相片碟中嘅兩件和牛左方為牛柳,右方為西冷,每款要咗四份。扒房選用日本名牌刀廠「旬」嘅靚刀,唔打得都睇得先!跟牛扒上嘅除咗有西餐常見嘅芥辣之外,仲有一小碟山葵豉油,流露出日式飲食文化嘅影響。三成熟嘅和牛西冷色澤粉嫩,肉質鬆潤香軟。分別連同伴碟金黃脆巧嘅蒜片及鮮爽多汁嘅生洋蔥,再輕輕點上山葵豉油已能增添惹味爽脆。和牛牛柳嘅配菜與和牛西冷嘅無異,除咗蒜片生洋蔥之外,仲有焗薯及烤菜,碟上同樣係冇任何汁液,調味可選芥辣或山葵豉油。厚身嘅牛柳都係咁夠肉汁,只係有比較下質感會稍微覺得嚡實啲啲,啱唔啱口味真係要視乎個人喜好。

7)      Apple Pie with Mango Sorbet & Coffee Sorbet:餐牌上並冇甜品項目,問多兩句發現原來係免費贈送嘅!細細件果批夠薄,半帶煙韌嘅批皮夠輕巧,批面嘅果肉芳香爽潤,伴配芒果味及咖啡味雪葩亦微甜輕盈,份量剛剛好。

8)      甜品小點:三款小點中只有柚子條條一款冇果仁,帶點嚼勁嘅柚子條條酸酸甜甜,清新又醒神。

藏於一幢商業大廈地牢嘅西餐廳「」環境簡單樸實,由友善好客嘅大島先生伉儷主理,男主內,女管外,溫馨洋溢。餐牌項目雖屬高價之列,但用材確真高質,菜式絕對表現出大島先生嘅烹調技巧,值得一試!
推介菜式: Fresh Raw Salmon with “Ohba”, Fresh Oysters, White Asparagus, Onion Gratin Soup, Wagyu Steak
每人消費: 約20540日圓 (午餐)
評分: 味道4   服務3   環境3   衛生4   抵食2
L'Osier 門面、環境、擺設、餐牌、紀念品
L'Osier 門面、環境、擺設、餐牌、紀念品
法式小點心 Canapés
法式小點心 Canapés
Maison Kayser 麵包、聖誕牛油塔
Maison Kayser 麵包、聖誕牛油塔
粉紅色香檳、開胃小食、雜錦貝類他他拌魚子醬、金橘雪葩
粉紅色香檳、開胃小食、雜錦貝類他他拌魚子醬、金橘雪葩
烤鴨主菜、靚刀、藍龍蝦配意大利飯
烤鴨主菜、靚刀、藍龍蝦配意大利飯
Kue - 泥斑配海膽秘汁
Kue - 泥斑配海膽秘汁
芝士車
芝士車
甜品
甜品

肥肥家族與法國餐廳「L'Osier」於2016年結緣,全因當時日籍靚女師姐推介為其願望餐廳之一,家人親嚐過星級午餐後亦迅即愛上!闊別兩年,原班人馬重返東京過聖誕節,大家都異口同聲地話要返去名店試埋個晚餐,Boxing Day真的可如願以償,饞嘴肥肚最幸福

節日嘅燈飾點綴下,西餐廳如酒店般壯麗嘅門面更顯有氣派,大門由身穿制服嘅靚仔哥哥把守,貴客必需按照服裝限制打扮絕對有理。請留意,規定說明身穿牛仔褲、短褲或波鞋者均不得內進,男仕們定必穿上西裝。步進大堂,即見中央掛於半空嘅大吊燈跨往下層,延伸至一棵肥嘟嘟嘅聖誕樹。店內簡單擺出聖誕擺設及藝術品,大方典雅且極具佳節氣氛。

電話訂座時,XO仔已為各人點咗八道菜嘅試食套餐「Menu Degustation」(28,000円/位),並清楚說明廚師要留意嘅食物敏感事項。九人被安排入座兩張圓枱。官仔骨骨嘅服務生謙遜體貼,除咗言談間之外,每個動作都能反映出對用餐禮儀嘅講究及尊重,態度極之誠懇。餐牌均由大廚Olivier Chaignon先生親筆簽署,以表其誠意。既然菜單早已訂好,埋位就由團長揀選粉紅色香檳Billecart Salmon Rosé Brut NV」(JPY 18,000/btl)襯托一吓聖誕佳餚

1)      晚餐由外觀猶如花瓶般精緻嘅法式小點心Canapés」揭開序幕。家人都驚嘆弧形嘅透明玻璃盤及盤上嘅四款小點一樣咁富藝術感小點心均輕盈健康,可直接用手食,建議可由九點鐘方位開始打橫向右食,最後先逆時鐘方向上埋個十二點位,順序亦即微甜鬆化嘅棗蓉竹炭脆片、軟腍脆皮嘅茄子蓉撻、芳香厚潤嘅香草忌廉三文魚件、香濃柔滑嘅奶酪芝士伴黑松露

2)      哥哥大讚麵包每款都咁鬆,伴配聖誕樹形嘅牛油塔既可愛又能提升佳節氛圍。原本家人都估頂級貨為廚房出品,細問下方才得悉店子嘅麵包均由區內名店「Maison Kayser」每天新鮮焗製,果然來頭不少

3)      Amuse-Bouche開胃小食為廚房每天即興之創作,當日嘅南瓜雪糕混入白蘿蔔精華,純樸清甜,以雅枝竹啫喱墊底即巧妙地加咗份濕潤,頂面再以芬芳香脆嘅松露花薯片點綴,配搭清麗脫俗得黎口感十分豐富。

4)      Ossetra Caviar - Shellfishes Tartare, Light Fennel Cream Mousse with Lime Jelly/Lemongrass Leaves, Potato "Inkanomezame" Blinis:單憑相片未必睇得到,貝殼形玻璃碟子上其實最底層為晶瑩透光嘅雜錦貝類他他拌青檸啫喱,師傅喺面以黑色嘅魚子醬、奶白色嘅茴香忌廉慕絲及翠綠色嘅香茅小葉砌出形於盆栽嘅一幅美食圖,眼前頓即亮起一種大自然清新嘅氣息雜錦貝類他他拌青檸啫喱清涼爽嫩,撈入盆栽拼圖上嘅魚子醬茴香忌廉,效果更覺鮮濃柔滑,將食材塗上碟邊嘅迷你薯仔鬆餅上即變成一口一件嘅DIY小點心般,多元化嘅食法彷彿在提醒貴客飲食嘅趣味,設計者甚有心思。

5)      Blue Lobster/Black Truffle - Spelt Wheat Risotto with Aromatic Vegetables & Truffle Sauce:每道熱食均連蓋呈上,並由幾位服務生同一時間為全席人揭開,感覺猶如置身於皇室宴會中,相當隆重。意粉環節再一次遇上黑松露,濕濕地嘅意大利飯底腍潤中帶有嚼勁,龍蝦肉亦鮮美爽脆,只係長輩們都覺得藍龍蝦意大利飯依個組合有點兒太過穩陣,失色在於欠缺咗一份驚喜或刺激感。

6)      Kue - Low-Temperature Cooking, Cauliflower with Seaweed Sea Urchin Broth:經理哥哥介紹法國大餐嘅魚魚係師傅精挑細選嘅「Kue」(網上翻譯為「泥斑」),屬當地出名難捉嘅石斑,尤其罕見所以矜貴。上枱後由專人續一於斑塊淋上熱辣辣嘅海膽秘汁。配角橙亮嘅海膽鮮甜香濃,翠綠嘅椰菜花蓉則脆潤易入口,白雪雪嘅魚肉以低溫煮出,厚身得黎卻極之軟滑,黏上海膽秘汁成功增強靚魚嘅鮮味,實有畫龍點睛之效

7)      Roasted Duck from "Challans" - Roasted with Spices, Leg's "Confit" with Orange "Bigarade" Sauce, Turnip/Truffle, Caramelized Apple with Chinese Quince Vinegar & Green Cardamon Salmis Sauce紅肉主菜上場前先換上更鋒利嘅刀具;女仕用白刀,男仕用黑刀。烤鴨主菜醬汁魚魚一樣係即場於食客面前斟上。兩件不同部位嘅烤鴨烹調方法及生熟度都有所不同,碟盤中央嘅鴨胸粉嫩紅潤,看似零脂肪嘅肉質軟腍且肉汁豐腴,傳出清幽嘅橙香迅即令精神為之一振;右上方嘅一小件油封鴨腿皮脆味濃,加配酸酸甜甜、腍中帶爽嘅焦糖蘋果一齊食落口即可減低膩感,簡單精妙

8)      法國餐普遍都會以芝士隔開主菜及甜品項目,「L'Osier」嘅芝士車相信亦迷到不少芝士迷,只係遇上口味唔重嘅XO仔就有少少嘥料。

9)      Kumquat Sorbet:鮮紅艷麗嘅金橘雪葩紅桑子及紅石榴啫喱墊底,軟潤清爽,消滯嘅同時可洗滌淨化一下味蕾。

10)  Les Petits Fours每人一份,四款甜品小點均擺放在透明嘅長形靚碟上,感覺同晚餐第一道法式小點心嘅擺盤相似得黎又有個對比,即咸對甜及圓對方。相中左起為軟彈濃甜嘅芒果啫喱、酸甜酥脆嘅紅桑子蛋白球、香醇甜脆嘅金箔朱古力杯、香軟帶脆嘅迷你焦糖梨撻。不得不提嘅就係拼盤旁放置咗一碗清水,方便賓客於食用甜點前作洗手之用,衛生周到得很。

11)  聖誕晚餐正常版嘅甜品為經典之選蒙布朗「Mont Blanc」,小弟因對果仁敏感,廚房已另作安排,不過眼見師傅為栗子雪山改編出別出心裁嘅新潮面貌,自己都不禁影咗幅靚相

12)  Around the Citrus:魚形嘅碗中由幾款柑橘類水果砌出橙黃閃爍嘅果盤,灌入果汁後即浮現出柑橘小島,玩味十足!柑橘果肉部份清甜,有幾件帶酸,伴配甜脆嘅蛋白小餅令口感及味道有層次得黎非常和諧,實在難得!但甜品個高潮位係另上嘅香橙忌廉脆卷!金黃亮麗嘅忌廉卷修長吸睛,一拎起即發現餐碟嘅設計原來好似煙灰缸咁兩邊都有個凹位,卷物啱啱好弗到遢遢陷。手持卷卷已飄來陣陣果香,第一口咬落去連右旁嘅媽咪都聽到巧薄鬆脆嘅如何卜卜脆,卷心柔滑嘅香橙忌廉溶於舌上,甜美嘅橙香洋溢口腔,這個外剛內柔細膩得太完美了

13)  法式聖誕大餐以精美嘅甜點車Sweet Delicacy Trolley」作結,琳瑯滿目嘅糖果餅乾朱古力等任君選擇。靚仔哥哥耐心地續一推介,而且好衛生地為每位客人分碟上。嗜甜嘅小肥好捧場地試咗五款,甜點各具特色,可口討好。伴配一杯特濃咖啡,不用加糖以令腸胃舒暢得很。

L'Osier」為名化妝品牌「資生堂」於東京銀座創立之法國餐廳,法文店名取自銀座區嘅標誌「柳樹」。西餐店富麗堂皇,服務生衣觀整齊,有禮好客,菜式用材高質,且顏值高,星級八道菜聖誕大餐豐富味佳,女仕們仲有個手袋仔紀念品,Boxing Day有聖誕禮物收倍添節日歡樂及難忘,即使有服裝限制都絕對值得一試再試!

推介菜式: Ossetra Caviar, Roasted Duck from "Challans", Kumquat Sorbet, Around the Citrus
每人消費: 約39550日圓 (晚餐)
評分: 味道5   服務5   環境5   衛生5   抵食3
  0 個留言    |  加入你的留言
Handsome XO
117篇遊記
2018年聖誕遊東京 (日本)
(旅程日期: 2018-12-23 至 2018-12-28 ,  旅程性質: 飲食購物)
 整個旅程  (共6篇遊記)
 分享至Facebook 
發表日期: 2020-12-31

2018年聖誕東京之聖誕節

1225日(

去親東京玩都會盡情咁食,因深知聖誕旺季訂座會難上加難,早於出發半年前已開始跟酒店聯繫有關訂座詳情,列出心儀嘅餐廳後就交由佢地代為編排行程。八人真夠幸運,可於聖誕節中午品嚐Doctor X最愛嘅星級鐵板料理「銀座うかい亭」(Ginza Ukai-Tei)。午餐後於銀座區內購物,靚靚媽咪同家姐們於「三宅一生」(Issey Miyake)不停地試身時,XO仔就去咗附近間「Sanrioworld GINZA」狂購玩具同精品。今次假期最失望都要數喺名酒店餐廳「銀座久兵衛 京王プラザホテル店」Ginza Kyubey, Keio Plaza Hotel食嘅聖誕壽司晚餐
銀座うかい亭(Ginza Ukai-Tei)門面及內在環境
銀座うかい亭(Ginza Ukai-Tei)門面及內在環境
磯自慢純米大吟釀四合瓶(21,600円)
磯自慢純米大吟釀四合瓶(21,600円)
餐牌、大沼豐師傅(Yutaka Onuma-san)、鮮美食材
餐牌、大沼豐師傅(Yutaka Onuma-san)、鮮美食材
Foie Gras Sauteed、麵包、Ocean Trout
Foie Gras Sauteed、麵包、Ocean Trout
Scallop、帝王蟹湯、Risoni
Scallop、帝王蟹湯、Risoni
Homard Brue Steamed
Homard Brue Steamed
Wagyu Beef Steak with Onion
Wagyu Beef Steak with Onion
聖誕版甜品車及Christmas Strawberry Cake
聖誕版甜品車及Christmas Strawberry Cake

銀座うかい亭Ginza Ukai-Tei為名日劇女主角Doctor X最愛嘅星級鐵板料理。餐店銀光閃閃嘅正門由兩位叉羮護法駐守,入口嘅梯級舖上紅地毯,左右兩旁排出聖誕花,節日氣氛濃烈且氣派十足,相信晚上亮起燈飾時會更壯觀亮麗。店內光線柔和,帶點古堡味嘅歐陸式裝潢及擺設高貴有格調。面積寬廣嘅餐室中央位置有個弧形嘅大鐵板舞台,貴客大多為二至四人一組,亦即搭枱制。

八人派對被安排於廂房內進行,私隱度較高,厚墊椅櫈十分舒適,仲有專人貼身服務,自動換碟及加酒之速度都相當理想,服務生態度誠懇友善。每位席上擺有齊備嘅西式餐具及餐牌,簡潔衛生。餐巾上以銀絲綉出店名,極富貴氣,而且好襯「銀座」個地點添。

餐牌印上兩款聖誕套餐Christmas Lunch Course」(12,960円/人)及「Christmas Special Course」(32,400円/人)嘅詳盡內容。酒店以電話訂座時,接線生講明八人要清一色訂同一個餐,當時即點咗「Christmas Lunch Course」,用餐當日經理姐姐卻提議不妨換成每款套餐要四份,臨時嘅彈性改動其實正合姨媽們心意。嘻嘻,既然係慶祝聖誕節,咁當然係要叫酒飲啦,相信人多續樽叫應該最抵,所以就應推介點咗枝日本清酒「磯自慢純米大吟釀四合瓶」(21,600円)。

聖誕海陸大餐由年輕俊朗嘅大沼豐師傅(Yutaka Onuma-san)全權負責。師傅開始動手燒煮前,先展出鮮美嘅食材,包括龍蝦帶子和牛,並問及各人嘅飲食喜好要求,如敏感問題、牛肉生熟度等等,細心兼認真。

1)      「Christmas Lunch Course」由橙亮嘅「Ocean Trout with Seasonal Vegetable」作序。貌似三文魚嘅兩件Ocean Trout(Google之神譯作為「鱒魚」)刺身厚潤柔軟,連同頂面嘅魚子醬及碟邊嘅白汁食落口,鮮味洋溢味蕾。

2)      第二道「Foie Gras Sauteed」賣相未必吸引,但一刀切落去,手仔已感到從刀鋒傳出鵝肝軟滑嘅質感,入口即可証實靚肝皮層香脆,肝心極其幼嫩,當真不可以貌相哦

3)      是日例湯帝王蟹湯」鮮濃芳香、窩心暖胃。

4)      鐵板菜式由「Scallop with Marinier Sauce」打響頭炮,型男師傅分開咁燒煮帶子及以牛油,最後一刻刨上檸檬粉後即搞掂。帶子煎煮時間掌握得恰到好處,外香脆內軟嫩,未入口已聞到檸檬粉傳出嘅清新香氣,牛油秘汁帶子更為鮮香甜美。

5)     兩款午餐中最多功夫就係「Christmas Special Course」嘅龍蝦主菜Homard Brue Steamed」,大家可目擊鹽山嘅建造及龍蝦如何於鐵板上蒸煮、去殼、加燒、調味,真係大開眼界

6)      兩份套餐其實都包咗一道和牛Wagyu Beef Steak with Onion」,所選之部位因應套餐價格而有所不同,厚身嘅為牛柳,雲石紋理交多嘅則為西冷。得知席上全為家人,師傅就主動提出每人每款分半件,一同試齊兩款靚牛。肉質紅潤軟腍嘅和牛半溶於口腔,油脂及肉汁同樣豐腴。

7)      單尾為米形意粉「Risoni」,只用芝士調味都好溜吓,所以每人一小碗份量已經好夠。

8)      甜品環節進行前全體都要先移玉步前往後廳嘅豪華梳化區。點好餐飲後,妹妹隨即推出聖誕版甜品車,並續一切出鬆軟香潤、微甜不滯嘅「Christmas Strawberry Cake」。

9)      喺日本飲特濃咖啡真係可以保證堅夠濃。

10)  另伴嘅四色朱古力就好甜吓,邊飲咖啡的話絕對唔需要加糖。朱古力四種口味分別為紅色嘅士多啤梨味、白色嘅榛子味、綠色嘅開心果味、啡色嘅威士忌味,對果仁敏感嘅朋友要小心唔好食錯。

東京名牌鐵板專門店「銀座うかい亭」環境格調高雅,正門當真猶如博物館般有氣派。店內抽氣充足,服務生有禮且十分體貼,廚師門亦親切友善。聖誕套餐「Christmas Special Course」及「Christmas Lunch Course」用材高質,帶有法國風味之鐵板料理新鮮美味,「本当にうまいです」
推介菜式: Foie Gras Sauteed, Scallop with Marinier Sauce
每人消費: 約28688日圓 (午餐)
評分: 味道4   服務5   環境5   衛生5   抵食3
西銀座
西銀座
Sanrioworld GINZA
Sanrioworld GINZA
Sanrioworld GINZA
Sanrioworld GINZA
Sanrioworld GINZA
Sanrioworld GINZA
XO仔產品只搵到三款
XO仔產品只搵到三款
勁多蛋黃哥
勁多蛋黃哥
勁多蛋黃哥
勁多蛋黃哥
旅客買夠五千円可以憑護照即場退稅,仲有得玩抽獎
旅客買夠五千円可以憑護照即場退稅,仲有得玩抽獎
據網上搜索到嘅資訊所講,共兩層高嘅Sanrioworld GINZA」乃Sanrio於全世界最大之旗艦店。其實XO仔一早都估到唔會見到太多XO仔嘅產品,不過真係冇諗到店內只係搵到三款咁少囉!最意外就係除咗Hello Kitty之外,居然勁多蛋黃哥,明顯蛋蛋嘅人氣遠超XO仔多多聲。喺度買手信俾Kitty粉或蛋蛋迷真係話都冇咁易,旅客買夠五千円可以憑護照即場退稅,仲有得玩抽獎添
參觀時段: 下午
評分: 值得去5  
一般咖啡屋 哭臉2020-12-31
Noa Café
Noa Café
前往地牢餐廳必需行落十幾級樓梯
前往地牢餐廳必需行落十幾級樓梯
聖誕樹
聖誕樹
Hot Cocoa(620円)
Hot Cocoa(620円)
Panini Set(1,100 円)
Panini Set(1,100 円)
Panini Set(1,100 円)
Panini Set(1,100 円)
Mont Blanc Waffle Set(1,420円)
Mont Blanc Waffle Set(1,420円)
Dark Syrup & Sesame Gelato Waffle Set(1,420円)
Dark Syrup & Sesame Gelato Waffle Set(1,420円)

於銀座區購物真係可以停唔到手架,不過點買長輩們中途都要歇一歇。原本計劃咗去上榜熱店「Tricolore」飲下午茶,無奈店子早已滿座,八人唯有改去附近仲有大把位嘅「Noa Café」。

前往地牢餐廳必需行落十幾級樓梯。適逢聖誕佳節,接待處擺出聖誕樹,好有氣氛。服務生態度唔算差,只係比起平時遇見嘅差咗份熱誠同衝勁。黐立立嘅雲石餐桌上有自助餐具及餐紙,埋位姨丈即要狂抹,明顯衛生水平唔係咁高。厚本餐牌共有十五頁之多,名就日英對照,但詳細說明就只有日文版,另附彩圖參考。小食及甜品系列大多可以散點或跟指定飲品叫套餐。

1)      Hot Cocoa(620円):細佬杯熱朱古力飲落淡而無味,而且稀如奶水,奶味多過朱古力味,完全唔掂

2)      姨媽姨丈們分咗個Panini Set(1,100 円)同Mont Blanc Waffle Set(1,420円),食後感想係:「Panini好似烘過嘅三文治咁,嗰餡唔乾,味道一般。粟子Waffle個樣靚過客Panini,個味唔會太甜,正正常常。」

3)      Dark Syrup & Soybean Flower & Sesame Gelato Waffle Set(1,420円):節令限定嘅「黑蜜糖芝麻雪糕窩夫」賣相甚為震撼,兩件厚厚嘅窩夫中間夾咗球芝麻雪糕忌廉,頂面再淋上黑蜜糖漿及黑蜜糖粉,顏值夠高。配料芝麻雪糕清涼微甜,忌廉亦幼滑軟潤,當中嘅黑蜜糖微甜討好,只可惜窩夫厚而偏實,毫不香脆,唔得鬆化,直令甜品美味程度大打折扣。

隱藏於銀座購物區嘅地牢咖啡屋「Noa Café」環境、服務、衛生、食物質素等,各方面嘅水平均只屬一般,請恕細佬未能推介。
每人消費: 約1200日圓 (下午茶)
評分: 味道2   服務3   環境2   衛生2   抵食2
銀座久兵衛 京王プラザホテル店(Ginza Kyubey, Keio Plaza Hotel)
銀座久兵衛 京王プラザホテル店(Ginza Kyubey, Keio Plaza Hotel)
「桜」房由主廚小高師傅主持
「桜」房由主廚小高師傅主持
餐牌
餐牌
小高師傅介紹及握製壽司
小高師傅介紹及握製壽司
竹籤蝦壽司
竹籤蝦壽司
溶溶爛爛嘅「火灸吞拿魚壽司」
溶溶爛爛嘅「火灸吞拿魚壽司」
久兵衛御夕食(17,820円/位)
久兵衛御夕食(17,820円/位)
久兵衛御夕食(17,820円/位)
久兵衛御夕食(17,820円/位)

聖誕節最旺場嘅食肆主要都係西餐廳,日本亦不例外,結果正日晚市只有酒店壽司店「銀座久兵衛 京王プラザホテル店」(Ginza Kyubey, Keio Plaza Hotel)有位。多人派對之訂座必先預定埋清一色嘅晚市套餐,團長就從六款中選出唯一取自店名嘅「久兵衛御夕食」(Kyubey Assorted Sushi;17,820円/位),共包有十六件壽司及卷物。

一家八口被安排入座「桜」房中進行,要先除鞋及脫去外套才可入座。座位均圍繞著主廚小高師傅嘅大舞台,不過由於全冇椅背或椅柄,長輩們進出時都甚有難度。每位席上有一個托盤擺放齊備嘅自用餐具及醬油。食物早已訂好,飲品就各自叫。四頁飲品牌日英對照,簡單易明。小肥自己叫咗枝細瓶裝日本清酒「八海山純米吟釀」(3,330円/300ml)。

面相嚴肅嘅小高師傅其實十分友善,眼見跟長輩們介紹魚生時發生言語障礙,佢就自動玩看圖識魚。晚餐嘅十六件壽司雖則續件上,但大部份嘅魚生早已切好於砧板上,等待大師傅續一握製;當時感覺其實有少少不對勁,因為印象中傳統做法好似續款靚魚由師傅即場處理喎,何況高級酒店餐廳唔係應該更講究咩?!

1)      師傅忙於準備壽司前,先安排一小碗海帶為食客潔淨一吓味蕾。

2)      打頭陣嘅為鮮紅亮澤、厚潤帶爽嘅「醬油中卜口壽司」。

3)      意外地,「肝醬剝皮魚壽司」味道較清淡,唔似平時食開嘅咁香濃,而且魚肉偏韌,個人有少少失望。

4)      面上灑咗鹽嘅「魷魚壽司」比剝皮魚壽司更硬同韌,食落只有強勁嘅咸味,直令XO仔食到咪起雙眼,面部表情確真與被傷口上灑鹽無異。

5)      輕輕燒過嘅「海帶鯖魚壽司」鮮香帶甜,比喺香港食開嘅柔和易入口得多。

6)      或許細佬嘅辨魚能力唔係咁強,食完鮮紅厚潤嘅「まぐろ壽司」後即同旁邊嘅姨丈細聲問及點解咁快會重複嘅,結果聽返錄音方才發現第一件落肚嘅原來係中拖羅

7)      初嚐嘅「鰆魚Sawara壽司」質感猶如鰤魚般爽厚肥潤,掂!

8)      成晚最多功夫必數即場處理生猛狂跳嘅竹籤蝦!活潑嘅蝦隻於冰鎮冷靜過後就以竹籤串起,隔咗一陣先由大師傅親自去殼、挑腸、並握成壽司。「竹籤蝦壽司」超級爽彈清甜,屬整餐之最

9)      已塗上醬油嘅「海膽壽司」鮮濃嫩滑,不過可能係自己俾香港相熟嘅師傅們竉慣,硬係覺得份量唔夠澎湃咁

10)  色澤粉嫩嘅「大卜口壽司」紋理鮮明,半溶於舌上,鮮味迅即洋溢口腔!

11)  微微燒過嘅「赤鯥壽司」厚潤肥美,鮮甜可口。

12)  竹籤蝦蝦身就做咗「竹籤蝦壽司」,其頭尾就交由廚房炸煮。雖則師傅話蝦頭及蝦尾可連殼吞落肚,無奈食落勁多渣,唔係咁吞得囉

13)  「赤貝壽司」不單外表橙亮有光澤,咬落更加係爽潤有彈性,滋味無窮!

14)  第一次接觸嘅銀皮「慈魚壽司」魚肉白裡透紅,唔知係魚味偏淡,定係師傅調味時重手咗少少,細佬只係食到成口薑嘅辣味。。。

15)  只屬和暖嘅「麵豉湯」味道偏咸,甚為失色。

16)  「蜆壽司」味道香甜就夠香甜,不過有點好奇怪,蜆隻一半爽嫩,另一半則嚡韌有渣,質素好似唔係咁得

17)  幾件吞拿魚壽司中唯有此味溶溶爛爛嘅「火灸吞拿魚壽司」賣相最唔得,亦相信讀者們單憑照片都唔會估到係酒店餐廳嘅出品,仲要係名牌酒店「Keio Plaza Hotel」!XO仔見狀頓即覺得師傅除咗有敷衍遊客之嫌,對自己更加係毫無要求,令人失望透。

18)  壽司餐可以話越食越差,即使小肥一向怕骨唔食鱔,兩件「穴子壽司」都係轉讓俾旁邊嘅姨丈,但都講得出穴子切得同燒得都幾有問題吓。

19)  姨丈講得都幾有道理,食完幾件味重嘅壽司後先上件未有調味嘅「中卜口壽司」,即使係靚魚都已經食唔得出其鮮與甜,可算係設計及舖排嘅失誤。

20)  四色卷物外型唔係太靚,但幸好味道正正常常,十分爽脆。

21)  食得出「蛋蛋」方磚啱啱喺雪櫃拎出黎,溫度凍而且硬身,吃畢直教人繼續搖頭。

22)  反而壓軸嘅「紫蘇蘿蔔卷」巧薄清新,芳香爽甜,更可一解膩感,清新消滯。

貴為酒店壽司屋嘅「銀座久兵衛 京王プラザホテル店」環境優雅衛生,壽司吧位不能稱得上舒適,這卻只是其中一個敗點。服務生並非無禮,但酒店級高傲之態度實在令人吃不消,場內只有師傅們最為平易近人。聖誕佳節之壽司晚餐「久兵衛御夕食」竟然質量參差,部份賣相更加係難以說服源自酒店餐廳手筆,講真連鎖店都唔會見到咁驚嚇,這種不偽裝的敷衍平均每人要兩萬円也太過份了吧
每人消費: 約19800日圓 (晚餐)
評分: 味道3   服務2   環境3   衛生5   抵食1
  0 個留言    |  加入你的留言
Handsome XO
117篇遊記
2018年聖誕遊東京 (日本)
(旅程日期: 2018-12-23 至 2018-12-28 ,  旅程性質: 飲食購物)
 整個旅程  (共6篇遊記)
 分享至Facebook 
發表日期: 2020-12-10

2018年聖誕東京之平安夜

1224日(

多次入住「東京凱悅酒店」(Hyatt Regency Tokyo)都會喺會所層食早餐,今次由於住客過多,會所層早就爆滿,八人就決定一嚐酒店餐廳「日本料理 佳香」嘅日式自助早餐,感覺都唔錯。團友雖然全部都係一家人,但口味始終不一,午餐就分成兩組,怕骨組約咗哥哥個靚女朋友一齊去「日本橋 紫苑」食翅翅,其餘嘅就跟大姨媽去「瓢六亭」食鰻魚餐。當日嘅濕平活動高潮必數精品天堂「東京駅一番街」(Tokyo Character Street),買咗兩個鐘都嫌唔夠喉咁!平安夜晚餐好非一般地於人氣榜熱店「東京肉しゃぶ家」渡過,可謂肚滿腸肥的一天
餐牌
餐牌
日本料理 佳香
日本料理 佳香
禪式石池及靚花擺設
禪式石池及靚花擺設
自助餐飲
自助餐飲
自助餐飲
自助餐飲
燒魚及熱粥
燒魚及熱粥
熱粥
熱粥
和式自助早餐
和式自助早餐

東京凱悅酒店」房費所包嘅早餐券適用於酒店三樓之「日本料理 佳香」,早上七至十時可享用和式自助早餐(原價3,100円/大人;連稅3,683円/大人)。

日本餐廳以木為主嘅間隔感覺十分溫和舒適,室內外可見簡樸嘅屏風、禪式石池及靚花擺設,雅致得很。聖誕期間,店內坐滿食客,為怕影響他人,細佬不便於用餐區內隨便拍照。團友們未能一齊坐,不過都被安排入座鄰近嘅二至四人散座。

和式早餐每人包咗一客燒魚、麵豉湯及飯或

1)      燒魚皮層香脆,不過就勁多骨,對XO仔黎講實在係太高難度啦

2)      麵豉湯清香暖胃。

3)      粥品上枱前都係用火煲住嘅。大大碗白粥熱辣辣,而且軟綿綿。

自助餐飲區內有不少送粥嘅濃味配料,包括漬物、關東煮,當中個人鍾情食獅子狗卷。健康之選有生果、果汁、乳酪、清水。其餘有香腸、煙肉、雜菜、炒蛋、沙律等。熱食中最有驚喜就係芳香無比、爽潤巧脆嘅天婦羅舞茸菇,送一流!

日本料理 佳香」優雅潔淨,服務生客套友善,和式自助餐豐富味佳。
推介菜式: 天婦羅舞茸菇,白粥,乳酪
每人消費: 約3683日圓 (早餐)
評分: 味道4   服務5   環境5   衛生5   抵食3
日本橋 紫苑
日本橋 紫苑
通往用餐大堂之走廊
通往用餐大堂之走廊
餐牌
餐牌
餐牌:節令水魚料理
餐牌:節令水魚料理
Moët & Chandon Rose Imperial Half Bottle (9,180円)
Moët & Chandon Rose Imperial Half Bottle (9,180円)
北京水餃(648円)
北京水餃(648円)
紅燒排翅毛鹿鮫(21,600円/位)
紅燒排翅毛鹿鮫(21,600円/位)
杏仁豆腐(756円/位)
杏仁豆腐(756円/位)

講真遊日本絕少會揀中餐食,因為個心總覺得日本版嘅中華料理唔可以同香港食到嘅媲美。機緣巧合下,於家庭聚會中跟叔公嬸婆坐埋一枱,大談食經時得知兩位長輩每次去東京玩都必定要訂位去「日本橋 紫苑」食翅翅,肥肥家族聽到流哂口水,所以就決定去見識吓

餐店位於日本橋三越本店新館十樓。正月將近,接待處旁展出多款迎春精美禮盒。店子設有兩間私人廂房,分別可容納八人及十二人。樓底雖然唔算高,不過勝在有地毯吸音,厚墊椅櫈亦十分舒適,個人只係略嫌冬天嘅暖氣過強,越食越熱。四人被安排入座用餐大堂靜靜嘅一角,半邊為梳化。舖有白色枱布嘅餐桌上簡單擺有自用餐巾及筷子,埋位續一派上熱毛巾,衛生潔淨。

適逢平安夜,午餐就點咗樽細粉紅色香檳碰碰杯。有一點好奇怪,就係香檳開咗後就一直放喺枱上,未有放入冰桶保凍,喺二十多度高溫下迅即變暖;此外,成餐飯都冇服務生為三人斟添酒品,結果要自己黎,感覺好似唔係太專業囉!唔想咁早飲酒嘅哥哥就叫咗壺台灣清香凍頂鳥龍茶(540円/位)。

厚本餐牌中、英、日對照,推介菜式更附有彩圖。最意外就係遇上水魚節,有成頁咁多嘅水魚菜式,小肥喺香港都未見過。出門前得到叔公同嬸婆教路,午餐每人只需點一份「紅燒排翅毛鹿鮫」(21,600円/位)已經夠哂飽。以鐵鍋滾住上枱嘅「紅燒排翅毛鹿鮫」比細佬個頭還要大,賣相震撼到連附近嘅食客都忍唔住要八吓四口子食緊乜,認真唔講得笑!大大梳靚翅不僅熱力十足,而且每份都係咁厚身,實屬勁量級!翅翅質感半腍半爽,芬芳潤滑,紅燒湯底鮮濃甜美,極品也!請留意,貴客可另加2,160円由上湯底轉為蟹湯底,不過哥哥同媽咪都話原味更出色。

高級中菜廳「日本橋 紫苑」環境優雅潔亮,紅燒排翅高質量足,唯一服務生態度欠缺熱誠,不甚體貼,以每人平均消費二萬五千円黎講,抵食一環變相被大打折扣。
推介菜式: 紅燒排翅毛鹿鮫
每人消費: 約25299日圓 (午餐)
評分: 味道4   服務2   環境4   衛生5   抵食3
JR東京站
JR東京站
東京駅一番街
東京駅一番街
搞笑鬼太郎小食禮盒
搞笑鬼太郎小食禮盒
鬆弛熊精品店
鬆弛熊精品店
鬆弛熊精品店:戰利品
鬆弛熊精品店:戰利品
鬆弛熊精品店:抵玩扭蛋
鬆弛熊精品店:抵玩扭蛋
P助限定商品
P助限定商品
P助精品
P助精品

靚靚媽咪同姨媽們愛購物,不過除咗衫褲鞋襪之外,最令大家瘋狂嘅都要數卡通精品,嘻嘻,依方面XO仔絕對遺傳到佢地啲基因呀!家人畢竟不同年代出生,陪著長大嘅卡通人物亦好唔一樣,上網找尋購物熱點時竟然俾細佬發現東京車站內原來有條「東京駅一番街」(Tokyo Character Street),有齊大家心儀嘅蠟筆小新鬆弛熊Hello Kitty比卡超龍貓P等角色嘅精品店,就連外國代表史努比自己都有個Snoopy Town!食嘅、擺嘅、玩嘅乜都有,款式琳瑯滿目,特價貨品同扭蛋抵過香港多多聲,絕對稱得上為精品天堂!買夠五千円仲可以憑護照退稅,不過大家要記緊於購物前先去服務櫃檯登記及索取「免稅收理單」哦!

推介項目: 購物
參觀時段: 下午
評分: 值得去5  
歡樂時光 笑臉2020-12-10
酒酒
酒酒
小食拼盤
小食拼盤
小食拼盤
小食拼盤
Suntory日本天然水
Suntory日本天然水
闊別兩年,「東京凱悅酒店」(Hyatt Regency Tokyo會所層酒廊嘅間隔冇乜大轉變,都係咁光鮮潔淨,闊落舒適。反而服務生人數多咗,所提供嘅餐飲亦明顯有所加強。歡樂時光每位客人都有一份小食拼盤送酒,酒品選擇多咗日本清酒、粉紅汽酒等,數量估計係從前嘅兩倍,睇黎酒店生意增長不少。
評分: 味道4   服務4   環境5   衛生5   抵食4
東京肉しゃぶ家(Tokyo Niku Shabuya)
東京肉しゃぶ家(Tokyo Niku Shabuya)
環境及店主兼主廚高忠伸先生
環境及店主兼主廚高忠伸先生
十四代日本清酒(1,250円/盒)
十四代日本清酒(1,250円/盒)
廚師發辦聖誕大餐(22,000円/位)
廚師發辦聖誕大餐(22,000円/位)
廚師發辦聖誕大餐(22,000円/位):涮涮鍋
廚師發辦聖誕大餐(22,000円/位):涮涮鍋
廚師發辦聖誕大餐(22,000円/位):涮涮肉
廚師發辦聖誕大餐(22,000円/位):涮涮肉
廚師發辦聖誕大餐(22,000円/位):香箱蟹及香箱蟹飯
廚師發辦聖誕大餐(22,000円/位):香箱蟹及香箱蟹飯
廚師發辦聖誕大餐(22,000円/位)
廚師發辦聖誕大餐(22,000円/位)

第一次喺東京過聖誕節,平安夜就一反傳統地棄選西餐,於日本名飲食網「食べログ」(Tabelog)度揀咗間超高評價3.95分(最高4分)嘅「東京肉しゃぶ家」(Tokyo Niku Shabuya)食日式涮涮鍋,一於烚吓烚吓咁過

餐店木造嘅門面有射燈照明,於街道上十分起眼,只係外國人未必識睇其日文嘅招牌。小店一眼睇哂,只有十二個圍繞住師傅大舞台嘅吧位,光亮簡潔,晚市要分兩輪都合情合理。裝潢中最可愛就係牆上一幅著住和服嘅狗仔畫像。細問下,得知講得一口流利國語嘅店主兼主廚高忠伸先生為韓日混血兒,2016年創立嘅店舖為與太太之愛情結精,通往廚房通道之紅白門簾正正印上二人嘅芳名,濃情厚愛盡在不言中

飲品選擇中,日本清酒九成九都只可以續杯叫,姨媽們見係聖誕節就決定豪啲飲十四代(1,250円/盒),可惜酒品唔知開咗幾多日,飲落當中應有之酒味已經揮發咗大半。聖誕期間,餐廳只提供一款廚師發辦聖誕大餐,每位22,000円,另加8%稅,訂座時必先預繳五成訂金:

1)      為平安夜晚餐作序嘅兩片薄切牛脷色澤粉嫩,輕輕燒過足以令其質感鬆爽軟潤,用金碟承載更顯佳節盛宴貴氣十足。

2)      同樣以金盤呈上嘅兩件北海道 ニシン(Nishin)魚籽刺身顏色同口感都一樣咁清新,不用點上調味已夠鮮爽。

3)      另配嘅牛尾湯好暖胃,不過就有少少嚡同粉,唔係咁啱小弟口味

4)      和牛海膽卷橙紅嘅配搭十分鮮艷,一口食落去,黏上甜豉油和牛薄片海膽刺身同時化於舌上,兩款海陸主材嘅芳香及鮮甜慢慢滲進味蕾,美妙極

5)      或許係個人對牛尾嘅偏見,XO仔覺得清燉牛尾雖然好夠腍,不過其肉質及湯底均偏油膩同唔係咁夠味,反而頂面點綴嘅蔥絲勁清爽惹味。

6)      不知不覺已經食到第六道菜,唔講真係未必睇得出熱食嘅三款主材咁猛料,包括魚翅鮑魚海膽,咪即翅鮑膽?!舖面嘅一梳梳魚翅爽脆非常,撥開先見到魚翅塔原來以厚潤彈牙嘅鮮鮑及嫩滑嘅海膽墊底,組合口感豐富,鮮美可口。

7)      正當細佬以為翅鮑膽屬重頭戲,點知跟住上場嘅香箱蟹再另起高潮,因為席上嘅長輩全為蟹痴。嘻嘻,拆蟹重任當然係師傅預先做啦!已去殼嘅香箱蟹肉橙白艷麗、幼嫩柔軟、鮮甜無比,底層嘅碎柳混入橙美嘅蟹膏蟹籽即增強厚潤濕脆,正蟹確真無懈可擊

8)      既然店名「東京肉しゃぶ家」用上「肉しゃぶ」(Niku Shabu)而起,理應為其專長,海陸大餐亦不可缺少涮涮肉靚肉上枱前先要擺好嗰陣,滾熱辣嘅火鍋每二人一組,調味芝麻醬酸汁蔥碎蘿蔔蓉薑蓉則每人一份,設備及配料都係咁齊全,絕對講究,且衛生非常。三款肉品為不同部份之和牛,單憑其獨特嘅紅白紋理已睇得出油脂分佈及比率有所不同。下圖中最多雪花嘅和牛薄片每人一大塊,半溶於口,係一種充滿犯罪感嘅美味!件數最多嘅牛脷因切得夠薄,於滾湯中拖兩拖已夠熟,入口軟腍帶微微韌度,同頭盤輕輕燒過嗰兩片牛脷完全唔同。最後兩件和牛看似厚身,但烚完縮埋水後就剛剛好,咬落肉質超級柔順軟滑,每個部位都各有特色。除咗和牛之外,涮涮鍋環節每人仲有一杯仔正菜雜菌,每款均芳香輕盈。

9)      肉食中壓軸上陣嘅和牛壽喜燒拌蛋黃泡泡外表鮮黃亮麗,夠哂搶眼!經過蛋黃泡泡洗禮嘅和牛壽喜燒尤其芬芳香滑,咀嚼時壽喜燒甜味慢慢散發進口腔,真係甜到笑架

10)  單尾嘅一碗清湯麵品十分暖胃。

11)  其實食完碗麵大家都已經攬住個肚肚話飽,誰不知結尾仲有個香箱蟹飯,師傅攞個蟹煲show quali嗰一刻也太震撼同吸引了,順便提及到飯品混入咗醋醋可有助消滯,XO仔心諗幾大就幾大啦,放緊假一於去盡佢,飽極都要騰出空間食多碗香箱蟹飯飯底粒粒飽滿肥潤,以香箱蟹肉蟹膏蟹籽撈製,集齊爽脆鮮嫩清甜於一身,正到暈呀

小店「東京肉しゃぶ家」簡潔企理,由友善好客嘅店主兼主廚掌舵,氣氛輕鬆溫馨,平安夜之廚師發辦和式海陸大餐精美豐盛,用材上盛,海鮮和牛菜式均質高味佳,能於短短開業兩年間成為網紅熱店,絕對係實至名歸!
推介菜式: 香箱蟹飯,和牛壽喜燒拌蛋黃泡泡,和牛海膽卷,薄切牛脷,香箱蟹
每人消費: 約26800日圓 (晚餐)
評分: 味道4   服務5   環境4   衛生5   抵食3
  0 個留言    |  加入你的留言
Handsome XO
117篇遊記
2018年聖誕遊東京 (日本)
(旅程日期: 2018-12-23 至 2018-12-28 ,  旅程性質: 飲食購物)
 整個旅程  (共6篇遊記)
 分享至Facebook 
發表日期: 2020-09-29

2018年聖誕東京

近年每逢姨媽們返港,都會順道停多個國家,方便肥肥家族會合並一同玩個短途旅遊,2018年尾三家人就喺東京過咗個令肚仔都一齊咁難忘嘅聖誕節

 

1223日(

旺季嘅機票非常緊張,幸好六天遊都搵到位乘搭「全日空航空公司」去東京羽田機場。NH 860航班下午兩點半由香港出發,中午到達機場辦理好手續後就先去咗星空聯盟轄下嘅「新加坡航空銀刃貴賓室」佗佻地午膳及候機。飛機準時起飛及到達,不過最唔好采就係等到行李出哂都唔見大肥爸爸嗰件,結果唯有向機場職員報案,希望航空公司可以代勞搵得返。

家人慣性地入住「東京凱悅酒店」(Hyatt Regency Tokyo),今次亦不例外。由於難以掌握各人嘅抵達時間,晚餐就約好咗喺酒店附近間樓上居酒屋「北の味紀行と地酒 北海道」(簡稱「北海道」)度邊食邊等,意外地食物嘅質量唔差且價錢唔貴,長輩都好滿意。適逢姨丈壽辰,小肥同哥哥當然係早就安排咗份驚喜啦,飯後返酒店即一齊上咗佢間房吹生日蛋糕
聖誕貴賓室 ok喇2020-09-29
銀刃貴賓室極富聖誕氣氛
銀刃貴賓室極富聖誕氣氛
飲品區及酒吧;限定聖誕雞尾酒
飲品區及酒吧;限定聖誕雞尾酒
自助食物區
自助食物區
自助食物區
自助食物區
即叫即煮「叻沙」及「雲吞湯麵」
即叫即煮「叻沙」及「雲吞湯麵」
燒賣、雞翼
燒賣、雞翼
自家製豆腐花
自家製豆腐花

全日空航空公司」於香港國際機場並無設置貴賓室,商務及頭等艙搭客可選擇享用其星空聯盟伙伴嘅三個貴賓室,亦即「泰國國際航空皇家風蘭貴賓室」(Thai Airways Royal Orchid Lounge)、「聯合航空貴賓室」(United Club)、「新加坡航空銀刃貴賓室」(Singapore Airlines SilverKris Lounge)。多得櫃檯位姐姐提點,肥肥家族最終決定採納佢意見,揀去最近嘅「銀刃貴賓室」,好等同行嘅長輩行少啲路

比起機場內其他地方,貴賓室嘅樓底偏矮,不過勝在面積夠大,可容納多位旅客,厚墊椅櫈都好舒適。最開心就係見到四周嘅聖誕樹、薑餅屋、雪人等佈置,洋溢著濃烈嘅聖誕色彩。室內可免費上網,亦有報紙及雜誌任睇,不過爛飲嘅XO仔第一站就梗係去酒吧啦!中午時份飲客不多,小肥可任影唔嬲。眼見聖誕節有限定品Christmas Sangria,所以就試咗杯同雪人對飲,可惜雞尾酒過甜且酒味唔香,組合幾上頭吓,不喝也吧

除咗接待處之外,場內嘅服務生不多,餐飲都係自助式為主。飲品區凍熱飲齊備,有水、咖啡、奶、茶包、果汁、汽水、啤酒等。自選食物嘅種類都好多,包括沙律、點心、中湯、西湯、飯、意粉等。個人主攻燒賣同雞翼,質素一般,但似乎屬最安全之選。熱食中嘅「叻沙」及「雲吞湯麵」均即叫即煮,製作需時約五至十分鐘,另有配料供食客自己後加。細佬因敏感問題唔敢食叻沙,不過都有記錄到姨丈嘅食後感想:「蝦就冇乜味,啲麵就腍咗啲,豆卜爽口,湯底唔會話好辣,椰香味好濃,整體算唔錯。甜品除咗有大路嘅雪糕同生果之外,仲有白果腐竹雞蛋糖水,個人因嫌棄糖水賣相唔係好得,望落去好似好稀咁,所以冇擔試。最搶手嘅就係自家製豆腐花」,可惜XO仔見到時已經冇哂,希望下次有機會品嚐。

香港國際機場內嘅「銀刃貴賓室」位置離出境檢查大堂非常近,尤其方便。貴賓室面積廣,座位多,感覺衛生,且極富聖誕氣氛。自助餐飲有多款選擇,酒品一環較弱,食物質素冇乜驚喜,屬一般貨色。
評分: 味道3   服務3   環境4   衛生4   抵食3
文化交匯點 ok喇2020-09-29
聖誕老人
聖誕老人
聖誕女郎戴歌戴舞
聖誕女郎戴歌戴舞
香港飲食文化篇之大排檔
香港飲食文化篇之大排檔
Hong Kong Food Culture - Dai Pai Dong
Hong Kong Food Culture - Dai Pai Dong
香港國際機場寬廣開揚,冷氣足,商店及餐廳光鮮企理,洗手間都十分衛生。場內最特別就係有個假大排檔,介紹香港飲食文化;撞啱聖誕節外遊巧遇聖誕老人及一群聖誕女郎戴歌戴舞,正好黎個中西交
參觀時段: 下午
評分: 值得去3  
全日空NH 860:「夢幻客機」B787型號班機之商務機艙
全日空NH 860:「夢幻客機」B787型號班機之商務機艙
NH 860:餐前香檳配日式米餅小食
NH 860:餐前香檳配日式米餅小食
NH 860:餐牌
NH 860:餐牌
NH 860日餐:便當內含冷盤小菜及小缽紫蘇豆腐
NH 860日餐:便當內含冷盤小菜及小缽紫蘇豆腐
NH 860日餐:便當內含冷盤小菜及小缽紫蘇豆腐
NH 860日餐:便當內含冷盤小菜及小缽紫蘇豆腐
NH 860日餐:紅燒豬肉及白飯
NH 860日餐:紅燒豬肉及白飯
NH 860日餐:雪糕
NH 860日餐:雪糕
NH 860日餐:熱咖啡
NH 860日餐:熱咖啡

全日空NH 860選用「夢幻客機」B787型號班機,商務機艙嘅藍白設計光鮮衛生,獨立式座位超級闊落,除咗可拉出一張伸縮餐桌之外,椅櫈其中一邊仲有張茶几,空間夠又好用。而且椅背腳踏延伸控制、影音系統、連窗簾開關均全電動化,高科技容易操作,質素又高,姨媽最欣賞就係全程機覺得尤其安靜及平穩,舒適得很

機艙服務員態度和藹,有求必應。細問下得原來全日空嘅厚本餐牌係每季出一次,每次會印出幾個月不同班次嘅餐飲詳情,但由於內容隨時會變,故以網上公佈嘅最為準確,點菜時亦會由服務生直接與乘客講解,專業貼身嘅同時感覺十分環保。飛機起航冇耐先有餐前香檳日式米餅小食送好戲,接著嘅輕膳XO仔就揀咗「日餐」。和式料理以便當呈上四款冷盤小菜及小缽,當中以紫蘇豆腐最輕盈可口;主菜紅燒豬肉爽厚潤滑,帶甜嘅調味相當討好,甜品有名牌雪糕,飛機餐黎講都算係偏好食嘅。
評分: 味道4   服務5   環境5   衛生5   抵食4
東京凱悅酒店
東京凱悅酒店
東京凱悅酒店:大堂
東京凱悅酒店:大堂
東京凱悅酒店:大堂聖誕花
東京凱悅酒店:大堂聖誕花
東京凱悅酒店:雙人房「2 Twin Beds with Club Access」
東京凱悅酒店:雙人房「2 Twin Beds with Club Access」
東京凱悅酒店:雙人房「2 Twin Beds with Club Access」
東京凱悅酒店:雙人房「2 Twin Beds with Club Access」
Regency Club Lounge詳情
Regency Club Lounge詳情
巴士站
巴士站
免費穿梭巴士來往新宿車站
免費穿梭巴士來往新宿車站

家人遊東京總入住東京凱悅酒店」(Hyatt Regency Tokyo,因對其寬敞企理嘅房間及設備有信心嘅保證,加上會所層嘅Regency Club Lounge冇咁擠迫,除咗早餐之外,全日都有輕膳提供,歡樂時光更不乏酒品,早已深得長輩歡心。酒店於限定時間有免費穿梭巴士來往新宿車站,區內嘅購物中心已夠姨媽們買個夠,要前往其他區域嘅交通亦方便得很。

雙人房2 Twin Beds with Club Access寬敞衛生,空調充裕,大牀舒服,浴室亦光猛潔淨,日用品及茶等應有盡有,配套十分齊全。大家要留意,六十二歲或以上之貴客均可享長者折扣優惠

個人最欣賞就係酒店嘅服務,喺門口搭的士,哥哥仔落力又好禮貌。此外,為怕訂座時會發生言語溝通問題,入住前小肥先以電郵跟酒店職員聯系,找其代打電話,嘻嘻,唔洗獻醜講啲唔咸唔淡嘅日文,又可以慳返啲長途電話費,可謂一舉兩得
評分: 設備4   服務4   環境5   衛生5   抵住3
高層居酒屋 笑臉2020-09-29
北の味紀行と地酒 北海道 新宿アイランドタワー店
北の味紀行と地酒 北海道 新宿アイランドタワー店
電子點餐系統
電子點餐系統
餐牌
餐牌
北の黃金雞、朝日啤酒、蟹チャーハン、黃金雞雞肝
北の黃金雞、朝日啤酒、蟹チャーハン、黃金雞雞肝
海の惠み彩りサラダ、栃尾揚げ 山わさび添え、枝豆
海の惠み彩りサラダ、栃尾揚げ 山わさび添え、枝豆
海鮮塩焼きそば、串燒き盛り合わせ7点、夢の大地の餃子
海鮮塩焼きそば、串燒き盛り合わせ7点、夢の大地の餃子
冷やしトマト、蟹味噌グラタン、茶碗蒸し、ずわい蟹天麩羅
冷やしトマト、蟹味噌グラタン、茶碗蒸し、ずわい蟹天麩羅
塩ラーメン、醤油ラーメン、味噌ラーメン
塩ラーメン、醤油ラーメン、味噌ラーメン

北の味紀行と地酒 北海道」(簡稱「北海道」)位於飲食購物中心「Shinjuku i-LAND Tower 」44樓高層,六點後有專𨋢直達,十分方便

步出升降機門,已聽到店內客人飲到興高采烈嘅聲浪,歡樂氣氛洋溢。可能見同行嘅全為六、七旬長者,八人派對就被安排入座私人廂房,空間感足。

居酒屋文化,第一時間就係叫生啤飲(朝日啤酒:930円/大杯;590円/中杯)!餐桌整潔企理,埋位每人先有一條熱毛巾,餐具全為自助式。最型就係個電子點餐系統,有彩圖參考之餘,仲有中、英、日、韓,四種語言可選。居酒屋絕對冇玩年齡歧視,同時亦有提供紙版酒牌及餐牌。

1)      北の黃金雞(690円):炸至金黃嘅雞件皮層乾巧香脆,雞肉幼嫩,屬送酒佳品

2)      海の惠み彩りサラダ(1,390円):色彩鮮艷嘅海鮮沙律其實係什錦刺身沙律,另配山葵豉油。沙律嘅什菜鮮爽,幾款刺身則不過不失。

3)      ずわい蟹天麩羅(1,390円):松葉蟹天婦羅層炸皮輕巧鬆脆,反而個松葉蟹食落唔係咁幼嫩,偏咗少少嚡口,席上嘅蟹王蟹后都有少少失望,所以試咗一客就冇再追加。

4)      北の黃金雞 塩レバー(530円):此道黃金雞雞肝喺厚本餐牌上並冇列出,只係XO仔撳撳吓個電子餐牌無意間發現。簡單以芽菜點綴嘅黃金雞肝清香肥潤,完全唔乾唔嚡,連埋啲配料食落即增添爽脆,絕對係極品

5)      枝豆(490円):枝豆正正常常,冇乜驚喜。

6)      冷やしトマト(530円):蕃茄迷爸爸大讚冰鎮蕃茄爽甜多汁。

7)      栃尾揚げ 山わさび添え(590円):新潟名菜栃尾油炸豆腐以山葵醬作餡,食落有啲似咸味嘅雪芳蛋糕咁,個人略嫌炸豆腐偏乾同嚡,唔得鬆爽。

8)      夢の大地の餃子(690円):平心而論,餃子嘅質量其實同大家喺超市買到嘅版本差唔多,皮夠薄,不過個底就硬咗少少,唔夠脆卜卜。

9)      海鮮塩焼きそば(790円):炒麵嘅油麵底韌彈牙唔油膩,不過海鮮配料就好似少咗啲,如果可以加啲椰菜或紹菜,相信效果會更爽脆。

10)  蟹味噌グラタン(880円):意日混血嘅味噌焗蟹砵熱力十足,味道香濃,但真係唔食得多,因為都幾溜

11)  串燒き盛り合わせ7(1,490円):八人點咗兩客七式串燒拼盤,上枱時先發現原來拼盤上嘅七款串燒並非鎖定,而係落單時任由廚房揀選。串燒中以雞皮最為香脆惹味,其餘嘅秋葵串清新爽潤,雞肉串好夠肉汁,雞翼都好香口。

12)  食咗多款小食,長輩們都要有啲飯麵落肚先滿足。拉麵只有細碗份量,湯底分別有鹽味(塩ラーメン)、醬油味(醤油ラーメン)、麵豉味(味噌ラーメン),三款口味均590円,結果當然係三款叫齊啦!

13)  蟹チャーハン(890円):相比起下,蟹肉炒飯比拉麵更有睇頭!金黃色嘅炒飯底粒粒飽滿香潤,撈入蔥碎蟹肉絲,口感即變幼嫩爽脆及鮮甜

14)  茶碗蒸し(490円):細細碗日式燉蛋輕盈軟滑,清新甜美,窩心暖胃。

連鎖日式居酒屋「北の味紀行と地酒 北海道」環境簡潔企理,氣氛好,服務生態度友善且效率高,送酒美食份量適中,質素不俗,最緊要係價格親民,不妨一試!
推介菜式: 北の黃金雞、冷やしトマト、北の黃金雞 塩レバー、蟹味噌グラタン、蟹チャーハン、茶碗蒸し、串燒き盛り合わせ7点
每人消費: 約3332日圓 (晚餐)
評分: 味道4   服務4   環境4   衛生4   抵食4
Christmas Strawberry Cake
Christmas Strawberry Cake
Christmas Strawberry Cake
Christmas Strawberry Cake
餐具
餐具
Christmas Strawberry Cake
Christmas Strawberry Cake

由於抵步當日就係姨丈生日,因難以估計航班會否延誤,XO仔又想搞吓氣氛喎,所以就預早經入住嘅「東京凱悅酒店」(Hyatt Regency Tokyo)於其餅店「Hyatt Regency Tokyo Pastry Shop」訂咗個蛋糕,並安排晚上十一點半送上長輩房間。

聖誕節期間,西餅店只有一款草莓蛋糕Christmas Strawberry Cake」可選,連稅每個單售2,970円,加朱古力牌要另收238円。酒店職員準時將蛋糕,連同蠟燭、八份餐具及開水推進房間,整潔衛生,而且十分周到聖誕草莓蛋糕造型簡單精美,每個角度都可以清楚睇到粒粒士多啤梨,層次分明得很。真材實料嘅草莓蛋糕入口香滑鬆軟,鮮甜輕巧,絕對係好睇又好食
推介菜式: Christmas Strawberry Cake
每人消費: 約3208日圓 (宵夜)
評分: 味道5   服務5   環境5   衛生5   抵食5
  1 個留言    |  加入你的留言
Michael Ballack
9篇遊記
東京hea 遊之旅 (日本)
(旅程日期: 2018-12-06 至 2019-03-10 ,  旅程性質: 背包旅遊)
 整個旅程  (共1篇遊記)
 分享至Facebook 
發表日期: 2019-04-06
食買hea 之旅~
Omakase 笑臉2019-04-06
早上8:30竟然一個人都無排隊~
早上8:30竟然一個人都無排隊~
首先會給酸羌和麵豉湯,酸羌, 中拖羅, 魷魚
首先會給酸羌和麵豉湯,酸羌, 中拖羅, 魷魚
壽司大就很多人排隊~
壽司大就很多人排隊~

http://tsukiji-sushidai.com/

6 Chome-3-2 Toyosu, Koto, Tokyo 135-0061日本 〒135-0061 東京都江東区豊洲6丁目3−2

早上九點左右去到豐州, 先去大和壽司睇下要否排隊, 竟然一個人都無, 現在的大和壽司在豐州是在另一邊, 而不是在壽司大那邊咁旺~既然無人排隊就入去啦~

是次叫左Omagase 套餐 4680 yen , 首先會給酸羌和麵豉湯, 玉子燒, 酸羌很美味, 不會太辣很開胃, 師傅就在我面前預備, 他問我是什麼人, 之後就講左好多食物既廣東話,  很Nice 的~首先來件吞拿魚中拖羅, 因早上未食早餐, 極之肚餓, 很快便鯨吞入口, 很厚切肥美, 再來魷魚, 這個就很薄身, 很易就能咬開,  之後有我最喜歡的海胆, 很新鮮的海胆, 不會是水狀,  赤蝦, 很厚身的蝦肉,  外表很新鮮, 食落很爽,  油甘魚,  普通, 可能我平時不是喜歡食油甘魚~  3 件吞拿魚小卷, 2件三文魚籽小卷,  細細件容易入口,  亦很鮮味~  燒鰻魚,   是我食過最好食既鰻魚,  咬入口很軟, 醬汁很好味,  開始飽了,  食得開始慢了, 所以師傅問”飽未”, 因我還想試帶子, 所以就未飽, 他就再製作帶子,  吞拿魚  給我,  食完這兩舊之後, 真係飽了, 師傅再 問”飽未”, 今次要點頭了~完滿

推介菜式: Omakase
每人消費: 約4680日圓 (早餐)
評分: 味道5   服務5   環境4   衛生4   抵食4
龍蝦包 ok喇2019-04-06
龍蝦包
龍蝦包

http://www.lukeslobster.jp 
 
〒150-0001 東京都渋谷区神宮前6丁目7−1

 個包入面是很多龍蝦肉, 都有鮮味, 不過面頭的粉末就不知是什麼, 感覺很咸和怪怪地, 唔落可能會更好~~

每人消費: 約1058日圓 (下午茶)
評分: 味道4   服務3   環境3   衛生3   抵食3
雞蛋沙律包 280yen, 熱朱古力 390yen
雞蛋沙律包 280yen, 熱朱古力 390yen

 http://www.excelsiorcaffe.com

 〒103-0028 東京都中央区八重洲2丁目1

一早在東京站搭車, 這間店早上7:00便營業, 叫了一個雞蛋沙律包 280yen, 熱朱古力 390yen, 簡單的早餐也很清新好味~

 
每人消費: 約670日圓
評分: 味道4   服務4   環境4   衛生4   抵食4
鐮倉 笑臉2019-04-06
鐮倉駅
鐮倉駅
鐮倉包布 (日本製)
鐮倉包布 (日本製)
豆柴cafe
豆柴cafe
小町通入口
小町通入口
JR 鐮倉江之島通票 (一天任搭) 700yen
JR 鐮倉江之島通票 (一天任搭) 700yen
鐮倉高校前  かまくらこうこうまえ
鐮倉高校前 かまくらこうこうまえ
極樂寺 ごくらくじ駅
極樂寺 ごくらくじ駅

從東京駅坐JR 到鐮倉約一小時左右 (918yen), 到鐮倉後感覺四周很古舊, 很似京都的感覺,  車駅附近也有租和服的店舖, 附近已是小町通, 有很多小商店售買日本的手信美食~

鐮倉江之島電鐵, 通常都會買一 張  JR 鐮倉江之島通票 (一天任搭) 700yen 很抵~

首先來到極樂寺 ごくらくじ駅, 純粹好奇睇下呢個站而落車, 極樂寺就在車駅行上去5mins 便是~再到下一個景點~

鐮倉高校前  かまくらこうこうまえ, 這個很出名的景點就是男兒當入樽的片頭場景, 很多人就是爭相影火車經過海邊既呢一張相~每隔5-8mins 左右就會有火車經過, 不過火車是不會停下, 所以大家都要把握個幾秒捕捉~再到下一個景點~江之島駅~

評分: 值得去5  
吻仔魚腐皮飯卷
吻仔魚腐皮飯卷
鐮倉小町通周邊龍貓產品小店
鐮倉小町通周邊龍貓產品小店
鐮倉小町通周邊包布
鐮倉小町通周邊包布
鐮倉小町通周邊小店
鐮倉小町通周邊小店
鐮倉車駅內土產小店
鐮倉車駅內土產小店
鐮倉車駅內土產
鐮倉車駅內土產

 http://www.maru-han.co.jp              

 〒248-0006 神奈川県鎌倉市小町1丁目5−27 カトレヤビル

鐮倉小町通街頭小食, 吻仔魚腐皮飯卷, 是熟的吻仔魚, 甜甜地, 不過就掩蓋了吻仔魚的味道~ 等同食腐皮卷壽司~

每人消費: 約300日圓
評分: 味道3   服務3   環境3   衛生3   抵食3
江之島 笑臉2019-04-06
江之島駅前小鳥街頭裝飾著冷衫服飾
江之島駅前小鳥街頭裝飾著冷衫服飾
步行去江之島沿途美景
步行去江之島沿途美景
江之島入口
江之島入口
江島神社
江島神社
正好12月晚上燈塔會有燈飾
正好12月晚上燈塔會有燈飾
正好12月晚上燈塔會周邊燈飾
正好12月晚上燈塔會周邊燈飾
江之島可愛小貓咪
江之島可愛小貓咪

〒251-0035 神奈川県藤沢市片瀬海岸1丁目4 藤沢市 片瀬海岸1-4-7
 
江之島駅的小鳥街頭裝飾有冷衫服飾穿著, 很得意~從江之島駅步行大約20mins 左右就到江之島~沿途的風景也很美麗, 聽說天氣好的時候是可望到富士山

江島神社

江島神社旁邊便是上山的電梯位置和售票處, 其實有路可步行上山也可, 買了一張套票是包上山電梯一次和上燈塔一次的~ 750yen, 上到山上, 還有很多美景的餐廳, 正好12月晚上燈塔會有冬季限定點燈活動 - 江之島SEA CANDLE 燈飾,  很美麗~他們說就像寶石一樣耀眼~不過這些節日特別人多, 排隊搭lift 上燈塔就要預排30-45mins~

https://enoshima-seacandle.com/

https://tw.tokyocreative.com/articles/30934-shen-nai-chuan-dong-jiang-zhi-xiang-nan-zhi-shi-dong-ji-xian-ding-huo-jiang-zhi-sea-candle

 

入場價錢: 每人0日圓
評分: 值得去5  
熟吻仔魚丼,凍抺茶
熟吻仔魚丼,凍抺茶
燒大蜆
燒大蜆
露台座位
露台座位
露台座位美景
露台座位美景
餐廳出門口往下走是稚兒之淵
餐廳出門口往下走是稚兒之淵

 http://www.enoshima-uomitei.com   

〒251-0036 神奈川県藤沢市江の島2丁目5−7

下午接近4時, 餐廳沒太多人, 這餐廳有些露台座位, 可以坐出去欣賞日落美景,  叫了燒大蜆一客三隻 1000yen, 呢個必食, 很有海水味脹卜卜很新鮮~吻仔魚丼900 yen, 本想試吻仔魚刺身,但睇見好似好滑(山山), 所以最後只叫了熟吻仔魚丼, 本人覺得味道一般很淡, 要靠附上的豉油來調味~試一次便足夠了 ~凍抺茶 400yen, haha, 一心諗住是叫熱的, 但原來叫左凍, 日文睇得唔太清楚, 凍飲真係好苦~唔太適合我~

每人消費: 約2484日圓 (下午茶)
評分: 味道3   服務3   環境4   衛生3   抵食3
龍蝦仙貝
龍蝦仙貝
江之島燈塔
江之島燈塔
江之島燈塔公園
江之島燈塔公園

http://www.murasaki-imo.com
〒251-0036 神奈川県藤沢市江の島1丁目4−10

排隊排了30mins, 先在售買機買飛, 再交給師傅, 撰了龍蝦仙貝, 其實只係大蝦~ 店員會給一個所屬既牌給你再係旁邊等多10mins 左右就有得食啦, 很脆很香, 其實等於食蝦餅, 不過就感覺薄D, 隻蝦被壓扁後完全已唔覺佢有肉食了~haha, 一場來到江之島都應該要試下~

每人消費: 約600日圓
評分: 味道4   服務3   環境3   衛生3   抵食3
美味壽司 笑臉2019-04-06
極上海胆 , 緋紅卷
極上海胆 , 緋紅卷
蟹三貫
蟹三貫

http://www.sushinomidori.co.jp
〒104-0061 東京都中央区銀座7丁目2−2番先 東京高速道路山下ビル 1F

晚上8:30才到, 還是很多人排隊,  如果1-2人等25mins 以下應該有位, 但更多就起碼要等45mins 以上, 因為會有很多香港人等待, 一問便知等了多久了~

可以安排坐bar 枱, 睇完本menu 就直接同前面既師傅落單便可~ 蟹三貫(有生蟹, 熟松葉蟹, 蟹膏, 壽司~ 600yen , 很鮮味, 一丁點腥味都不會有, 很好~緋紅卷 (是三文魚, 三文魚籽, 飛魚籽組成的卷) 500yen, 呢個好抵食, 而且三文魚籽和飛魚籽一齊食非常有口感, 好好味~ 極上海胆 500yen, 呢個唔係想像中咁鮮味, 只係普通~因他們晚上9:30就關門, 所以都不能再試更多, 下次要留肚早點來食~~

 

每人消費: 約1728日圓
評分: 味道5   服務3   環境3   衛生3   抵食5
東京地標 笑臉2019-04-06
天望回廊
天望回廊
望穿下面的透明玻璃
望穿下面的透明玻璃
乘電梯時會有不同季節的燈光效果
乘電梯時會有不同季節的燈光效果
動態東京skytree 周圍的日常生活圖(東京上河圖)
動態東京skytree 周圍的日常生活圖(東京上河圖)
東京上河圖

  http://www.tokyo-skytree.jp

 〒131-0045 東京都墨田区押上1丁目1−2

因為只有星期日這天才有時間到訪skytree, 聽說可能會有很多人, 所以便未夠早上9:00 已經到達skytree 了, 因沒有在網上訂入場卷, 所以去到現場才購買, 不過唔算多人, 不用排隊就買了入場卷了,  每人2060yen, 先乘電梯上350m 個層, 不畏高的人 可企近電梯門, 因為好快就是玻璃看穿出面, 都會有點腳軟,   那天天氣不錯, 都可望到遠處~這層有專人影相位是要額外付款 1300yen一張相, 一場來到就影一張啦~他們會再幫你用自己手機再拍攝的~行完一圈之後就再於350m 那層付款 1030yen ,  再乘電梯上450m 天望回廊, 沿著迴轉斜路上到最高點~ 那裡地下有望穿下面的透明玻璃, 我是畏高之人只可在旁觀看, 這裡也有專人幫你拍攝企在透明玻璃上的照片, 但當然要額收費~逗留二小時左右就落回5/F, 5/F 以下是售買紀念品的地方, 其實如不購門票都可上到5/F遊覽~去到1/F, 有幅是動態東京skytree 周圍的日常生活圖, 是會郁動, 很美麗和生動~如果喜歡蓋印仔既朋友, 記得要蓋齊skytree 三個印就要分別去1/F, 350m, 450m, 三個位置~

入場價錢: 每人3090日圓
評分: 值得去4  
鮮忌廉蛋糕 + 蘋果汁套餐1050 yen
鮮忌廉蛋糕 + 蘋果汁套餐1050 yen
5/F 下的超市仲有無年份的響威士忌買~
5/F 下的超市仲有無年份的響威士忌買~
龍珠X skytree 產品
龍珠X skytree 產品

〒131-0045 東京都墨田区押上1丁目1−2 340 天望デッキ フロア

所在地點:東京晴空塔

 環境唔錯~ 在skytree 行累左入去坐下食件餅,  坐在高處進食, 好relex~

鮮忌廉蛋糕 + 蘋果汁套餐1050 yen

日本甜品蛋糕多數都好味, 再加上蘋果汁既配搭, 很好~

每人消費: 約1050日圓 (早餐)
評分: 味道4   服務4   環境5   衛生4   抵食4
丼飯有分四種, 梅, 竹, 松, 特上
丼飯有分四種, 梅, 竹, 松, 特上
(竹) 是基本加蟹肉和三文魚籽
(竹) 是基本加蟹肉和三文魚籽
可叫師傅加熱湯, 那就即成很美味的魚湯飯~
可叫師傅加熱湯, 那就即成很美味的魚湯飯~

〒103-0027 東京都中央区日本橋3丁目1−15 久栄ビル1F

有東京第一丼飯之稱, 那天是星期日, 心想應該會很多人排隊, 本人大約晚上18:30左右到門外排隊, 很好彩個一刻唔算多人, 只是等候了15mins 左右便有位了,  但之後我後面又忽然來了很多人, 店內大約只得12個座位, 其實餐廳只是有海鮮丼飯供應, 不過丼飯有分四種, 梅, 竹, 松, 特上, 其實四款都是由吞拿魚和其他多種海鮮配料組成,   (梅) 是最基本, (竹) 是基本加蟹肉和三文魚籽, (松)是基本加蟹肉和三文魚籽+海膽, (特上)是基本加蟹肉和大量三文魚籽+ 大量海膽, 不過本人今次是試了(竹),  店員會先來一碟鯛魚刺身, 有四片,  面上淋上胡麻醬, 口感特別~先吃兩片, 另外兩片可以留待之後加湯飯時吃~ (竹) 是基本加蟹肉和三文魚籽, 對我女仕來說分量已足夠, 這丼飯的飯不是平常的壽司飯, 飯是熱熱地的, 加上特製醬油撈起魚生一齊食, 是很溫暖, 不會冷冰冰, 很好味,  吃到一半淨1/3飯時可叫師傅加熱湯, 那就即成很美味的魚湯飯~ 再加剛才的鯛魚刺身落湯馬上變成熟魚, 又另一種滋味~

每人消費: 約1480日圓
評分: 味道4   服務4   環境4   衛生4   抵食5
  0 個留言    |  加入你的留言
Handsome XO
117篇遊記
東京豪食三日兩夜自由行 (日本)
(旅程日期: 2016-09-09 至 2016-09-11 ,  旅程性質: 飲食購物)
 整個旅程  (共3篇遊記)
 分享至Facebook 
發表日期: 2017-09-25

2016911日(

話咁快就玩盡2016年儲起嘅假期,要起程返香港啦!因已多次入住「東京凱悅酒店」,大家朝早就好熟練地喺酒店會所層度各自進食早餐,然後順便喺門外嘅接待處辦妥好退房手續,再喺酒店正門集合,乘坐「Airport Limousine」前往成田機場。入閘前,喺機場間「とんかついなば和幸」度食埋個炸豬扒做晏後,我地就佗佗佻佻地行咗去航空公司嘅貴賓室度嘆著酒等上機。回程時,「香港航空」以「日式牛肉壽喜燒」作為限量版主菜,有份試嘅長輩們都覺得好有驚喜,未入會嘅仲即場做埋會員添,係咪好堅呢?!
とんかついなば和幸 (Tonkatsu Inaba Wako)
とんかついなば和幸 (Tonkatsu Inaba Wako)
菜式套餐模型
菜式套餐模型
菜式套餐模型
菜式套餐模型
自助調味料
自助調味料
日英對照餐牌
日英對照餐牌
鶏の唐揚(500円)
鶏の唐揚(500円)
ツインかつ定食(3,930円)
ツインかつ定食(3,930円)
單據
單據

番薯Uncle退每年遊日本日數絕對多過小肥啲年假,對成田機內有啲咩店食肆都可以用瞭如指掌黎形容呀!將行李寄好艙佢就帶とんかついなば和幸炸豬扒做午餐

Uncle一早已提到炸豬扒專門店和幸舖位唔算好大,午飯時間門外都會企滿人龍,我地人多必分開入座,千祈唔好揀位坐。小店裝簡潔企理門外璃陳列架上可清睇到多款菜式套餐,方便食客於候座時可預先選定食物可能進出機場多為外國人,餐牌全為日英對照,友善嘅店員更會以簡單英語溝通,不過最令XO仔感動就係當收銀姐姐見到細佬手持大袋銀仔慢慢數出尾數時,佢仲主動提出幫忙用盡大銀,以減輕背包負荷,父母見狀亦不禁連聲道謝

鶏の唐揚(500円):炸雞乾巧熱辣,皮脆肉嫩又多汁,500円有五件,絕對抵食

ツインかつ定食3,930):小肥同靚靚媽咪兩個坐,所以就簡單分咗個二人餐套餐包有白飯漬物麵豉湯及二人份量炸物拼盤,份量都幾勁。拼盤上有炸蝦炸豬扒芝士炸雞紫蘇卷等,每款各有兩件,炸物均香口熱辣香脆鬆化,番薯Uncle果然好介紹!
每人消費: 約2000日圓 (午餐)
評分: 味道4   服務5   環境3   衛生4   抵食4
中華航空貴賓室
中華航空貴賓室
中華航空貴賓室
中華航空貴賓室
中華航空貴賓室
中華航空貴賓室
酒
酒
軒尼斯干邑
軒尼斯干邑
糕點
糕點
熱食
熱食
香港航空於成田機場未有設立貴現階搭客都會被安享用中華航空」嘅室。位於下層室樓底極高,間隔開揚通爽,安靜舒適,不過團友最興都係見到飲品區內放有多款靚酒!嘩哈哈,當小肥同好飲長輩見到桌上枝非常特別」嘅「軒尼斯干邑幾口子仲以極速飲哂剩番唔係好多靚酒,嘆完頭輪歡樂時光先上飛機再飲過
推介菜式: 軒尼斯干邑
評分: 味道4   服務3   環境5   衛生5   抵食5
香港航空 HX 609班機
香港航空 HX 609班機
商務機艙獨立座位
商務機艙獨立座位
餐牌
餐牌
醃製三文魚及青瓜伴薄餅及柑桔鮮忌廉
醃製三文魚及青瓜伴薄餅及柑桔鮮忌廉
醃製三文魚及青瓜伴薄餅及柑桔鮮忌廉
醃製三文魚及青瓜伴薄餅及柑桔鮮忌廉
日式冷烏冬
日式冷烏冬
蒜蓉包及紫菜包
蒜蓉包及紫菜包
日式牛肉壽喜燒配黑芝麻飯卷及日式雜菜
日式牛肉壽喜燒配黑芝麻飯卷及日式雜菜

香港航空HX 609機準下午355分起飛由東京飛回香港只需五個多小時。客機商務機艙嘅獨立座位寬闊落,私人空間足個人娛放嘅節目又夠新唯一親友都覺得機上冷氣唔係好夠就連一向怕凍長輩都熱到出哂汗仲罕地要叫杯凍水黎降一降溫

其實之前坐過香港航空好幾次都已覺得機上飛機餐好唔錯,尤其係早餐提供嘅法式西多士確真令人一試難忘真係估唔到今次坐下午機回港,居有幸一應嘅「日式牛肉壽喜燒作晚餐美食配上航空公司嘅招牌雞尾酒Bauhinia Blossom」,成功為旅途添上繽紛色彩

蒜蓉包紫菜包:熱辣辣蒜蓉包香脆惹味,同樣暖手紫菜包則鬆軟甜美,各具特色。

頭盤之醃製三文魚及青瓜伴薄餅及柑桔鮮忌廉:頭盤三文魚有三塊之多,並以軟腍薄餅墊底及爽脆青瓜隔開,喺面塗上柑桔鮮忌廉,食落效果非常清新。

主菜之日式牛肉壽喜燒配黑芝麻飯卷及日式雜菜日式牛肉壽喜燒香濃甜美牛肉薄片軟潤唔嚡口伴上白飯芋絲可索盡靚汁超好味

由於限量版主菜唔係人人有得食,先點菜乘客一叫哂後點客人就唔會有機會試。小弟愚見,航空公司其實可給予搭客購票時預先訂菜,這樣一來唔會得失想食限定菜式貴客,同時亦可降低浪費食物機會,可謂雙贏
推介菜式: 蒜蓉包,紫菜包,日式牛肉壽喜燒配黑芝麻飯卷及日式雜菜
評分: 味道5   服務5   環境4   衛生5   抵食5
  0 個留言    |  加入你的留言
Handsome XO
117篇遊記
東京豪食三日兩夜自由行 (日本)
(旅程日期: 2016-09-09 至 2016-09-11 ,  旅程性質: 飲食購物)
 整個旅程  (共3篇遊記)
 分享至Facebook 
發表日期: 2017-09-20

2016910日(

肥肥家族近年出入日本次數都幾頻吓,經驗已教曉靚靚媽咪同姨媽們主力去邊度濕平,而男士們亦會襯機四周搜索零食、手信、及抵飲嘅清酒。今次三日兩夜東京遊親友早已定好主角為美食,故大家亦作好心理準備購物只為間場。

我地喺東京嘅第二日,九點左右女士們喺酒店食完個自助早餐後,即熟練地乘搭酒店嘅穿梭巴士,去新宿車站旁朝早十點開門嘅「小田急百貨」,快速選購日本限定版嘅心頭好,十一點再趕回酒店會合隊友,一齊坐的士前往銀座,喺小肥一位日藉女友嘅夢想法國餐廳「L’Osier」度享用咗頓令眾人都感到畢生難忘嘅法國盛宴作午餐

聽就聽過唔少人介紹話日本人對法國餐好有要求,許多廚師店主嘅情操更高尚到情願不摘下米芝蓮星星添。位於銀座嘅「L’Osier」為日本名化妝品牌「Shiseido資生堂」於1973年所開設,法文店名嘅意思正正就係標誌著銀座嘅「柳樹」。曾連續多年獲得米芝蓮三星榮譽嘅頂級法國餐廳原來啱啱喺2013年大廈重建後換上新裝,並轉由年輕一代嘅法籍大廚Olivier Chaignon先生重新創作菜單。餐廳重開至今已連續兩年獲取米芝蓮兩星嘅佳績,結果亦當真冇令人失望!

L’Osier華麗嘅法國午餐要花上三個多小時才能完整由頭食到落尾。肚滿腸肥嘅團友們飯後就各有各行街街,散散步,等到天黑先再次集合一同晚膳。由於XO仔近年愛上咗阿根廷探戈,當晚就刻意為自己安排咗段小插曲,首次約會當地嘅舞友食完壽司後去參加舞會,跳到盡興先返回酒店。
L’Osier 門面及裝潢
L’Osier 門面及裝潢
餐牌「Menu Dejeuner」(10,000円)
餐牌「Menu Dejeuner」(10,000円)
Thin Sliced Akagai, Mirugai, Hokkigai with Sea Scallop Mousse Topped with Seaweed Jelly “Barbajuan” Fried Squid Ink Small Ravioli
Thin Sliced Akagai, Mirugai, Hokkigai with Sea Scallop Mousse Topped with Seaweed Jelly “Barbajuan” Fried Squid Ink Small Ravioli
Onagadai-Fish – Vegetables, Tomato-Confit, Black Olive and Basil Soup, Lettuce Balls Zucchini, Lemon, Shiso Flower
Onagadai-Fish – Vegetables, Tomato-Confit, Black Olive and Basil Soup, Lettuce Balls Zucchini, Lemon, Shiso Flower
Akaushi Beef from Kumamoto – Roasted, Girolles Mushrooms & Green Asparagus-Fricassee, Summer Truffle, “Violine” Red Wine Sauce
Akaushi Beef from Kumamoto – Roasted, Girolles Mushrooms & Green Asparagus-Fricassee, Summer Truffle, “Violine” Red Wine Sauce
Different Texture of Raspberry/Lychee, Rose Ice-Cream
Different Texture of Raspberry/Lychee, Rose Ice-Cream
Sweet Delicacy Trolley
Sweet Delicacy Trolley
Les Belles Gourmandes(14,000円)
Les Belles Gourmandes(14,000円)

的士叔叔依抵達餐店門前嘩,大家真係冇諗過L’Osier個門面居然會如酒店般咁壯麗有氣派,大門仲要係由身穿制服嘅靚仔哥哥開關,唔怪得知店主要設下服裝限制,穿著牛仔褲短褲或波鞋者均不得內進,當中男士更必需穿上西裝

步進大堂即見中央大大嘅吊燈掛於半空跨往下層,圓形嘅候座區簡單擺出鮮花及藝術品,大方典雅極!通往下層可選搭升降機,或行落螺旋梯。樓底高高嘅用餐層光線較為充裕,間隔開揚得黎每枱仍有好大嘅私人空間,厚墊梳化椅櫈寬闊舒適,閃爍耀眼嘅擺設唔會過多,令裝潢顯得更富麗堂皇,就連洗手間都可用金碧輝煌黎形容

務生衣觀整齊,有禮好客,每個動都能反出對用餐禮儀嘅及尊。十三人被安排入座三張圓枱,雖然一早已訂好餐單,但經理哥哥依然喺送上每道餸菜時詳盡講解菜式嘅食材及烹調方法,而且有問必答,態度極之誠懇。最令人印象心刻都應該係每當貴客離座前往洗手間時,服務生都會第一時間換上全新餐巾,衛生分爆哂燈呀!

電話訂座時XO仔好大擔地為男士點咗九道菜嘅Les Belles Gourmandes14,000及為女士揀咗八道菜嘅Menu Dejeuner10,000。兩款套餐都包有麵包開胃前菜粟米湯海鮮頭盤紅肉主菜甜品咖啡或茶,分別只在於前者多咗味魚及頭盤主菜所選用嘅食材。

Amuse-Bouche:三件的骰嘅開胃前菜均由又薄又脆嘅外層包住,香脆得黎味道清香淡薄,輕盈健康,極易入口。

Corn Soup with Fresh Cornbread:未有列入餐牌上嘅粟米湯不單呈金黃色,師傅仲巧妙地加插咗不少蔬果湯品繪添色彩,造成一幅美食圖咁,實令眼前一亮粟米湯幼滑香甜,襯上同樣帶甜而又暖手嘅粟米麵包食用可謂完美!

Thin Sliced Akagai, Mirugai, Hokkigai w/ Sea Scallop Mousse Topped w/ Seaweed Jelly “Barbajuan” Fried Squid Ink Small Ravioli海鮮頭盤用上幾款貝類刺身混入海藻啫喱帶子慕絲組合而成,口感軟潤爽嫩,清新鮮甜應經理哥哥介紹喺另上黑墨墨熱烘烘嘅墨魚汁雲吞塗上刺身啫喱雲吞頓變得腍潤帶脆,鮮美可口,確真一絕!

Onagadai-Fish – Vegetables, Tomato-Confit, Black Olive and Basil Soup, Lettuce Balls Zucchini, Lemon, Shiso Flower廚師選以大大件尾長鯛作第一道熱食,鮮色嘅外觀已吸睛,食落嚐到魚皮嘅香脆、魚肉嘅嫩滑、及汁液酸甜中散發出陣陣紫蘇香,清爽得很是醒胃。

Akaushi Beef from Kumamoto – Roasted, Girolles Mushrooms & Green Asparagus-Fricassee, Summer Truffle, “Violine” Red Wine Sauce:經理哥哥唔講真係唔知,原來此道赤牛和牛乃熊本縣名產,因牛隻毛色呈啡紅而被名為「赤牛」。如相所示,碟上嘅赤牛鮮紅潤澤,毫無半點雪花油脂!可以話俾大家聽,三成熟嘅赤牛入口鬆軟柔滑,而且肉味香濃,吃畢亦不感到絲毫溜滯,係整頓午宴嘅亮點,美味程度實難以用筆墨形容,一定要親嚐方才領略得到。

Pre Dessert柚子雪葩伴上柑肉墊底,視上明亮得好似個發緊光嘅太陽咁則倍感清爽甜美。

Different Texture of Raspberry/Lychee, Rose Ice-Cream:據,此道火紅色嘅紅莓荔枝玫瑰雪糕甜品係師資生堂」化妝品系列中極人氣及有名嘅紅色唇膏取得靈所創製而成,望落又真係幾似個抽象嘅紅唇喎甜品o紅莓荔枝味濃甜但不過火,中間夾入清涼芳香嘅玫瑰雪糕,加埋底層嘅朱古力就更添脆口質感同味道豐富得好和諧。

Petit Fours由於甜點應用手直接食用拼盤旁亦早已放一碗清水給賓客於食用甜點之作洗手之用,周到得很

Sweet Delicacy Trolley:大家嘆緊咖,型男哥哥從側旁再推出甜點小車仔車上擺放有琳瑯滿目嘅糖果餅乾朱古力,雖則話係任食,但經過八道餸後,XO仔都只能小試四件,睇黎下次再黎一定要玩空肚食法國餐

家中大肥爸爸其實最怕食西餐,原本聽到細佬安排咗L’Osier依頓法國餐作其中一日嘅午膳後,仲話如果有人倍佢就情願留喺酒店附近食日本菜結果當係冇人附佢啦!真係勢估唔到大肥係全團人中最欣賞此頓午宴嘅一個除咗當場邊食邊讚之外返港後更不斷介紹俾經遊嘅親友,滿意程度明顯係超哂級嗰隻啦
推介菜式: Les Belles Gourmandes(14,000円),Menu Dejeuner(10,000円),Corn Soup with Fresh Cornbread,Onagadai-Fish ,Akaushi Beef from Kumamoto
每人消費: 約18700日圓 (晚餐)
評分: 味道5   服務5   環境5   衛生5   抵食5
壽司吧
壽司吧
餐牌
餐牌
デカトロざんまい(1,280円)
デカトロざんまい(1,280円)
本鮪五貫にぎり(1,280円)
本鮪五貫にぎり(1,280円)
うるおい set (1,980円)
うるおい set (1,980円)
まぐろざんまいset (3,000円)
まぐろざんまいset (3,000円)
抵食二十四小時壽司
抵食二十四小時壽司
壽司店老闆
壽司店老闆

為咗要喺舞前快速充飢,旁晚時份日籍舞友就帶咗XO仔及團友們去酒店附一家人氣連鎖「すしざんまいSushi Zanmai食壽司作晚飯

二十四小時營業兼全年無休嘅壽司屋佔用面積全層,晚飯時段壽司吧內嘅師傅門都忙得團團轉,門外企滿食客輪座,幸好我地一早已訂定位,方才免去等候嘅時間。食店其實有少少半快餐店形式經營,除咗壽司吧位外,散座全為合併式,餐具亦全為自助式,上菜速碌嘅服務生態度都尚算良好友

由於飯後諗住會狂跳熱舞,小肥就同哥哥及舞友分咗幾個壽司拼盤,佢地唔夠就各自點咗啲熱食及湯品:

うるおい set 1,980):只售二千円嘅雜錦拼盤有成十幾件壽司卷物,多款壽司雖未為頂級貨色,但魚材絕對新鮮味佳,單睇價錢已覺抵食。

まぐろざんまいset 3,000):雜錦拼盤一千円嘅吞拿魚壽司拼盤同樣有成十幾件之多當中用上吞拿魚不同部位中卜口大卜口極之豐,其中亦有兩件火炙壽司質高肥美全桌人都大讚價廉物美

皆因拼盤嘅多件吞拿魚壽司實在可口,故三口子最終決定再追加多三件嘅デカトロざんまい1,280及五件嘅本鮪五貫にぎり1,280兩款吞拿魚壽司拼盤作結
推介菜式: うるおい set (1,980円),まぐろざんまいset (3,000円),本鮪五貫にぎり(1,280円),デカトロざんまい(1,280円
每人消費: 約2300日圓 (晚餐)
評分: 味道4   服務4   環境3   衛生4   抵食5
Tokyo Saturday Milonga @ Buenos Aires by Cristian y Nao
Tokyo Saturday Milonga @ Buenos Aires by Cristian y Nao
Tokyo Saturday Milonga @ Buenos Aires by Cristian y Nao
Tokyo Saturday Milonga @ Buenos Aires by Cristian y Nao
感激日籍舞友帶路,小肥得以初次參加東京區內其中一個週六晚探戈舞會Tokyo Saturday Milonga @ Buenos Aires by Cristian y Nao。位於南青山區嘅樓上跳舞室用上紫藍色嘅燈光,氣極佳舞池雖唔算好大,但場內嘅舞者均為經富嘅跳得之人,得知細佬遠從香港赴日都要於臨行前一晚出派對,閒談間本地舞客都好容XO仔唔咸唔淡嘅日文,當真待小弟如賓,真要再道一聲どうもありがとうございます
參觀時段: 晚間
入場價錢: 每人2500日圓
評分: 值得去4  
  0 個留言    |  加入你的留言
Handsome XO
117篇遊記
東京豪食三日兩夜自由行 (日本)
(旅程日期: 2016-09-09 至 2016-09-11 ,  旅程性質: 飲食購物)
 整個旅程  (共3篇遊記)
 分享至Facebook 
發表日期: 2017-08-12

「鑽石公主號」返回橫濱港口一刻即為是次一連十一日o既「鑽石公主郵輪東瀛遊」劃上句號。既然都已經飛到黎日本,十二人亦決意要喺東京逗留多幾日,買夠、食夠、玩夠先返香港

 

201699日(

遊輪晨早泊岸,為咗要盡快前往東京食晏同爭取購物時間,XO仔就安排咗架巴士朝早十點由橫濱大棧橋碼頭出發入城。

酒店早已道明要等到下午兩點先會有房,我地唯有先將行李寄存,喺附近o既鐵板始祖「元祖 鉄板焼ステーキ みその」食完個晏,再轉去青山區狂購完一輪,喺「Q-Pot Café」食埋個的骰精美o既首飾下午茶後先返回酒店。辦妥手續後,團友安頓好行裝及略作休息後,大家就相約於酒店會所層度享用歡樂時光o既酒品及小食

深知長輩如果由朝食到晚,都總愛飯後散一散步,舒展一吓,故晚餐小肥亦特意選擇喺酒店附近一家天婦羅老字號「天ぷら新宿つな八 総本店」用膳,食完就慢慢行返酒店。
元祖 鉄板焼ステーキ みその 新宿店Steak Misono Shinjuku
元祖 鉄板焼ステーキ みその 新宿店Steak Misono Shinjuku
餐牌
餐牌
Lunch Set B(4,860円)
Lunch Set B(4,860円)
柚子醋燒魚
柚子醋燒魚
鐵板燒師傅
鐵板燒師傅
130g牛扒
130g牛扒
紀念品之木造清酒杯
紀念品之木造清酒杯
Lunch Set B(4,860円)
Lunch Set B(4,860円)

親友不時都會去日本玩,不過去親都好少會揀食鐵板燒,對被稱為「鐵板始祖」o既元祖 鉄板焼ステーキ みそのSteak Misono更加係聞所未聞,小肥其實都係做旅遊資料搜集時先認識到老店,眼見其中一家分店就喺酒店對面,步行都只需五分鐘,所以亦急不及待要去試一試。由於長輩都覺得晚餐食鐵板燒難以消化,今次就決定先嚐午市都有供應o既鐵板海陸大餐

位於大廈高層o鐵板燒專門店樓底高高大堂中央有個方形o式鐵板吧,有多個高櫈圍近窗位及廂則擁有無敵靚景,室內o燒味一啲都唔勁抽氣系環境可謂高雅大方,衛生潔亮我地人多又一早訂好位及套餐故亦被安入座一間榻榻米房內私人空間更足仲有專人服侍及烹料理團友們都覺得好享

Lunch Set B4,860):精選午市海陸套餐B每客均包有130g牛扒海鮮沙律燒野菜白飯麵豉湯及咖啡。師傅即場喺食客面前燒煮靚魚牛扒,包保夠哂新鮮熱辣辣。燒魚用上柚子醋薑碎醃煮,魚肉幼嫩入口酸甜,很是開胃。燒煮牛肉前,師傅會先問各人要幾成熟,小肥最愛見紅當然係越生越好啦牛肉粒鬆軟多汁,輕輕點少少鹽,再連同脆巧金黃o蒜片白飯食用已夠香濃味美。

海陸午餐有齊紅肉海鮮野菜份量啱啱好,配埋少少清酒就更上一層樓。為答謝大隊光臨,餐店仲每人送咗個木造清酒杯作為留念,認真客氣。
推介菜式: Lunch Set B
每人消費: 約5440日圓 (午餐)
評分: 味道5   服務5   環境5   衛生5   抵食5
Q-Pot Cafe
Q-Pot Cafe
Q-Pot Cafe
Q-Pot Cafe
彩圖甜品餐牌
彩圖甜品餐牌
Necklace Plate(1,390円)
Necklace Plate(1,390円)
Ring Plate(1,650円)
Ring Plate(1,650円)
Macaron 4 Happiness Plate(2,060円)
Macaron 4 Happiness Plate(2,060円)
Macaron 4 Happiness Plate(2,060円)
Macaron 4 Happiness Plate(2,060円)
可愛首飾甜品
可愛首飾甜品

為咗滿足團友可狂購日本名牌服裝,午飯後揸fit人就帶前往青山區度行街街行到咁上吓咗不少腳骨力後小肥就跟住旅遊書推介,同班長輩們去區內一間頗人氣ocutie咖啡店Q-Pot Café嘆咗個下午茶

設於橫街o精品咖啡屋其實係同名oQ-Pot首飾店所開辦。店主以其精美o首飾設計特製出多款飾物甜點,賣相極之的骰可愛而且極富藝術感

小店粉色o柔和得黎好有童話feel都幾女性化,男生入到去或許會週身唔自在架。天花上o倒吊茶壺燈飾正正道出店名Q-Pot趣緻得很店內o服務生清一色為女生,個個都咁年輕溫馴,襯到絕呀!

多頁餐牌上o項目全附有彩圖,唔識日文都一樣咁簡單易明。由於十二人都有意回酒店享用包咗o時光酒水小食我地就各自點選飲品,其中幾杯就跟埋個下午茶套餐,甜品上枱時先自行分黎食:

Ring Plate1,650円):戒指甜品真如其名,以馬卡龍朱古力喺隻印有靚靚玉手o碟上擺成戒指o模樣,手腕位置仲好鬼馬地加咗條食得o朱古力白珍手鍊,實在吸精,連過七旬o蕃薯uncle見狀都忍唔住要影返幾幅相留念朱古力味馬卡龍香濃鬆化,中間夾有幾粒閃令令o朱古力寶石,咬落軟滑帶脆,絕對屬好睇又好食之選!

Necklace Plate1,390):甜品以杯仔蛋糕作鍊墜及白滑o忌廉唧出珍珠頸鍊,加配靚碟營出美艷o。杯仔蛋糕微甜唔溜,個人只係略嫌糕身偏咗少少乾,所以扣咗一分食物分。
推介菜式: Ring Plate,Necklace Plate
每人消費: 約1213日圓 (下午茶)
評分: 味道4   服務4   環境4   衛生5   抵食4
東京凱悅酒店 Hyatt Regency Tokyo
東京凱悅酒店 Hyatt Regency Tokyo
歡樂時光酒品
歡樂時光酒品
歡樂時光酒品
歡樂時光酒品
歡樂時光酒品
歡樂時光酒品
芝士拼盤
芝士拼盤
歡樂時光美食
歡樂時光美食
歡樂時光美食
歡樂時光美食
歡樂時光美食
歡樂時光美食

家人近年到東京遊玩都必定會入住東京凱悅酒店Hyatt Regency Tokyo,貪其地點夠就腳,會所層o房間企理寬敞,除咗包有早餐之外,由朝到晚於不同時段更可喺會所酒享用咖汽水小食酒品等,就算上次遇著大風雪都唔洗驚冇野食或者係悶親。

隔咗一年,酒店好多方面都明顯升哂呢,例如房間內o地毯日用品及雪櫃內o零食項目。團友們最興奮就係見到會所層o歡樂時光多咗靚酒選擇,食物中除咗芝士拼盤及多味熱食冷盤小點之外,每位貴客仲有專人呈上高質美味o海鮮牛肉主食一客,新鮮熱辣,時光當真極度歡樂哦!
每晚價錢: 36040日圓 (雙人房)
評分: 設備5   服務5   環境5   衛生5   抵住5
天ぷら新宿つな八 総本店
天ぷら新宿つな八 総本店
天ぷら新宿つな八 総本店
天ぷら新宿つな八 総本店
餐牌
餐牌
凍粟米湯
凍粟米湯
餐具
餐具
江戶前膳(4,200円)
江戶前膳(4,200円)
單據
單據
天ぷら新宿つな八 総本店
天ぷら新宿つな八 総本店

親友全為酒客,個個退哂休後太陽未落山都已經可以嘆返幾杯,晚飯時間更加唔洗講啦,所以大多都愛食香口野。記得家人最近都話想試多幾間不同o既食肆,喺日本又冇乜點食過天婦羅,今次就專登揀咗間離酒店不遠,而且有成八十幾年歷史o既老店「天ぷら新宿つな八 総本店」,一嚐聞名o既天婦羅美食

內外同為木造o小店和風味濃厚直入已可見師傅喺左方o開放式廚房忙碌地炮製天婦羅菜式,令人期待萬分。由於我地一行成十二人,訂座時接線生已道明必需預訂埋套餐,以便師傅準備餸菜,小肥就應推介為全團人點咗個「江戶前膳」。到步並埋位後,各人都只需點上飲品就可以等待飯來張口

江戶前膳4,200天婦羅套餐包有明蝦墨魚魚貝類兩種蔬菜兩種星鰻爽口小菜炸什錦白飯味噌湯漬物小菜天婦羅外層層炸皮不但乾巧脆身,入口更覺鬆化非常,老店o師傅功力果然深厚!當中個人最愛同樣爽脆彈牙o天婦羅蝦野菌,最有驚喜必選凍飲而又甜甜o粟米湯不過最開心都係聽到同桌o長輩邊食邊讚天婦羅老店o出品高質又抵食
推介菜式: 江戶前膳
每人消費: 約5031日圓 (晚餐)
評分: 味道4   服務4   環境4   衛生4   抵食5
  0 個留言    |  加入你的留言