抖足精神, 明天正式出發.

去到杜拜已經夜深, 沖完涼立即瞓.

早餐和晚餐都係酒店內的Saffron Restaurant, 它是一間很受歡迎的餐廳, 雖然客人很多, 但食物也很多, 一點也不擁擠, 也不嘈吵.
早餐必食推介是魚生飯, 晚餐必食推介是龍蝦和紅棗杞子燉雞湯.

水世界海水清澈見底, 一點消毒劑味道也沒有, 識唔識游水都要去感受吓. 要刺激可以玩九層樓高的瑪雅通天神殿滑水天梯 (Leap of Faith); 要閑暇可以玩水泡, 透心清涼.
水族館魚又大又多, 睇吓都好開心.
提議入住Atlantis the Palm 阿特蘭蒂斯酒店: 房間面積寛敞, 向海的環境很寧靜, 十分舒適; 玩水或睇魚或睇煙花都很方便; Saffron 的自助餐也很好吃.

早餐: 食咗兩餐Saffron, 想試吓 Kaleidoscope, 不過導遊和團友都話麻麻地, 所以我哋望兩眼, 就急急腳行去街尾的Saffron, 呢間自助餐多好多嘢食.
冰雪世界 - 玩吓室內雪城的滑雪道, 重拾小朋友的歡樂!
午餐: 碧海皇宫酒店 Latitudes Restaurant, 必食係甜品.
我哋安排入住7星帆船酒店 (Burj Al Arab )最普通的豪華套房, 約1800呎, 上網睇淡季都要美金成千蚊>, 我哋在酒店遇到一些內地同胞, 佢話訂一晚人仔萬三蚊 其實有時跟團都好抵  

每間房有個管家, 佢介紹吓窗簾和電燈的開關，電腦可以隨時上網，牆上掛的畫全是真嘢, 7星帆船酒店點勁點豪,... 等等, 都講咗半個鐘, 呢D咪叫浮誇!

坦白講, 導遊講D嘢就有用多了, eg. 帆船酒店每間餐廳都很貴, 尤其係最底和最高果兩間, 但有些時段會開放俾住客拍照, 咁我哋咪就住D時間安排自由活動.  由於成本好高, 導遊唔會同我哋一齊住, 所以佢就唔可以好似Atlantis 咁, 話我哋知邊間餐廳最好食... 我相信如果旅行社破天荒間中俾資深導遊住一晚, (仲要係第一間旅行社喎) 對客人的提議一定更好

 仙巴水上樂園 Wild Wadi Water Park:帆船酒店住客可以免費入內. 仙巴水上樂園人山人海, 無謂浪費時間,  行個圈, 便立即返去帆船酒店拍照.
晚餐: 帆船酒店內的Junsui Restaurant, 必食推介:  扇貝刺身, 拖羅壽司, 和牛鐵版燒. 
華人點心師傅對外國人滿臉笑容, 對中國人就黑口黑面   都係食自助餐好, 唔駛食佢d嘢!

做吓GYM, 游吓水, 便去帆船酒店內的 Bab Al Yam Restaurant  吃自助早餐 .  必食推介: 露荀, 有機乾果, 士多啤梨.

小心翼翼把紅酒和 Hermes 的用品包好, 空空的行李箱立即變成滿載而歸!

到Al Qasr 阿拉伯皇宫酒店 的Arboretum Restaurant 吃自助午餐: 就係<<向世界出發 >>夏雨坐船果間. 必食推介: 甜品

Dubai Mall - 全球最大的商場, 總建筑面積約等於50個足球場, 行到腳軟. 

18:00 欣賞以全世界最高的杜拜塔Burj Dubai 為背景的音樂噴泉.

在 Palace Hotel 的 Ewaan Restaurant 吃阿拉伯自助晚餐: 由於是燒烤, 比較熱氣, 必食推介是帶子燒.

珍惜用水: 在這個沙漠國家，水是很昂貴的, Atlantis the Palm 的 Saffron Restaurant 水要AED28 一支; 帆船酒店的 Junsui Restaurant 水要 AED50 一支; 由於我哋每人每日都有一支水, 加上酒店房間內的水, 水源充足.

呢個杜拜之旅, 有冷有熱, 有動有靜, 加上導遊細心的温馨提示, 享受了一個豐富多彩的假期.

多得酒店的自助餐, 我哋參觀咗好多間超級酒店; 又多得呢十多餐自助餐, 無論幾咁嚴挑細選, 體重滿載而歸; 返到香港, 我要開始我的齋戒月...