今次已經是第四次到這裡參觀, 但依然要比滿分, 原因好簡單, 十二門徒石其實係一系列自然形成的石灰岩組合, 因為強風加上巨浪衝擊, 變成十二舊單獨的大石頭

巨石加上強勁的海浪, 對出是一望無際既海洋, 去過既人都應該唔會點後悔了, 但未去過而又想去既人要快手, 因為本來十二舊既門徒石, 因為風加上巨浪既關係, 有幾舊已經被打散了, 而家好似只係得返八舊, 可能一夜間另外八舊突然消失都未定

Flinder Street Station 歷史悠久, 無論日景及夜景都有唔同既氣氛, 快是值得一看, 建築物外牆雖然很古舊, 但不會有可怕的感覺, 就算只係火車站一個都可以增加你按相機快門的數目

一向覺得香港的中央圖書館似商場多一點, 但Melbourne的中央圖書館設計得美觀之餘又能達到嚴肅的感覺, 雖然多人在外圍拍照, 但裡面的書本及資料一點也不普通, 18xx 年的報紙亦能找到呢

其實嚴格黎講只係商場一個, 但係如果遊City 可以順道走走, 裡面都有一個所謂全球最大的陀錶, 加上商場頂部的尖頂設計, 相機都可以按兩下快門呢

粹純一個景點, 拍幾張照片吧

一入升降機, 裡面可聽到像火箭升空的聲音, (網頁內說40秒到達88樓頂層, 當然我冇計過), 好快便來到頂層, 一出升降機, 便立刻看見窗外的夜景, 一流

Eureka Tower 我也是第一次來, 本想下午四時多便上來一看, 因為可以看到早上, 黃昏及晚上的景色, 但可惜今天行程太緊密, 上到來的時候天空已經全黑, 雖然有少少失望, 但還是值得一看

望出窗外, 可看到整個墨爾本, 很多不同的建築物及景點從高處望下去也有不同的感覺, 除了玻璃隔住, 它還可以讓遊客行出去沒有玻璃, 只有鐵絲網的位置, 感受下88層高的風力

如果想再刺激多點, 可以額外加12蚊澳幣, 玩一玩Edge, Edge 是甚麼? 無須解釋, 去呢個網址看看就清楚
http://www.eurekalookout.com.au/the-edge.asp

未上去之前我本來都想加錢玩玩Edge, 但係上到去驚左......最後放棄

從太空上回到地面, 回家前到Yarra River 打返幾張夜景照, 始終在香港, 污染的空氣阻隔著, 很難拍出Postcard 般的夜景呢