9:30起飛, 目的地係日本成田機場. UA航空飛機冇獨立電視, 認真麻麻. 10點幾派左包餅同野飲, 攝下肚. 11點幾又有lunch 食, 海鮮飯套餐, 當然係好難食的了. 機上有個空姐唔錯的, 陳慧珊feel, 個樣都幾惡下. 到左香港時間13:50, 安全抵步日本.
入境果度排左十幾鐘, 搞左一輪走得. 朋友A 唔夠日元, 於是去唱錢, 但機場唱又好貴, 唔唱住. 好快買左兩包日版Mild Seven, 包裝好唔同呢.
離開機場範圍後就去左搭京成本線, 列車上面見有個日本男人搽油落腳卒, 好核突! 跟住佢仲問我借朋友A本旅遊書睇, 朋友A只好無奈地借俾佢. 由總站搭到總站, 搭左個幾鐘. 望出窗外, D景跟本就同著名列車遊戲<電車Go!>一樣! 之後係上野轉JR 山手線到神田, 再係神田轉中央線到新宿, 用左大半日. 係火車站買左扭樽蓋版既Fanta提子汁, 好過癮. 係新宿行去hotel Sun Lite, 行錯左, 問人先知調轉方向行, 又行多幾個字先到左新宿五丁目既hotel Sun Lite.
放低行李後, 去左買電話卡, 行左陣新宿三丁目. 成條街都係靚女, 全化妝, 落左妝唔知會點. 全金/啡毛, 高瘦, 差不多冇黑毛同豬扒. 新宿三丁目係一個旺區, 基本上係由N 條百德新街組成, 非常熱鬧, 當然條街正好多. 地下除左煙頭外, 可以話係冇垃圾, 旺區都可以咁清潔真係好難得. 路面寬闊, 唔會有香港擠得水洩不通既情況出現.

車輛唔多廢氣, 空氣清新. 日本天氣唔潮濕, 個人特別乾爽. 但交通就好危驗, 行人綠燈如果冇人行既話車可以照過, 同埋成日都轉定彎見到派出所顯示該區2死18x傷, 好可怕.行左去歌舞伎町二丁目, 好多馬佅, 或者可以叫做promotor, 因為個個都着老西的. 兜左陣去左間麵檔食野, d 拉麵好正, 特別係湯底靚麵彈牙. 食完又返左新宿三丁目, 去左TAITO 間機舖參觀, 好貴, Thrill Drive 2 成HK $7. 又行返去歌舞伎町果邊, 俾個黑鬼係咁追住promo, 問我地邊度黎, 我地扮唔識英文. 佢又問' Hey guys, where are you f＊＊king from ? 好煩, 朋友B 扮傻地答: I can't English. 行左去電器舖, 見到d 手電好平, 幾千yen 就有部, 計番都係香港幾百蚊. 部部都係摺機彩芒影相, 如果唔係制式唔岩, 我實買部返返香港用.返到酒店發現張電話卡唔work, 打唔到返香港. 由於朋友A果張用過, 所以冇得換. 電話費好貴, 打返香港差不多$9/ min. 沖個涼又同朋友B 出左去, 朋友A就留係房訓. 同朋友A 係附近行左兩粒鐘到就返房, 見到街邊有人賣酒味提子, 好貴, 一盒成HK $700 !!!!!夜晚要煲水飯, 但最煩係水煲細. 睇埋奧運男子100m 自由式final 訓, 超正.