遊記數目 
上載相片 
上載影片 
Map Code: 33157264*06~附近有幾個有料停車場
沖繩縣那霸市松尾2-10-1 Tel: 098-867-6560
營業時間: 早上9:00 ~晚上20:00
http://www.odnsym.com/spot/kousetu.html
地方及運作形式都有點似香港既鯉魚門, 在一樓有很多賣海鮮既店舖,大家只要係一間海鮮店選購好海鮮付款之後, 他們就會帶你到二樓佢地相熟既食店負責加工.大家既加工費都係一樣3樣材料每人就收500YEN相比香港真係叫抵啦
這裡有別與其他漁市場可以有加工海鮮可以刺身又可以煮熱食提供俾食客. 好似同行既友人唔係太全食刺身這些冷食, 此處可以提供少少熱點都食得舒服一點. 加上有位置可以坐低會比例舒服一點.以多日來漁市場, 我會覺得這裡食野會比較舒服一點而且又提供熱食. 一樓都有7-10間海鮮店舖選擇, 不過大致上海鮮種類都係差不多, 最後我地都係選左間識講國語既店舖方便溝通.
如果大家想試沖繩名產夜光貝二食既話, 相信只有這個市場必無他選. 我見其他漁市場就算有這個夜光貝, 但唔多覺佢地可以提供二食俾大家試下.
一般預算買料加工大約每人都要5000YEN左右(如果大家叫得多海鮮又另計).當日我地都係點左3樣海鮮再係二樓食堂叫左一個小炒而計算.
2)泡瀨漁港:
Map Code: 33565310
地址：沖繩市泡瀨1-11-34（泡瀨漁港內）
電話：098-938-5811
營業時間: 早上10:30-晚上6時(4-9月)
早上10:30-晚上5:30(10月-3月)
http://market.okireci.net/payao/
以專程來食海膽醬焗龍蝦定食而來,地方細細亦只有一間食店選擇, 再後方就係選購刺身, 當地人選購魚類, 蔬果, 醬油.地方細細. 形式似FOOD COURT大家點好食物後, 自行找位置坐下等叫號碼出去取餐, 而且有提供免費茶水都係自助形式.
純個人口味,個海膽醬太重奶油味反而食落一點海膽都無, 加左龍蝦上更加蓋過龍蝦本身既味道,而且覺得龍蝦肉唔算太新鮮唔算太彈口...只覺得一般.建議如果真係想來, 不妨安排3時-5時來試就可以, 3時-5時一客龍蝦定食就減至1200YEN一客(原價1700YEN)
至於旁邊既刺身都只屬一般, 係新鮮呀不過唔算特別鮮甜略嫌無咩味道加上刺身選擇不多.
一般預算每人1500-2000YEN左右. 當日我地2人只係SHARE左一客龍蝦定食及點左2份刺身,所以當日平均每人都只係1000YEN.
3)泊港漁市場:
我只係在這裡及遊食來見到有, 大中TORO買既漁市場. 難得來到更係要食肥美既TORO, 都唔貴呀..大TORO都係1700YEN又肥美味呀...不過此終都係第一次令人難忘, 此終覺得我第一次食既美味很多. 點都好此終係日本食TORO係最好美, 就算係香港想花多D錢都好似無係日本咁好味咁.
這個漁市場相比之前果2個更加企理乾淨既咁感覺, 大約有15-20間鋪頭啦...市場內有一間食店係提供座位及叫餐服務. 另一小店就有買D杯麵, 便當, 飯團等以當地人買來用餐居多. 其餘店舖都係單單出售刺身為主. 仲有2間就有提供少量海鮮炸物.
當日除左有食到大TORO之外, 我地仲買左海膽, 一件炸魚塊及2件飯團來食.我地買左一盒1100YEN既海膽鮮味非常, 就算係香港食到既加拿大海膽都不及這裡既美味令人回味無窮.
至於這既炸物大家真係不用浪費胃容量, 此處既炸物不知為何粉漿異常厚身每一啖都只係食到D炸粉味道完成食不到魚塊.
至於唯一小店買既飯團一盒2件是野菜飯團味道都唔錯只係不知為知非常多油, 不試也不可惜. 只係我地二人胃口不算大, 又想食多少少刺身先選擇飯團而代替買一盒壽司.
這裡只有尾後有提供一張長枱6張椅子對著牆既食用地方, 相信如果多人來都未必咁易有位可以進餐. 就算當日不算多人, 那6張椅子都已經坐滿人, 幸好我們是其中2個人, 所以這裡用餐唔算太方便.
一般每人消費約1500 - 2000YEN左右, 有幾間店都有提供1000YEN任選3款刺身, 亦有些500-750YEN既壽司選擇.
當日我地點左大TORO, 海膽, 飯團,平均每人都是1500YEN.
4)遊食來
地址: 日本 沖繩縣 糸滿市 西崎町 4-19-1
電話：098 992 1030
營業時間:早上10:00-晚上10:00
http://www.yukura.jp/
距離機場只約二十分鐘車程的遊食來，是一個集菜市場、魚市場、手信店及美食中心的物產市場. 每個市場都分開一個位置, 好似菜市場就位於後方以當地人居多. 不過內裡都日本酒出售價錢就不太清楚相比機場好像便宜少許.
菜市場附近室外地方有幾檔車仔店賣拉麵等熟熱食.
前方就分別為美食廣場亦有一間壽司食店, 還有3-4檔食店以FOOD COURT形式運作. 另外美食中心連同手信店亦在同一地方, 如果大家仲想買手信這裡都提供少量手信. 不過價錢又唔算太低同機場差不多, 而且選擇亦不多.
最後就係魚市場亦是我們來既主要目的, 不過只有5-6檔店舖唔算多選擇, 這裡亦只有一間有TORO買賣樣亦不及泊港漁市場吸引. 這裡都有2檔買生蠔, 但當日見到有生帶子當然要試下估唔到鮮甜無比肉身亦有少少爽口, 值得一試.
此處亦有一檔有1000YEN3份刺身, 壽司同樣500-800YEN一盒當中有海膽, 魚子壽司非常抵食,而大大盒既什錦魚生飯都係500YEN亦有魚子.
另外此處亦只有唯一一檔有提供墨魚餅串,炸豚肉串. 其實經歷過上次係漁市場買過一件炸魚之後, 對佢地既炸物都有點失去信心, 小試牛刀每樣只叫一串之後, 最後我與友人都要追加多一次先可以收口.這裡既炸豚肉串真係值得推介.
環境方面這裡同樣整潔乾淨旁邊都有少許長椅子提供俾客人休息, 而室外都有很多枱椅提供給食客在外用餐. 當日我地亦見到有人在魚市場買了食物後到美食廣場內進食. 這裡用餐都算幾方便.
一般平均每人都預算1000-1500YEN左右, 以我們點左一客什錦刺身又有海膽, 三文魚, 吞拿魚,魷魚, 另有2款魚都只係1400YEN左右, 另外再買左一盒魚子都係380YEN這一個真係非常抵食必買!!!又係再買左個一個飯團來配魚生, 清淡既三文魚碎飯團再加上爆汁既魚子非常配合.此處既什錦魚生亦同樣美味, 起碼今次我地都食到刺身有魚味.
一般每人平均消費亦1500-2000YEN左右,以我們為例一盒什錦刺身, 一盒魚子, 飯團, 炸物串等每都係需要1400YEN左右.
後感: 今次旅程去左4處不同既漁市場, 我與友人都比較喜歡最後一站既遊來食. 無論魚生鮮美度都係這裡比較有魚味. 雖然佢係4個漁市場最少店舖既選擇, 但魚生種類選擇都多.
另外值得食就係最估唔到既墨魚餅串及炸豚肉串.
至於用餐位置都算多, 室內外都有位置.
另外就係店舖都會主動提供醬油, 餐具. 好似我係泊港市場買一盒海膽都沒有提供醬油及筷子要問才只給我筷子.
如不是能食太多生冷食物, 又可以走到FOOD COURT點個麵點來暖暖肚亦叫方便
加上近機場, 算係最後為個肚子衝刺之地及最後一站血拼地.
2013-09-11
0 個留言
| 加入你的留言