關西機場>酒店(美國村附近)>道頓堀>酒店午睡>心齋橋>酒店
第一次選搭Peach airline, 買飛訂酒店一take過, 好方便
因為票價關係, 所以決定玩足8日7夜。
日頭返工, 夜晚搭凌晨機, 盡用時間。
冇考慮機場餐廳關店時間所以求其食飽左就等上機。
有少少delay, 飛機座位亦如意料之內, 好窄。
3小時多的飛行時間都瞓得唔好, 真係一分價錢一分貨。

05:10am抵達關西機場
整個停機坪都係peach的飛機, 可以近距離見到成架飛機
領行李、過關、一切都好順利, 乘免費巴士去terminal 1轉乘南海電車。
途經旅客中心及JR櫃台都買埋所需的pass。
搵酒店無難度, 只係下午3點先有房, 唯有放低行李去搵食。

時間仍然係好早, 道頓堀好多店舖都未開門。
見到有八爪魚丸, 即刻買盒試試, 有脆米做材料的。
金龍的大招牌在不遠處, 行快幾步買飛試了一碗。
為了試更多的日本美食, 絕對要堅持少食多餐原則。
然後我地又來到必食之一, 蟹道樂, 叫了一個「白露」套餐。

由於疲憊感於進食後愈加益發, 於酒店拎房後決定奢侈的午睡一會。
回復體力後又外出搵食。
先到道頓堀川的一蘭拉麵, 由於其單座位設計, 兩人不好意思只叫一碗拉麵。
幸好時間尚早, 不用排隊, 而且拉麵份量不多, 稍後於心齋橋筋逛到力盡後再覓食。

酒店>法善寺>黑門市場>den den town>心齋橋>酒店

今日行程主要都是shopping。
早餐是昨晚於mister donut 減價後買的。
日本實在有太多寺廟, 連市區內都可找上幾個。
經過法善寺的夫婦善哉, 沒有試它的紅豆丸子湯。
於黑門市場吃個天婦羅, 可惜放久了有點凍
也有很多手信店舖, 隔著櫥窗望著師傅弄新鮮的菓子, 餡料是非一般的多。
亦設有試食區, 我倆都吃個不停

經朋友介紹去試四天王及神座拉麵。
逛了附近的sportaka 和手作百貨公司。

酒店>大阪城>天守閣>天保山摩天輪>聖瑪利亞號>天保山market place>阪急三番街>梅田sky city>酒店
酒店>環球影城>universal city walk>道頓堀dinner>酒店

Day3 落雨...
天陰陰影咩都唔靚 而且太晏起身...
天守閣試左武士體驗, 個頭盔真係好重, 不過影相留念一流
見到有紀念金幣買, 仲可以刻字

去到天保山都兩點幾, 搵左附近民居一間餐廳食牛肉飯
買左1日pass, 好多景點都免入場費
玩完摩天輪先發覺聖瑪利亞號最後一班好似就黎開
即刻飛奔去, 又比我地上到
成程船差不多45分鐘, 如果天氣好可以上甲板影風景

肚餓又去了market place入面既北極星食蛋包飯
個蕃茄味雪條唔錯
下一站去阪急三番街逛下, 比我見到菇菇產品, 忍唔到手買左幾件
往梅田sky city時候迷路, 問便利店店員又唔識英文
最後都係靠自己搵
上到最頂, 好大風(不是太浪漫), 感覺日頭時影相應該更壯觀

行冤枉路太多, 體力消耗得快
回程去道頓堀搵食
時間接近10點幾, 都擔心冇餐廳開到咁夜
好在比我地搵到光明 - 薩摩之子拉麵

Day4 全日環球影城

冇另外加錢買express pass
未出發前於香港旅行社買左入場券
淨係搭車都感覺到USJ會好多人
唔明白點解咁多日本人唔使番工番學
ticketing counter 已經爆多人排隊
排隊入場情況更甚, 因為有全年證的要經過face detection呀

計劃是先玩了最好玩的, 有時間才玩其他
蜘蛛俠、侏羅紀公園實在不得了
午餐試了園內的餐廳, 百幾蚊一個飯
排隊玩完hollywood dream之後就睇parade

去citywalk 的八爪魚館吃たこ家道頓堀くくる
太多選擇只能選一間
途經moomin奶茶又買了一杯熱抺茶
在車站面前的空地有魔術表演睇
不諳日文的我們都停下來欣賞

目標今天晚餐是吃燒肉的
但沒有做足資料搜集
吃了貴貴的, 套餐內包的兩款牛內臟都是怪怪的...

酒店>奈良>三条通>奈良公園>興福寺>猿澤池>春日大社>東大寺>衹園>難波地下街>天神橋筋>酒店

打後三日開始遊京都奈良一帶
今天開始用3DAY PASS, 但是原來買錯了JR, 非KTP......
怪自己第一天未瞓醒

經閘口時有一個外藉家庭問路去USJ, 剛好我地昨天先去玩過
就扮成日本人帶他們一家去轉車, 幫到人好開心
他們說完全看不通鐵路圖, 在他們的家鄉沒有火車的

乘了新快速去到奈良, 總覺得車廂內氧氣嚴重不足
上車便很睏了
於奈良公園看到鹿群, 有其他餵鹿的遊客被鹿圍
春日大社有很多燈籠, 走過東大寺去到祇園, 沿途都有些紅葉可拍照

乘JR 回到難波, 逛一下地下街
吃了一頓吉列飯
時間尚早, 後加了一個景點, 天神橋筋
和心齋橋筋同出一徹, 一樣望不到盡頭的
之前網上見過有推介的地魚屋台, 但又想來一頓SHABU SHABU
所以放棄了魚生

酒店>京都JR站>清水寺>清水阪>地主神社>高台寺>円山公園>八阪神社>二条城>錦市場>酒店

京都站有巴士轉乘, 但遊客中心職員沒有提示我們可以買巴士PASS
每程巴士劃一$220
搭3次已經抵返
清水寺好宏偉, 如果全個山頭都被紅葉, 實是蔚為奇觀
清水阪沿途都看到女士穿上和服, 亦有幸見到藝妓
原來她們頸後都要化妝的
地主神社求姻緣的, 我倆都上去沾一沾福氣

二条城都不難去的, 不過要考慮關門時間
入場費600円
如果懂一點日本歷史的話, 這是值得參觀的
不夠30分鐘就出來了
趕去錦市場時很多店舖都關門了
有間章魚燒仍然人氣旺盛, 所以走去幫襯了

回到難波, 選了若狹家魚生飯為是晚的句號。

酒店>JR馬堀站>嵐山觀光小火車>嵯峨野竹林>野宮神社>嵐山大街>天龍寺>渡月橋>嵐山公園>神戶harbourland>mosaic garden>酒店
酒店check out>杯麵發明館>心齋橋買手信>關西機場

day 7 嵐山+神戶

參考了經典賞楓路線, 決定跟住行。JR Pass如要馬堀站出, 要補180円的。
龜岡站好容易找到, 雖然有點寒, 仍然決定買5號車廂立席票。
沿途見到有保津川遊船玩激流, 風景一流。
到嵐山站下車, 即刻去車頭影相。仲同左車站站長合照。
山上明確凍好多, 一見到有小食亭, 買左碗烏冬同蕎麥麵暧胃。
行入竹林, 感覺恬靜優雅。
路過野宮神社及天龍寺, 直接去渡月橋。
期間不斷有人力車在身邊走過, 懂日文的話聘車手做導遊很不錯。

由西面去東面, 到達神戶已經入黑。
6點幾街上已經很少人走在街上。
夜晚的神戶很浪漫, 因為臨近聖誕, 到處都有燈飾。
走到了mosaic garden, 目的是去fisherman's market吃自助餐。
2700円有長腳蟹食是很不錯喇, 但種類不能和香港的比較啦。

day 8 - 杯麵發明館

路上的指示牌有誤導嫌疑
走了一段冤枉路, 最終發現原來是南站的另一邊方向。
幸運的, 館內並非如網上說的超多人。
參觀完, 當然要自製一個杯麵帶回家。
畫畫實在一大難題, 館裡提供的是粗頭筆, 畫不了細緻。
結果製成品像幼稚園學童的勞作
走上二樓就是一班小學生在體驗學整麵底, 很有趣!!
回到地面的堂食區, 在販賣機買的兩個杯麵味道都很普通。
急不及待前往附近的一風堂食第6餐拉麵。

飯後回到心齋橋作最後衝刺。
最後留在大阪的一天, 天氣是最好的。