披星戴月的四天旅程, 就由零晨機開始. 一落機, 只係二時多, 又沒有訂酒店, 怎辦呢?? 之前已想好去行義路一帶的溫泉, 那裡有部份係二十四小時開放的.

我們就搭的士去吧. 到著後, 已係差不多三點了, 因為係夜深緣故, 一個人也沒有, 好似包咗個私人溫泉咁, 正! d水仲係超熱添... 唔好睇呢度細細地, 較簡陋似的, 其實呢種先係平常老百姓常常來浸的. 只收nt150 便可一嚐溫泉鄉, 真係唔錯架. 浸一陣, 又再抖抖, 如是者浸了差不多兩個小時, 當然係, 抖的時間多d. 浸完後, 倦意一掃而空, 開始那陽明山櫻花之旅.

其實我們就住係北投一間小溫泉旅館, 所以每天也會經過這間博物館, 第一天晚上, 回來路經, 覺得夜景好靚. 忍不住拍下了, 今早再出動去參觀一下.

去完鼎泰豐, 面對完萬人空巷的場面後, 再往前走走, 不消幾分鐘, 便到了名店冰館. 位於轉角位, 大大的黃色招牌, 很易認.

兩個人, 也要等等才有位, 急不及待的點了刨冰. 真係唔睇相, 我都唔信, 點會點了兩個架... 兩個人剛食完鼎泰豐喎?? 再回心諗諗, 係叫了個三色刨冰後, 大讚, 忍不住再encore 一客士多啤梨刨冰. 

三色冰, 有鮮芒果, 士多啤梨和奇異果, 上面仲有一個好似芒果撈野的球, 加淋上鍊奶, 淨係賣相, 已經滿分. 奇異果一般, 但芒果和士多啤梨都好甜, 好鮮味. 係上等貨色. 那芒果球, 充滿芒果肉和果香, yummy!  係最特別的地方.

士多啤梨實在太甜, 太好甜, 令我encore 多個淨士多啤梨刨冰. 以為會配士多啤梨波波, 估唔到都係芒果, good!

我們住係北投那邊, 要趕搭08:37 由台北車站開的火車, 所以7:30 便前發了, 因為台北車站都幾大. 驚行都要兩三個字.  幸好一抵步那天便預訂了車票, 只見好多人都係企位. 嘩, 都差唔多一小時的車程, 企都幾腳得軟.

抵達瑞芳後, 再轉乘往平溪的小火車. um... 小火車的車身印有好多得意的圖畫, 好colorful 和開心似的. 

好快就到咗平溪啦, 一出火車站, 其實只係得個月台仔, 就可踏足火車軌, 還可肆意咁企係路軌影相...haha, 好free 呀!  

走了約十多分鐘, 十分瀑布便呈現係眼前. 瀑布較想像中細一點. 當然啦, 呢d 係攝影技巧, 攝影師當然有本領能拍得比實物更壯觀. 但水流還挺急, 水聲和感覺都算幾澎湖. 最開心的係影影下, 仲影到水中有彩虹, 仲俾我用部超傻瓜的機影低咗....   

這個瀑布, 唔算好大, 但若想體驗一下寧靜的台北市郊, 呢個會係一個幾好的選擇. 其實他們晚上有放天燈, 但礙於行程緊密, 下次有機會真係要放番個. 若幾十個天燈一齊放上天, 我估都會幾壯觀

本來之前plan 的時候係無諗過嚟九份, 因為跟友人都已到過.  但由平溪回程到瑞芳站, 竟發現有巴士上九份. 既然順道嚟到, 無理由咁都唔去下架. 所以又舊地重遊...

九份, 唔知係咪真係由於地理因素, 次次嚟都咁大霧. 就係今早明明好好太陽, 而家都係一頭霧水咁... 超搞笑...

係小巷裡隨便走走, 吃吃, 其實沒什麼特別, 反而今次終於有沿長樓梯往下走. 終見到昔日那舊戲院啦, 當然要影番張相啦!

其實係呢度最啱悠悠閒咁坐低嘆杯茶...

老實說, 那年, 若不是因為101剛剛開, 倒沒什麼興趣去... 其實除了樓高101層外, 它根本係一個不折不扣的shopping mall. 若刻意前往, 可不必了.