第1日黎沙巴, 已經差吾多11:00, 搞埋手續去到酒店經12:00, 上完房放低行李即刻去樓下既富源試下好出名既拉茶同埋kaya多士
拉茶都ok既, 夠滑又有奶味, 但係茶味就好似無香港d茶記咁好..
kaya多, 好香甜, 加埋塊牛油係裏面, 爆脂都要食
1杯拉茶, 1件kaya包 1件kaya多, 埋單rm5.1, 都算平, 係香港1杯凍奶茶都$12~
食完就返上酒店, 覺覺豬, 期待去明天既動物園

今日係其中一個重點行程, 去lokiwai 動物園, 依家同小朋友去旅行, 必到景點就係動物園
地方吾算大概, 11:00睇完動物show之後, 再沿動物園一路行, 一路睇下動物, 一路影下相, 1:30就行晒成個動物園, 但係天氣實在太炎熱, 真係有d吃不消, 好彩帶定帽同埋遮, 如果吾係實中暑...
小朋友一路行, 一路叫好熱.... d汗水成粒黃豆咁大...
行到咁上下去左個士多休息下, 食下雪條...
梗係要試榴槤雪條啦... 好好味呀, 好濃既榴槤味, 簡直一試愛上左~~
再行多陣就出番加雅街食飯, 去試左好出名既味雅雞飯 (其實佢既地址吾係加雅街)
個飯好香好軟身, 吾係d爛飯咁, 呢d有味飯, 無餸都可以食兩碗..
碟雞其實無乜雞味, 不過真真係好滑, 再加埋咁熱天時必飲既桔仔冰... 真係個人即刻cool down~~
由於天氣實在太熱, 食完飯要返酒店抖下, 小朋友义下電, 夜晚再去食海鮮.
我地去左雙天.. 揀左龍蝦, 奶油虎蝦, 灼花螺, 炒樹仔菜, 炒飯..
每樣食物都好好味, 尤其是個奶油虎蝦, 個汁都係又creamy又有少少辣... 我食炒飯果陣都畢d汁去撈飯食, 仲有個樹仔菜, 好爽, 有d似豆角+芥蘭既混合體, 好爽脆, 好好味
食完仲有個椰子布甸送, 好清甜, 又吾會死實實咁...
呢餐真係好滿足...

今日轉酒店, 住magallen hotel, 呢間係resort, 真係好大, 個泳池又有兩條sir滑梯, 岩晒小朋友 (可惜我個小朋友驚) 
check in完即刻就換泳衣去游水.... 一見到個泳池已經想衝埋去, 望住個海, 好好feel~ 
小朋友游到吾想走... 泳池有得賣椰青, rm11, 但係吾好飲既, 少少酸, 又無香港果d咁清甜...
游完水我地夜晚去左加雅街 (係呀, 又係加雅街, 基本上果度係最多野食既) 食佑記肉骨茶,
其實夜晚既加雅街d舖頭基本上都關左門, 去到佑記, 多人到......>.<
等左一陣先有位, 雖然有晒吊扇, 但係都好熱下...
一坐低叫左兩個肉骨茶, 但係其實都吾知兩個肉骨茶係包d乜, 個伙記係咁放低晒d食物, 3碗湯, 1碗排骨, 1碗豬什, 幾碟豆卜, 油條咁....
第1次飲肉骨茶, 幾好味喎, 好香既藥材味, 但係又吾苦架喎...d 油條點落d肉骨茶度索下d湯, 好yummy呀... 連小朋友都鐘意飲~~  d排骨煲到好淋, 好入味...
雖然咁熱, d湯又係好熱, 但係真係一定要試~
後尾係超市都有買包肉骨茶返黎煲, 吾知有無知記咁好味呢?  wakaka....

今日活動:  雙島遊
係酒店食完早餐, 報左名就行去碼頭出發, 每1小時1班船,吾怕無船去玩~
夜晚去左好多blog友都激讚既toscani @ waterfront
叫左個頭盤, 白汁肉碎扁意粉, 蘑菇湯, 炭燒虎蝦, 薄荷lemon tea, coke
個頭盤有1隻焗蘑菇, 都幾大隻, 幾juicy, 吾會乾爭爭
蘑菇湯正如blog友所講, 好濃味, 好似用左好多蘑菇做湯咁.... 好creamy, 好稠身, 好好味呀!!!!
炭燒虎蝦, 呢度既虎蝦仲好味過雙天, 又彈牙, 食到蝦本身既味道
白汁肉碎扁意粉, 嘩, 呢個都係好好味呀, 個白汁, 好似奶油咁, 又香又滑, 真係要叫個白飯黎撈先得呀。
叫左咁多野都係hkd$4xx, 好抵, 仲要有個無敵seaview伴住食, 好好feel, 但係耐吾時有d 臭味lo~~~~~

今日係最後1日係沙吧lu....
每次去旅行到最後1日, 實會有d失落感, 但係又好開心可以返hk喎~~  (真係好矛盾)
今朝係酒店食過豐富既早餐就留係酒店hea呀, 周圍行下, 餵下魚, 影下相咁... (仲靜雞雞運走左幾個面包去碼頭餵魚)
沙巴真係好熱, 小朋友係陽光底下玩左吾夠5分鐘已經大汗淋漓,  即刻lei埋係太陽傘下抖一抖~
沿住酒店海邊既小路去碼頭餵魚..  果度真係好多魚仔, 有d係個身有間條紋既, 好得意, 又有好多海膽係度... 吾知d海膽可吾可以撈黎做刺身呢?  餵左一陣發現吾對路, e 點解d面包咁大陣味既?? oh, no.... 原來其中一個係蒜蓉包呀。 魚魚呀, 魚魚... 吾好意思呀, 吾知你食完之後會吾會有口氣呢??? wakak...
跟住上房休息一陣就夠鐘check out 勒...
由於未夠鐘出機場, 咁我地決定又去加雅街度搵食, 今次係試怡豐隔離果間五星雞飯... 睇下味雅好味d抑或佢好味d~
叫左taxi 司機先車我去地加雅街食飯, 等埋我地再車去機場, 盛惠rm60, 仲貴過餐飯~  算啦, 鬼叫自己為食咩, 酒店又得番間意大利餐廳lunch有開門, 但係之前一晚先食完意大利野...
去到五星, 即刻叫2個雞飯, 1杯奶茶, 1個魚丸湯...
雞飯d雞個汁好味過味雞, 濃味少少, d雞就無味雅咁白雪雪 (雖然兩種都應該係雪雞, 但係五星果d雞有少少'血色'囉), 個飯就五星夠味d, 但係太濕, 我吾係太鐘意d爛雞咁~~
杯奶茶完全無味, 睇個色水都知淡茂茂咁, 早知係怡豐買杯外賣好過(吾知有無呢),
個魚丸湯就好好味, 個湯好清, 少少葱花, 少少生菜(真係好少架咋), 有d似滾湯咁.. 而個魚丸就好彈牙好爽口, 仲有魚味, 細細粒容易食, 最緊要個湯夠熱, 個人覺得d湯吾夠熱就算幾好飲都會扣左分~
食完呢餐最後午餐就搭的士出機場lu~~~
沙巴, bye bye!!!!