一落機已經係夜晚
因為好少見亞航有黑色機，好多人一落機就影相，一邊影一邊比工作人員趕 ... 唔通幫你地宣傳都唔得 ?!

去到得返三幾抬,好彩燒雞翼未收檔
好味到 晒咀, 雖然好多人都會推介係海鮮檔旁o既燒雞翼
但係哩間o的味唔同，香o的，當然係加多左香料啦 ~

除左燒雞翼姐姐之外 哩度o的人唔識英文，不過我地指手劃腳都無問題

哩度係熱左o的, 唔賣啤酒, 話政府唔比喎... 不過有好多其他冰涼選擇，我杯桔仔冰就大杯到飲唔晒啦

第一日食 Imperial (房費包左o既)早餐
早餐係頂樓, 景觀ok，但係唔知點解出面要有個圍牆遮左一半景
完全唔想再上來食 ... 又唔係話難食o既，不過都無理由凍啦
食物一般, 有放係熱盤o既食物都係凍~唯有即煎蛋同熱茶/咖啡係熱o既

個早餐唔好食唯有落街
途經 急凍/乾貨海鮮舖 -> 亞比中央菜市場 -> Centre Point

急凍/乾貨海鮮舖 好吸引，價錢起碼平香港一半，不過哩o的更係最後個日先買啦

亞比中央菜市場 一見到街市就想入去，雖然係熱左o的不過入到去都算通爽 入面每個檔口通常會主打一種貨，賣西瓜就淨係賣西瓜，賣芒果就淨係賣芒果...

Centre Point 最好係地牢個超市，入面應有盡有

令外我地發現唯一有華人按摩師父o既按摩店，而且都係最平o既
點解要搵華人按摩師父 ？! 因為當地人完全滿足唔到我 .. 隻腳 ~

哩日主要行程係下午出發o既長鼻猴 + 螢火蟲

join 左 local tour，由酒店出發，沿途會係小食店停下歇下
小食店都好企理，不過要去洗手間就要比 $$ 啦

導遊有問必答，好好人，而且越傾越開心
去到水果店仲請我地食水果添

local tour package 包o既下午茶都唔錯，有之前o既串燒同炒面
去到紅樹林更係多蚊啦，我自己就不留唔惹蚊，不過我隔離個小朋友就 ....
睇婆羅洲獨有o既長鼻猴要帶備望遠鏡，我地更係無帶啦 .. 不過導遊早有準備~

今次除左見到長鼻猴同螢火蟲
仲有微雨後o既雙彩虹，真係夠晒浪漫

食過間單o既自助晚餐
我地就出發搵螢火蟲喇~
夜晚有o的涼，不過著住件救生衣都頂到下 ~

最 ok　都係個蝦 同沙白
蝦係比較普遍，不過多肉，無沙，鮮甜o既沙白就唔係時時食到
其他野可以 Skip ~

哩晚去左當地人開o既按摩店，因為老細趕住收工，我地淨係可以做1個鐘。
師父手勢ok，多野講，又 nice ，不過對骨精來講就唔係好夠力
我見師父都滴晒汗，就費事再叫佢大力o的啦 ...

Imperial 有 2 間，聽講International 新o的 所以揀左哩間
酒店房間企理,夠大,床又OK舒服
服務員好有禮貌  Check in Check out 都可以叫佢地幫手拎野

不過一入房發現無拖鞋,牙刷毛巾shampoo都係得一set,浴缸有爛同污積,毛巾唔係爛就灰色…係個洗手間比搞 dirty，o的毛巾灰灰地

不過之前係其他網站睇過 comment，有心理準備，無乜失望

係沙巴 2 日都無搭過車，地方好細，一般行2-3個街口就到

味雅 出名食海南雞飯，雞滑飯熱 唔重味精
沙巴大部份食肆都係 open kitchen 地方乾淨
杯桔仔冰飲極都仲有 ~ 最後都係飲唔晒

怡豐茶室以即叫即整煲仔飯聞名
大熱天時食煲仔飯  真係唔係個個得
我就無咁o既能耐喇 ~
今次淨係淺嚐喇沙，都幾大碗落足料架 (2 個人都食唔晒一碗)，辣椒醬一般辣

到左啦到左啦到左啦~
酬備多月，終於來到
如果來Sipadan潛水 Sea Venture 真係不二之選
每晚酒店價錢不蜚，我地來到 Sipadan 已經係晏晝，但係都唔好洩比佢，一於潛左先

哩度個個staff / diving master 都好 nice 好 helpful
設備/equipment 又齊
有幾個 diving master 都識講中文 ~
o的房都好企理，但係無窗
冷氣夠勁

要提一提係哩度沖涼水有少少鹹，毛巾2日先換一次
如果哩 2 樣野可以改善下就 perfect 啦

BBQ 雞翼 海鮮任食
啤酒自費 RM8

要等到 7：00 幾先有得食，哩樣野真係唔係好掂

潛完水更係勁肚餓啦
晚晚都係餓住等開飯，而且要眼明手快 ~ 唔係又要等第二輪 ...

Dive Master 同我地講，我地好 lucky 到左第二日已經可以去 Sipadan
第二朝要 5:00 集合，真係唔係講笑

同行有個外國人，話明今次想睇鯊魚
我即刻呆晒，完全未有咁o既心理準備
不過到真係見到個陣又好似無乜野 ...

快餐已經唔吸引啦 ... 仲要係凍冰冰
不過無乜得揀，唯有飲多背茶暖下胃

無胃口都要填包個肚，皆因我地傾下傾下大家都覺得 3 個 dives 唔夠 ...

下午我地返左 Sea Venture 食個 lunch
之後每人加多 RM100 落多 2 個 dives
今次真係乜都夠媲啦

Kapalai 本身係水腳屋酒店，酒店下面已經係潛點

由於 Kapalai 同 Sea Venture 唔係太遠 ... 今日晏晝飯就唔使再捱快餐啦 ~
o的野食 O 唔 OK ... 咁就見仁見智 ...

Mabul 哩度似乎多野睇過 Kapalai ~
有團友住 4 晚，有3 日都係潛 Mabul，真係潛極都仲有
比起Sipadan ，Mabul 哩邊睇o的細少o的o既生物，而且可以夜潛
不過 Dive Master 話，上年哩度都有大型鯊魚出現過

最後一晚係 Sea Venture，我地下午潛完水就去左 Mabul Island 行 .. 個度o的人好樸素
有個小朋友見我拎住支野飲，就好住動咁手指指問我囉
之後佢就比其他小朋友"圍捕" 啦 ~

雖然有好多小朋友連衫都無得著 (定係有衫唔想著)，不過佢地個個都玩得好開心架

我o既第一次就係係哩度 ... 我係話見到流星. 有張相係係Sea Venture sun deck 影
個天好黑，周圍好靜，有海風吹埋來
好舒服，有o的唔捨得走添~


哩晚係最後一晚係Sea Venture , Dive Master 好熱心幫我地寫  log book
我地玩到顛晒，到深夜3點先散 band

---
斗湖地方一樣清潔
因為要等晚上 21:00 機，我地係斗湖街行左一圈
有超市，街邊小食，生果檔，按摩店...

當中即煎牛肉包令我最回味
由於友人話唔係好肚餓，所以淨係買左一個來 share，點知... 我咬左2啖，回頭想再食，個包已經比人KO 左

經過 Addi  專門店 ~ 一場來到就入去兜個圈啦... 哩度買都唔平，無著數。點知Sales一知道我地係hk 來就係咁雞啄唔斷，話好想來hk。

斗湖海鮮比 kk 平少少，但係款式同服務就 kk 好好多(好多好多)

因為晏晝已經食左好多野，晚餐淨係點左蝦，蜆，o的蜆有一半都有沙
服務員勁"諧"面，又悔氣，唔知係咪唔憂做，搞到我地都無乜胃口

下次都係等轉機去返 kk 先食

斗湖機場有快餐店，急凍食品潛水用品店，可訂 Sipadan 附近酒店
好方便

太多相~ upload 唔晒，哩都實在太多選擇
我地雖然已經飽飽地
不過哥仔熱情推介，我地都點左kk 獨有o既七星斑，(又係)蝦

今日晏晝食過乾奶油蝦返尋味，晚餐最後衝刺試埋濕奶油蝦 **好正，2 樣野都會下次encore**

去到富源主要都係試下多士奶茶
見到沖茶師父沖杯holick 都全神貫注，真係有o的感動

菲律賓市場 並唔係指 菲律賓賣野 / 買野o既市場
個都度賣手工藝品為主，仲有其他水果，乾貨海味，零食雜貨店

我都買左o的珍珠手鏈，心口針做手信。
哩度間間款式唔同，仲可以講價添。

之前行街都有去急凍海鮮舖睇過價錢，其實同豐成差唔多
豐成一般平少少，不過勝在流量快，產品選擇多，有華人伙計同你逐一講解保存及烹調方法，
而且售後服務同樣周到。
哩度會幫你用箱包得靚靚仔仔，可以keep 5 個鐘。如果你搭夜機，仲可以晏o的送去機場比你添。真係服務周到。