早上4:50到達仁川國際機場，之後換Won及買T-money....不過匯率比上年聖誕又貴了...HK$1對140Won.....之後搭機場巴士去金浦機場寄存行李，5000won一個細行李。

由金浦機場去地鐵站非常方便，只係落下一層，再行大約250m就到...然後轉搭地鐵去東大門站。

見時間尚早，於是係GS便利店買紫菜卷(김밥)及香蕉牛奶(바나나우유)作早餐......超正。食完後，就行附近的昌信洞文具玩具街....原來整條街都係買玩具及文具，十足十深水埗的福榮街.....超開心...
之後，獨自行下行下就去到東大門(동대문)，順便去埋附近的清溪川(청계천)。

跟着我行返去東大門站轉搭地鐵去明洞。哈哈....緊係大掃貨啦....我係skinfood買了差不多500的護膚品....掃完貨，行去明洞聖堂(명동성당)。跟着小妹行到乙支路3街地鐵站轉搭地鐵去仁寺洞。

第一個行程，當然係去Ssamziegil(쌈지길)。行到有少少口渴添....於是去了Old Tea Shop (옛찻갑)，我去到的時候，除了我之外，還有一個外國人家庭黎飲傳統韓國茶。

飲完茶，繼續四周行....行到攰攰地，去了全球唯一用韓文寫法的Starbucks(스타벅스커피)，係裏面很輕鬆的嘆下午茶....之後，行去樂園商街(낙원상가)，果度以售賣樂器為主。再行去鐘路3街站轉搭地鐵去金浦機場。

去到機場check-in後，見還有小小時間，又走去便利店買紫菜卷+香蕉牛奶。

當我到達釜山金海機場時，已經係19:08，出到閘，已經見到泡菜人係度等我。之後我們搭車去佢屋企。

今天係星期六，泡菜人放假。我們起床後，係家中吃埋早飯，就出發去鎮海(진해)。

泡菜人帶我去搭巴士，我們搭8號，很快就到達沙上洞附近。我們要係釜山西部巴士客運站(부산서부버스터미널)轉搭長程車去鎮海。我們乘扶手電梯到商場的一樓，然後通過右手邊的出口，就可以通往車站。然後去售票處買車票，原來搭去鎮海的巴士要4500won。買票後，係售票處後面1號口落下一層，就係去鎮海的巴士站。經過差不多80分鐘的車程，我們終於到達鎮海市。

我們係帝皇山公園落車。本來諗住可以看到靚靚的櫻花，但是因為之前的天氣寒冷的關係，所以令櫻花開花期延誤，因此看不到完全滿開的櫻花，有點失望。再加上韓國軍鑑"天安號"的沉沒意外，令到軍港祭的規模縮小。