文東記---一般旅遊書都會介紹
由於落機去到酒店都已經10:30pm，放底行李即刻出去搵食!! 酒店位於Balestier Road街尾，去文東記好方便!!
其實上機前食得好飽，飛機上又食左哈記雪糕，而且明天一早就要影相，所以都係唔好食太多喇，怕明天迫爆婚紗禮服要倍錢!!
去到咩都唔唸，叫個海南雞飯先講!!
海南雞飯--二人份量，每人可以淺嘗幾件。雞肉好滑，個辣汁好惹味，個黑豉油撈飯正!! 個個雞油飯就麻麻地，個口感唔好，唔夠香。整體黎講，未如想像中咁好食!
睇餐牌，全部都係小菜，咁咪好飽 不如試小食啦~
蝦多士 -- 好正呀!!! 即炸，好香口!! 原來呢個先係主角!! 唔記得3蚊定4蚊坡紙一件，折合港紙都要成廿幾蚊件，兩啖食完，都唔平，但好正!!正過香港坪洲果間喎~
炸蝦條--唔及蝦多士正，只係勝在即炸，夠熱夠香口!

拍照日攝影crew介紹我地去試下當地人會去的地方
距離酒店不遠，在Balestier Road文東記斜對面，坦白講，如果唔係佢地介紹，我唸我地唔會去的! 因為果到好似殘殘舊舊咁，燈光又唔係好夠，有d黑店feel!
試左兩樣野，都係隊crew介紹的

三撈河粉 -- 聽個名都唔知係乜，但個味道幾得喎! 有鮮魚片芽菜等炒個河粉，個河粉好滑呀!! 加上個勁辣辣椒豉油點d魚片，very good!!
蝦醬雞 -- 其實我地連餐牌都冇睇就叫左呢兩樣野，聽個名覺得應該會好惹味，初時估蝦醬雞係好似宮保雞咁上下既，點知唔係，係炸雞來的，熱辣辣，勁香蝦醬味!!! 好得呀!!!! 怕肥都忍唔住要食!!

一個food center，熟食市場果類，有少少似鵝頸橋街市果種。各式各樣既食店，大大話話都有成百間，所以要少食多間，希望有咁多試咁多!

行一個圈，睇下有咩食，最重要係睇下當地人食d咩。

水粿 ---兩蚊4舊，上面果d肉碎&菜甫辣辣地幾正，但果個粉團就麻麻喇，唔煙un的一團粉，所以最後食晒上面d料，放棄左團粉，唔好浪費quota~

娘惹粽 --- 一間叫上海豬腸粉既鋪賣既竟然唔係豬腸粉，係粽，估你唔到!! “娘惹”的意思是指馬來人和華人通婚生下的女性後代，咁娘惹粽有咩特別?? 感覺好似辣版鹹肉粽，個糯米好煩un，ok的!

螃蟹面 --- 見10間著左9間都賣螃蟹面，咪試下囉，點知出事!! 唔好味呀!! 個湯除左咸味基本上冇味的!! 個面口感唔討好，所謂的螃蟹肉又散，雪藏蟹柳的朋友，唔試都冇損失!!

食完落街行下，隨意走走，去到一條有d似女人街的街，兩旁賣的都是手信~

散左陣步，去搭mrt，即係香港的mtr，去左Little India(小印度)。呢個地方多數印度人居住，感覺上好似治安麻麻地咁，同埋地方冇咁乾淨，不過都算得去睇下既~

去完就去shopping!!!!!!! 一條類似彌敦道的地方，兩邊都係大到商場，行都夠行一日!! 一場去到新加坡，點都要去Charles & Kieth買鞋!!! 鋪入面個個女人都雙眼發光，不斷除鞋試鞋除鞋試鞋 (包括我!!!) 而個個男人都一面無奈在等等等 ……好抵呀!! 大部份鞋都係百幾二百蚊港紙，特價款再平d，仲有袋同銀包都唔錯，最緊要係作為遊客既我地有尊享退稅優惠!!!!! 抵上加抵!!!

果到有個vistor center，即係叫你比錢去坐佢地d tourist bus果d地方囉~

老曾記，周街都見到
一場黎到，咪就試下囉!

加喱角---大到呢，食完會飽架，唔係小食咁簡單，share試下好喇，少食多間嘛!!

炸蟹角 ---唔好試，炸粉團而已

老巴剎food center

靚版大排檔，好多野食，仲有live band! 去呢到既人十居其九都係食串燒的! 我地當然唔例外啦! 一入到去，勁多人捉你去佢果間鋪，我地被捉去A鋪後，決定叫少少試下先，之後轉戰B鋪!! 明智，紅衣幫268果然好味d，不過可惜，掛住食冇影底呢間…串燒有set，唔係好大串，所以叫多d都唔怕。燒蝦一定要試，好大隻呀!! 試完再試左魔鬼魚，好惹味但唔好唸住會魚有魚味，係冇的!!

食完串燒，去夜遊魚尾獅

去到新加坡，點都要影一影魚尾獅啦!! 呢到夜晚都幾靚，幾有情調，兩旁又有d café & bar，都幾好feel的。

買手信買手信，去到新加坡都係買肉乾啦
仲有買左好特別的kinder出奇蛋!! 真係好出奇，隻蛋得一半架咋，大鄉李第1次見~
合味道杯面，兩種香港冇的味，新加坡特色：叻沙!!
仲買左7彩益力多，um....味道一般，原味最好!
最後要介紹買斑蘭蛋糕，雖然綠色不太討好，但味道還是ok的!

坐一坐就講緊要成30蚊坡紙，坐半個鐘，都貴貴地~不過可以望晒四周既風景，都算可以的!

試完逸群，轉戰Killiney。就在隔離，非常方便!! 12點，全場full，見到當地人食緊粉面飯，但我地剛剛先海南雞飯完，所以都係試下其他野啦!

地道野，三角型疑似粽的，唔記得個名，老闆娘介紹的!! 味道特別，好重椰香味，有烤魚同蛋在上面的!

本來唸住再食咖央多，但點知錯誤叫左西多 好失望呀!

去左知新館，入場費多謝10蚊坡紙，適合小朋友去，ok啦，輕鬆地遊，睇下呢類museum都唔錯的!

跟住去左Night Safari，夜媽媽睇動物，買左包tram的入場票，都要200幾蚊港紙。個show幾好睇架，值得睇! 黑媽媽，除非帶靚相機啦，唔係都幾難影到動物!

Haji Lane，潮物街，街旁有食水煙的鋪頭，不過我地冇試~

呢到賣晒野都好潮，有貴有平啦，年輕一族可以行下，唔買都睇下啦，鋪頭既佈置好特別，各有特色!

經過Malay Heritage Museum，過門不入，因為見冇乜野睇，但入場又要幾蚊，所以o係門口個花園影下相就算喇~

又係時候食野，food center啦! 今次係Hong Lim

興記加喱雞面--- 十個good! 如果你鐘意會咖喱，呢個係必食之選!! 入面d薯仔好林好入味架! 最失敗係叫左面，應該叫咖哩雞米，一定仲正! 呢檔係最多人食的，比d耐性排一陣隊啦!!

歐南園炒粿條--- 好味!! 其實好似炒貴刁咁，即炒，辣辣地好香口呀! 好多當地人當早餐食，都要比少少耐性等佢炒!!

芽龍---新加坡的紅燈區，性工作工o係呢區工作

我地黎呢到搵食，仲要係食田雞!! 又係攝影crew介紹我地黎既，佢地講到咁天下無敵，我地當然要黎試啦!

田雞粥 ---個粥好綿，但冇乜味，2個人的話叫個細size剛好

宮保田雞---正!! 辣辣地好味呀!! 我見到d田雞好鬼大隻架，所以好多肉，好味!!

叻沙，在香港食過，好似食辣味米線咁

呢到d叻沙唔係同筷子食，而係同匙跟畢黎食，好香椰奶味，食第1口就會想繼續食落去。試埋個海鮮球，好似好味d既炸龍蝦丸咁，試唔試都得。

很累了，早點回酒店休息

新加坡的電視有香港劇集播的，但睇住學警被配上國語，感覺怪怪的! 很多台灣節目，也有足球賽事，電視娛樂有不少選擇。回酒店前到超市逛逛，買了兩件brownie回來做甜點，—還不錯吧!