sharon59
sharon59
我是sharon59。 我最喜愛到台灣，泰國旅遊 ， 最鍾意遊覽主要地標，城市風貌， 住宿通常會揀3星酒店，民宿。
留言  留言給此旅遊家
  遊記數目 18
  上載相片 283
  上載影片 0
最近分享過的旅程
清邁+曼谷淡季遊
國家/地點: 泰國
旅程日期: 2016-01-09 至 2016-01-16
熱辣辣台北花蓮宜蘭七天遊
國家/地點: 台灣
旅程日期: 2015-06-07 至 2015-06-13
淡季閒遊曼谷2012
國家/地點: 泰國
旅程日期: 2012-03-29 至 2012-04-02
台北自由遊
國家/地點: 台灣
旅程日期: 2010-10-28 至 2010-10-31
淡季閒遊曼谷2012 (泰國)
(旅程日期: 2012-03-29 至 2012-04-02 ,  旅程性質: 觀光攝影, 飲食購物, 消閒度假)
 分享至Facebook 
遊記 : 第1日
發表日期: 2012-04-07

因為要清年假, 又唔想响復活節遊人太多時出發, 所以就揀咗三月尾重遊曼谷

搭乘泰國東方航空晨早出發, 班機有少少delay, 不過過關拎行李都大致暢順

先在機場Exchange counter換少少泰銖, 再買了可上網的電話card, 399銖包sim卡for七天無限上網+free 100銖for打電話, 好抵用

本來打算乘機鐵到市中心的酒店, 但係因為拎住行李又要轉BTS, 所以最後都係搭的士, 可惜一到市區就遇上曼谷的第一'景點' - 塞車......結果成個鐘先到酒店, 車資連公路費&機場Service charges太概500銖, 酒店位於BTS Rachathewi附近

酒店向MBK方向近走近Culture centre附近有間exchange店比水門附近的那間兌換率有時更好, 所以換泰銖都不用走太遠

位置方便去景點&購物區 笑臉2012-04-07
酒店'泳池'狹小, 就在酒店正門隔離, 好開揚......
酒店'泳池'狹小, 就在酒店正門隔離, 好開揚......
只有少量浴室用品提供
只有少量浴室用品提供
選呢間酒店因為佢地點方便, 行去BTS站不過三分鐘, 就算走路去MBK, Siam Discovery一帶都是二十分鐘內, 附近又有按摩店和開到零晨十二點的Naraya(在附近的Asia Hotel內, 店較細)

酒店'泳店'狹小, 又在酒店大門隔離, 太開揚了, 都冇見過住客落水

酒店不包早餐, 但有食物order, 不算太貴

房間有風筒熱水煲夾萬, 但冇拖鞋牙膏牙刷, 床舖很舒適, 冷氣一般(是一部分體式冷氣機)
每晚價錢: 1300泰銖 (雙人房)
評分: 設備3   服務4   環境3   衛生3   抵住4
檢舉此評論
回到頁首
環境清優但略貴的泰菜 ok喇2012-04-07
Lemongrass Tea
Lemongrass Tea
第一次食青木瓜沙律, 不知是否正宗, 但真的很辣
第一次食青木瓜沙律, 不知是否正宗, 但真的很辣
Phad Thai, 一般
Phad Thai, 一般

來到泰國的第一餐Lunch, 選了可以由酒店步行十五分鐘的這間泰菜, 之後可以順道參觀Jim Thompson House Museum

這關cafe裝修雅致, 好有泰國色彩, 不過可能做遊客生意, 食品價格略高, 但係菜式都有幾多選擇, 環境又舒適, 一試無防

叫了兩杯飲品, 一個炒菜, 一個青木瓜沙律&一個泰式炒河(Phad Thai)

每人消費: 約350泰銖 (午餐)
評分: 味道3   服務3   環境4   衛生4   抵食3
檢舉此評論
回到頁首
外國人在泰國的家 ok喇2012-04-07
在屋外可拍照
在屋外可拍照
大廳(只可以在外面影入去)
大廳(只可以在外面影入去)

在Cafe食完lunch, 就到Museum參觀.  這裡有指定的guide導賞, 不可以自由參觀, 屋內亦不可拍照

剛join到2:30的English guide團(只有英文/日文), 全程約走45mins, 看看這外國人在泰國的居所, 融入了不少西方色彩, 而且個guide都講得幾有趣, 來到cafe食飯的話都值得順道一遊

參觀時段: 下午
入場價錢: 每人100泰銖
評分: 值得去3  
檢舉此評論
回到頁首
看泰國人住屋的模型 ok喇2012-04-07
周圍都是高樓大廈, 唯獨呢度好似去咗郊外咁
周圍都是高樓大廈, 唯獨呢度好似去咗郊外咁
在Asok站外先買了杯泰式奶茶, 35銖
在Asok站外先買了杯泰式奶茶, 35銖
入場先看看一段動畫短片, 之後就可以四圍行, 入'屋'就要除鞋, '屋'入面全是泰國人以前的家居擺設及用品, 可以隨意拍照, 但其實場地很細, 半小時內就逛完, 而且都是看'模型', 有時間路過的話才去看看
參觀時段: 下午
入場價錢: 每人100泰銖
評分: 值得去2  
檢舉此評論
回到頁首
Modern泰菜 笑臉2012-04-07
唔辣的冬陰公
唔辣的冬陰公
唔夠新鮮
唔夠新鮮
由Asok搭BTS回Chitlom, 先到BIG C逛逛購物, 之後就來這裡吃泰菜

這餐點了冬陰公, 泰式蛋餅, 生蝦&串燒

冬陰公偏酸唔辣, 怕辣的我覺很幾好未, 蛋餅好香口, 串燒同生蝦都一般

環境舒式, 我們坐在店外(即商場內)的大梳化, 舒服到想攤响度

這店除了泰菜還有西式食品&海鮮可選擇
每人消費: 約350泰銖
評分: 味道4   服務4   環境4   衛生4   抵食3
檢舉此評論
回到頁首
環境靚但係唔貴的massage 笑臉2012-04-07

飯後周圍逛一陣就坐BTS到Thonglor站做Oil massage+ 草球

呢間AHA分店是最新的, 位置就在廿四小時生果店斜對面

環境會令人好relax, 到步先做'問卷'了解按摩要求, 很細心, 技師亦好手勢, 90mins我都覺得唔夠

參觀時段: 晚間
入場價錢: 每人1000泰銖
評分: 值得去4  
檢舉此評論
回到頁首
消夜之選 - 廿四小時生果店 笑臉2012-04-07

每次嚟曼谷都會來買芒果糯米飯, 做完massage買個番酒店做宵夜就最good

買完即止, 不過我買嗰陣都夜晚十點幾了, 我見仲有'貨'

推介菜式: 芒果糯米飯
每人消費: 約90泰銖 (宵夜)
評分: 味道4   服務3   環境3   衛生3   抵食3
檢舉此評論
回到頁首
  0 個留言    |  加入你的留言
遊記 : 第2日
發表日期: 2012-04-18
今日參加了一天local tour遊桂河橋, 之前用email聯絡, 不用走到Khao San路報名, 到出發時才付款, 很方便

一早六點半就有車來酒店接送, 在Khao San附近接埋其他團友, 就出發往桂河橋
帶點傷感+動感的local tour 笑臉2012-04-18
War Cemetery
War Cemetery
戰爭博物館
戰爭博物館
館內存放很多戰時士兵的用品
館內存放很多戰時士兵的用品
亦有些宗教色彩的裝飾
亦有些宗教色彩的裝飾
桂河穚上
桂河穚上
瀑布仔公園
瀑布仔公園
懷舊火車
懷舊火車
木坐位, 沒有冷氣~
木坐位, 沒有冷氣~
由曼谷乘車到桂河橋, 車程約兩個半小時, 由於太早起了, 所以一開車不久就睡著

第一站先到War Cemetery, 這個埋葬過千犠牲士兵的墓園, 墓碑上寫滿親人對士兵的祝福及懷念, 沒有一絲恐怖, 只有一份安寧

第二站就參觀附近的戰爭博物館(另附40銖入場券), 館內存放大量當年士兵戰時的日用品, 還有武器, 亦有一些有關戰爭禍害的雕塑, 不過沒有導賞, 展品大多只是分類擺放, 遊人只能自己領會當中的歷史意義

步出博物館轉左行五分鐘就到桂河橋, 全橋以鋼鐵建築, 當中中段部份應該後來再修葺過, 為方便遊人, 橋上都裝上鋼板, 綱板下才是木製的車軌.  可惜其間都冇火車經過, 只見橋上都佈滿外個遊客, 反而冇見到香港人~

之後就到動感之旅第一站: 騎大象~ 掛住平衡抓住坐椅, 所以我冇影到相.....

完成一頓超簡單的團餐lunch之後, 車就載我們到附近的瀑布公園參觀. 同'官方相片'相比, 出入很大, 個'瀑布'連台灣烏來的一半都冇, 只見有很多當地人在這裡玩水乘涼, 十五分鐘就逛完, 但卻要我們遊一個鐘, 唯有到附近便利店留連打發時間......

最後一站就係乘搭有'死亡鐵路'之稱的火車, 車程約個半小時, 因為冇冷氣, 車未開車廂有點焗, 不過車開了就好涼爽, 沿路風景都好靚, 隨團的guide更會指示有特色的景物, 又幫我們拍照, 是行程中最特別的節目

坐到中途站就要落車了, 個guide就繼續乘多兩個半鐘火車回家, 而原來載我們的客van已在站邊等, 之後就坐多兩個鐘車回曼谷了, 到Khao San路時都差不多七點幾
參觀時段: 全日
入場價錢: 每人650泰銖
其他消費: 坐舊火車車費100銖
評分: 值得去4  
檢舉此評論
回到頁首
充滿背包客 笑臉2012-04-18
好熱鬧喔~
好熱鬧喔~
烤肉包檔
烤肉包檔
Khao San路是聞名的背包客聖地, 呢度好多平價旅館和酒吧, 亦有好多報local tour買車票的agent, 我報的local tour公司亦在這裡

去完tour就在這裡解散, 所以順道到這裡逛逛

滿街都是遊人, 以西方遊客居多, 七點幾酒吧已經好熱鬧, 街上亦有好多小食檔, 買衫褲鞋襪的亦很多, 不過我們只是路過來看看, 因為要轉往Chinatown醫肚
參觀時段: 晚間
評分: 值得去4  
檢舉此評論
回到頁首
抵食又有鑊氣 笑臉2012-04-18
粉絲蟹煲
粉絲蟹煲
燒蝦
燒蝦
由Khao San路搭的士來China Town, 約50銖, 少少塞車but十分鐘就到, 一到步就即刻嚟呢間醫肚

這店以前來泰國都有幫襯過, 店內店外都有座位, 怕熱的我們就揀坐店內.  聞說店內坐位有小強出沒, 但係我個人覺得地方都算整潔, 我見唔到'強哥'喎~

兩個人點了:
燒蝦: 必吃! 用炭火燒的大頭蝦, 好香又多膏(雖然我唔食膏的~)
粉絲蟹煲: 隻蟹就麻麻哋, 不過啲粉絲就好正, 入晒味
煲仔翅: 得個湯汁加少少翅碎, 個人唔太支持食翅, 男友話試才陪他吃吧...不過一般啫
炒通菜: 夠鑊氣又唔太油, 不過都幾辣~

整體上ok啦, 都好多香港人同本地人來幫襯 

食飽就過對面馬路林真香入貨, 買完會送貨到酒店, 食飽飽行一陣先番歸
推介菜式: 燒蝦
每人消費: 約300泰銖 (晚餐)
評分: 味道4   服務4   環境3   衛生3   抵食4
檢舉此評論
回到頁首
夜遊懷舊車站 笑臉2012-04-18
Hua Lamphong Railway Station
Hua Lamphong Railway Station
帶點歐陸色彩
帶點歐陸色彩
舊式火車
舊式火車
食得太飽, 所以買完手信之後, 決定由唐人街行去呢個舊火車站睇睇, 之前當然响map睇定晒路線先啦, 沿路啲舖都已關門, 行人唔多, 不過夜晚有少少風, 當靜靜地散步都好, 行咗十分鐘左右就到了

雖然時值晚上十點, 車站仍有很多當地人等火車或在大堂休息, 店舖都一早關門了, 不過車站的舊式建築很有歐陸特色, 很值得來一看

參觀完就搭MRT再轉BTS回酒店了
是日行了一整天, 很累但很盡興
參觀時段: 晚間
評分: 值得去3  
檢舉此評論
回到頁首
  0 個留言    |  加入你的留言
遊記 : 第3日
發表日期: 2015-08-10
是日星期六, 當然要逛逛又迫又焗但又多嘢睇多嘢買的瞿道瞿假日市場啦 不過朝早就先到兩個博物館參觀~ 又博物館? YES, 因為'團友'去旅行目的係想睇多啲有關嗰個地方的事&物, 所以旅程唔會齋行街shopping咁簡單

(後記: 寫台灣遊記時才發現呢個泰國之旅未完成, 雖然已是3年前了, 但景點及美食確係值得分享, 所以完成埋呢日, 但景點及食物價錢就唔泰update了). 
參觀泰皇別墅 笑臉2015-08-10
Thewarat Sapharom Hall
Thewarat Sapharom Hall
其中一間房內陳設
其中一間房內陳設
Phiman Chakri Hall
Phiman Chakri Hall
The Roman Garden
The Roman Garden
Phaya Thai Palace於1909年興建, 是泰皇RAMA V的別墅, 而家位處一間醫院隔離, 部份地方都用作員工的辦工室, 不過大部份地方都對外開放, 遊人可以自由參觀, 免費的 還有小冊子提供, 有關呢個Palace的建築及歷史

呢度建築好有歐洲色彩, 地方不算很大, 但每個角落都有不同風格, 早上遊人稍少, 悠閒地逛逛影吓相, so relax~

註: 呢度同其他palace唔同, 冇dress code的
參觀時段: 早上
入場價錢: 每人0泰銖
評分: 值得去3  
檢舉此評論
回到頁首
'皇宮'內食早餐 笑臉2015-08-10
Cappuccino
Cappuccino
閒逛完'皇宮', 就在裡面這間Cafe食早餐

吃的都是三文治咖啡, 但特色在於這裡的裝潢, 好似身處外國英式茶室般, 咖啡有水準的, 三文治就普通啦, 但都好食的, 而且環境舒適, 食都食得悠閒啲
每人消費: 約120泰銖 (早餐)
評分: 味道3   服務3   環境4   衛生4   抵食3
檢舉此評論
回到頁首
遊覽泰屋群 ok喇2015-08-10
雖然都叫Palace, 不過呢度係並典型的泰國建築, museum由8間泰屋組成, 內裡展出的都是比較珍貴的泰國文物, 皇宮用品等, 所以室內都不準拍照, 以免影響展品

展館還送上一把扇俾你一路行一路'撥', 仲可以拎走做紀念品

(這裡亦沒有dress code)
參觀時段: 早上
入場價錢: 每人100泰銖
評分: 值得去3  
檢舉此評論
回到頁首
飽肚法國菜 笑臉2015-08-10
生牛肉
生牛肉
蛋白餅配生果
蛋白餅配生果
Silom區有很多特色外國菜餐館, 之前食過附近另一間比較多人去的'A'字頭法國菜館, 今次試試別一間, 風格大不同, 但一樣有set lunch可點選

餐廳網頁可以做online訂枱, 好快會email回覆, 不過是日星期六, 來到時只有三數枱客

頭盤可以選生牛肉! 還以為法國菜份量都偏少的, 但這店的份量就一定令人很'滿足', 前菜也大大碟, 心裡不其然'嘩'咗一聲

主菜點了三文魚意粉&烤雞扒配薯蓉, 意粉食落唔會好膩, 雞扒就一般, 但係墊底的薯蓉好好味

飲品點了檸檬茶, 但係可能侍應聽落order咗檸檬水, 酸到痺

甜品點了蛋白脆餅+生果, 生果帶點酸, 加埋甜脆的蛋白餅, nice~

每人消費: 約600泰銖 (午餐)
評分: 味道4   服務4   環境4   衛生4   抵食4
檢舉此評論
回到頁首
週末掃貨場 笑臉2015-08-10
相片是上年來時拍的, 但情景一樣啦~
相片是上年來時拍的, 但情景一樣啦~
椰子雪糕
椰子雪糕
食飽飽, 我就同團友分道揚鑣, 佢去行附近的lumpini park, 我就坐BTS到Mochit站行瞿道瞿市場

每次嚟泰國都行, 都幾熟路了, 一入去就直閵我的掃貨區 - 衫

貨品都分好在不同區域, 地方太大, 時間不多的話就真係要'目標為本'了

市場內其實仲有很多少食, 例如椰子雪糕檔就好多人幫襯, 之前吃過, 雪糕清甜, 仲有椰子水任飲呢

不過今次時間唔多, 加上後來天氣突變又落雨, 我逛了兩個半鐘就走了
參觀時段: 下午
評分: 值得去4  
檢舉此評論
回到頁首
第一次食, 覺得好正! 笑臉2015-08-10
生蝦, 好新鮮
生蝦, 好新鮮
咖哩炒蟹
咖哩炒蟹
蠔仔炒蛋
蠔仔炒蛋

逛完瞿道瞿, 回酒店與團友會合再沖個涼, 就行去食晚飯

剛下了一場雨, 好彩一出門就冇雨了, 由酒店行去呢間餐館都唔近, 行行吓都成差唔多半個鐘, 不過唔打的係因為啲人成日話啲司機會車咗另一間'冒牌貨', email訂枱時餐館都有提醒, 仲俾埋地圖, 所以都係行過嚟算lu

嚟到發現: 好多香港人

兩個人叫咗魚露生蝦, 咖哩炒蟹&蠔仔炒蛋, 味道不錯, 不過生蝦只算合格, 最正係炒蟹個汁, 用嚟送飯超正~

食飽就沿路行番酒店休息. 

每人消費: 約350泰銖 (晚餐)
評分: 味道4   服務4   環境4   衛生4   抵食4
檢舉此評論
回到頁首
  0 個留言    |  加入你的留言