由機場搭的士大概二十分鐘就到!
向的士見到大地球就到啦! 馬尼拉唯一目的地就係SM MALL 係全亞洲最大既商場喎...
入面有D似日本 OUTLET~有唔少野食~ 問左兩三次先去到 SUPER MARKET 因為入面大到要分幾個館~

入面格局同泰國 BIG C 好似下~ 最重要當然係野食部! 入面菲律賓出產D小食真係十個平~ 幾豪子港幣就有啦~ 大包D都係個幾!

最緊要其他團友要買既芒果乾~ 向入面行下都行左成個鐘咖! 都有唔少生果~
我一共買左550PHP

買完仲有時間就去FOODCOURT食埋野先!入面都有唔少野食...不過睇來睇去都唔係好岩~

最後就買左個魚頭湯...我唔知佢包埋飯...又叫埋個炒粉絲~加埋係 185 PHP~
先講個炒粉絲啦~ 係凍凍地羅~ 都OKAY!
個魚頭湯我就超鐘意飲啦~ D湯好清~ 係有蕃茄滾~ 好酸好開胃~
個魚頭幾多肉食~ D湯用來撈飯真係好好食~

唯一十分差係佢個兩條唔知咩菜...超苦...唔知咩事
環境方面怕嘈可以坐遠D~ 冷氣夠~ 地方乾淨

內陸機到CATICLAN 機場後可自己搭車仔到碼頭只需幾分鐘
再轉船十分鐘就到啦~ 不過大家要留定D散紙比TIPS行李上上落落自己係搬唔到!

一到酒店佢就話deluxe房今日無晒...up左我地去蜜月房...
但係我地三個人真係要蜜月房...佢同我地加左張超大床玉向地下!
間房都可以~ 好大~ 好乾淨...除左佢露台張窗簾有超多蟻嚇死我之外~其他都ok既!
d蟻實在太多啦! 我地要叫佢來殺晒先得呀!叫左佢聽日一定要同我換返deluxe房!

第2日換左房就VERY GOOD啦~兩大張雙人床~
每朝都送早餐+野飲~ 房有WIFI 不過要問佢羅PASSWORD~
職員都好NICE~ 酒店有個泳池仔
價錢可以E-MAIL同佢講價~不過一定要用PAYPAL比左一半訂金先!

酒店放好野天未黑就即時去睇下日落飲杯野先~
Jonah's 同酒店好近~ 沙冰超大杯我叫左芒果檸檬68php芒果味當然好濃!
一路飲一路對住沙灘日落都唔錯~

成個餐牌都係英文~ 都唔知食咩好! 最後用最簡單既方法叫人介紹啦!

先來個要點火既芝士xxx 佢點火時會大叫咖...哈

d 餅好快上左啦! 好熱咖~ 個面都係脆身~ d火一陣就熄左...見到d牛油浮晒面~~

肥死羅~牛油加芝士~ d芝士煙韌到唔捨得分開~ 加埋落餅到...正呀!! 食到尾先食到酒味~

食完d肥野~ 食返d清淡d沙律! 入面都幾多野咖~
菜, 蕃茄,青瓜,芝士, 酸豆, 仲有d乾話梅絲物體~ 成個我都好鐘意食!
酸酸甜甜~ 難得蝴蝶粉凍食都咁好食~ 份量係一人但唔少咖!

青口天使麵~ 一坐底就叫! 先頭話賣晒...我幾失望!!
後來返來話仲有一份單人size 即刻要! d青口排得好靚~ 望落去都嬴晒~ 好似好多咁!

青口唔係平時好大隻個d~但又大隻過向法國食個d! 中間d意粉意外地多~

仲有多材料一齊煮~ 青口每隻入面都有牛油蒜蓉~ 十分之好食~

呢一餐十分之滿意! 少少地叫左三樣~ 但大家都好飽啦~ 雖然未食過希臘菜
但覺得同西餐差不多啦~ 不過要有心理準備佢係有大量牛油~ 係大量!
我自己就無咩問題既~ 怕肥既先生小姐就唔好去試啦!

今餐十個平食左 PHP$850 即係 HK$153 每人只係 $51平到呢.