呢度你可以選擇深潛或者浮潛，深潛需要證書或者你喺嗰度考證
我哋都係去浮潛啫，深潛對於我來講算係極限遊戲lor哈哈
我覺得馬爾代夫浮潛係一大亮點，所以我一定要選擇浮潛環境都唔錯嘅島
如果唔係點對得住啲$$$

我之前都冇浮潛過，都唔識游水，第一次浮潛好緊張，一直捉住條樓梯扶手唔放
我老公本身游水識少少所以佢就覺得好好玩
水母衣同面罩呼吸管係我哋自己帶去嘅
有袖嘅潛水服嗰度冇，得一種短袖短褲分體式嘅深潛服，我記得係5 dollar一個鐘
10dollar一日。嗰度面罩呼吸管同腳蹼租用係免費嘅。基於衛生考慮我哋都係決定自己帶去lor

有一日我哋居然喺自己水屋樓梯發現一群5.6隻魔鬼魚喺嗰度游來遊去。

最佳嘅浮潛點係喺浮潛裝備租用中心後面嗰塊沙灘。風浪細，離海溝又近

由俯瞰圖可以見到深顏色嘅就係深海，淺顏色一圈係死珊瑚，深淺顏色交接嘅地方係海溝
最多珊瑚嘅地方，換言之就係最多魚群嘅地方。