第一日都係喺飛機度渡過,因為去嗰陣太興奮lar，其實個人好攰，但係精神好亢奮，so一路都冇瞓，香港-杜拜-馬爾代夫.唔計轉機時間total係12個鐘,差啲崩潰。
本身book機票嗰陣已經打咗電話預約咗個蜜月蛋糕喺杜拜-馬爾代夫嗰程飛機度畀我哋，臨出發之前都有再打電話過去comfirm多次，但係最後都係漏咗我哋。555.555，見到個空姐派蛋糕畀人哋自己明明book咗又無wor~~有D酸lor~~
當個飛機廣播仲有15分鐘就要降落我望出個窗，已經隱約可以見到有啲島喺海上面，雖然唔係好清楚，但係已經好興奮lar。成日人即刻醒曬!!

搞掂曬入境手續出咗大堂就見到好多小黑舉住酒店牌，每個酒店都會有自己專屬嘅counter，排曬係路兩邊，好清楚，見唔到接機嘅小黑就去搵酒店嘅counter。我哋一出嚟冇行幾步接機嘅小黑就搵到我哋lar，我哋都冇見過面，佢居然知道喺我哋。haha

我哋嗰個係快艇島，15分鐘就到lu，

快艇到咗碼頭有小黑列隊歡迎，之後帶咗我哋去mini bar,坐低之後即可有人奉上凍毛巾同welcome drink~杯嘢又真係幾好飲，有d似lemon tea嘅soda汽水諸如此類。。

之後就同我哋管家見面，佢叫siha，首先帶我哋環島，大概15分鐘就行曬，介紹咗個島嘅設施，浮潛最佳地點等等再之後就辦理check in，手續好簡單，因為我哋酒店全款早就清曬，後面嘅消費都係報房號記帳，check out 嗰陣先一齊計。(vadoo係實行管家制度，一房一個管家有咩需要就搵管家得lar)8點半到落飛機，9點半就搞掂曬，見到個大床真係見攰lar~~沖咗個涼LALA臨去瞓，2點半瞓醒就開始扮靚靚出去happy!!