細佬揀左兩種房 , 一間普通等 , 一間係有按摩浴池o既大房
同樣係一張雙人床 , 望落空間似乎唔差得遠 ,
最大分別係個廁所同埋個陽台景觀 ~

床單被舖都幾乾淨 , 日用品齊全 , 洗頭水唔好用
普通等o個間房個企缸得好細塊玻璃擋住 ,
沖涼時 d 水會濺到四圍都係, 好彩地下係木 , 好快乾

service 方面都唔錯 , 可能因為少人入住
佢地提供免費車車我地落墾丁大街 ,
時間可以彈性地亙相遷就 , 落雨又可以借遮

早餐就麻麻地 ,野食大部份係唔夠熱 ~

而地理位置方面就真係唔係咁好 , 要上到半山
四周圍咩都無 , 行去社頂公園都要半個鐘 ,
o係墾丁大街街頭見到森林區就入去一直上
沿路有指示牌叫駕駛者小心野生動物 ,
我地試過半路見到小貓 , 雞 , 陸蟹同烏龜過馬路

如果想離遠人群 , 想靜靜地渡假式咁享受
呢間酒店都唔錯o既, 陽台望出去好開揚 ,
大房o個邊仲出到海 , 可以o係房漢住冷氣睇日落
按摩浴池都幾舒服 , 仲有五光十色o係燈光效果 , 好靚


價錢實際係幾多我都唔係幾清楚, 因為係細佬負責
但同區黎講 , 相比起近返大街o既民宿 ,  呢度應該幾貴