出發台北前 , 網上做足功課 , 搵到呢間 " 台北必食 " 麻辣火鍋店
我地行完夜市先黎食 , 咁夜都仲係好多人 @@"

環境比較迫 , 不過要讚一讚台灣人真係好守秩序好有禮貌
店員幾忙都會好好服務 , 客人拎野食都唔會爭先恐後
坐低時 waiter 教我地任食o既模式同價錢 ,
牛肉即叫即切唔係自己拎 , 但都一樣係任叫 ... 太勁喇 !!

海鮮多到不得了 , 蟶子超大條 , 但仲未解晒凍
蟹都有幾款揀 , 全部都有返咁上下大隻 ,
貝殼類又係 .... up 得出都有 , d 蝦仲好新鮮好爽口

丸類繁多 , 我地食得唔多 .... 主打食海鮮
蔬菜區可能少人夾 , 好整齊 , 可以話想乜有乜
另外仲有十幾種粉面 , 十幾種調味醬料 , 十幾種飲品任飲
甜品生果多到食 buffet 咁 , 好誇張 ..
而雪糕更加係比食 buffet 更誇張 @@"
haagen dazs 同 movenpick 各八隻味 , 正到呢 =p



## 呢餐真係食到攬住個肚走 ,
幾乎發誓以後黎親台灣都要食一食馬辣 !!