今日嘅行程係 join local tour 出島玩一日，呢度嘅團多數都會包埋嚟酒店門口接送，真係好方便~

知道坐呢啲船出海一定會好拋，所以向HK買定暈浪丸過嚟食，怕嘔返晒個早餐出嚟吖麻，不過原來向呢個碼頭都有免費暈浪丸提供嘅~

向碼頭等嘅人都幾多，我估應該大家去嘅路線都有點不同，職員用唔同顏色嘅貼紙分好晒一團團人之後，好快就可以上船喇~

上船後規定個個都要著救生衣，因為架船真係開得好快好拋，好彩之前聽人講，話怕拋就唔好坐船尾，所以一上船我哋就揀定中間位，我見船尾嘅人真係好似好易被拋落海咁，超怕水嘅我一定嚇死

先到達第一個沙灘‧Coral Island，水清沙幼，人唔多，只有一團香港旅行團，同埋2-3架我哋呢啲local tour嘅船~

嚟呢啲沙灘，導遊話通常都要你租張沙灘椅，要嚟放下野，當然你唔租放向地都冇人阻止，不過THB80一set，個個都租架喇~

逗留咗陣，就離開Coral Island，坐船再去另一個沙灘Racha Island~