記得9年前跟團去深坑,因為行程遲左,好到已經入黑,大部份店舖都打烊,我地團友只有食左一串街頭0個檔串燒豆腐.今次去台北,我第一時間Plan一定要去深坑.事關我老公非常之熱愛豆腐,能夠食一餐豆腐宴,佢都好期待同開心
去深坑既路程比想像中容易同快捷,原來係市政府0個帶都有公車可以直接去深坑,我地今次選搭捷運去到動物園站再轉搭公車,亦都好快捷同方便
去到豆腐街,天時細又時大既雨,令到我地有少少唔方便,但一場來到,天氣都無選我地興緻,逛逛街,入左一間懷舊店,見到從前台灣兒時玩兒同小食,感覺好得意,亦都發覺原來台灣同香港以前既玩物同小食都有少少相似
逛完街後我地就選食店食午餐,餐牌既食物,價錢都唔算貴,鴨血約$40NT,炸臭豆腐$50NT,旺腸臭豆腐鍋$100NT,啤酒$60NT,炸豆腐卷$120,脆皮豆腐$100,5個食物1支酒,2個人食,飽到反肚都係HK$130,仲要打包拿走...離開豆腐街既時候,我地都忍唔住係等公車期間做少少運動,以迎接下一輪淡水美食...