一早睇到雜誌介紹，都知要來排隊, 7時半開門但未到7:15便已有一大批人聚集於門前, 約有2/30人。原來大家都早有準備, 一早預約了用餐時間。幸好我地walk-in都仲有位。 其實佢個門口細細但入面好大, 能容納約4/50人。

我們甫坐下, 便開始有食物送上。桌上紅酒任飲, 面包任食, 客人無需order, 因為大家都係食同一set appetizer。個parma ham 配melon好好味, 個melon好新鮮。  而佢地吊在天花上的西班牙風乾火腿亦有20-30隻有多, 聽waiter說, 他們一日會消耗上3-4隻。另外還有肝醬面包及一些似薏米的前菜。我很喜歡那個肝醬面包, 不過食完有些膩的感覺。

到main course時間, waiter問我們點些什麼, 我們要了一客1kg的炭燒牛扒及牛油菠菜。個牛扒真的很大, 但略為過生... 而且太大, 我們亦吃不下。我們再叫了一客甜品, apple crumble, 但可能太飽, 覺得有點太甜... 侍應亦奉上餐後酒及餅作結。埋單不用EUR80, 的確算抵!