每次到東莞既指定朝拜地點,
以前食開果間係舊區,
衛生同舒適都稱唔上,
髒亂亦都擠逼

而家黎到新店,
寬敞乾淨,食都食得開心d

先黎一壺羅漢果茶潤下喉
店員真係一粒粒羅漢果放入茶壺,冇花冇假,
茶有羅漢果既清甜味,但係就出其咁夾,
飲落潤喉又清熱

-魚片肉丸粥
一鍋粥已夠四個人分,
粥清甜好味,
不得不提d肉丸,
有豬肉甜味又彈牙
細細粒可以一啖一粒
呢碗係我食過最好味既肉丸粥(至今都係)
香港根本搵唔到

-豉油王鴨舌
記得以前係會去埋骨,
可惜唔知係咪功夫多,
而家已經唔會啦
之但係味道冇變一樣咁惹味
咁我就唯有辛苦少少啦.

-糯米骨
即以錫紙包住黎焗既糯米排骨,
好香糯米味,
但係一咬依然有排骨既肉汁同味道
係唔錯但係未能媲美前兩道菜

次次黎呢度都覺得好滿足