本來一心諗住來到台灣梗係要去人人都話好嘅豚屋(台北, 大安區)試下，始終自己唔親身食過唔知係咪真係正，點知一去到門口就已經無晒胃口，因為見到餐廳門口嗰隻活生生嘅豬 - 活動範圍小、天氣又凍、又孤獨地得佢自己一個、仲要裏面個個食緊豬排(食緊自己)，成個畫面搞到我情緒好不安！諗住走嘅時候，點知係正豚屋隔離有一間裝修簡約、優雅、乾淨的cafe。又餓又累又凍又下雨，真係唔想再找別的餐廳，就不如入去呢間叫做"小小cafe" (Au Petit Cafe) 度試下啦！

果然好彩無試錯地方，這間環境簡約、優雅、乾淨的cafe雖然叫"小小cafe"，但係裏面的食物、coffee 和服務簡直有大餐廳的水準。我和朋友每人點了一杯coffee 和意粉，我的是人氣香辣雞肉麵，我朋友點了Carbonara 另加雞扒。我地食了第一口時十分surprise，一間小小cafe能做出咁獨特味道的pasta；雞扒肉汁鮮甜，口感軟熟，意粉擁有一種很獨一無二的味道，最重要是價錢非常經濟和環境十分舒適。大家下一次去台北玩，一定要試！