第一日到左浮羅交怡...出關之後就有一大堆counter可以join local tour同埋租車
去Pulau Payer o既tour好多,不過我就揀定左一定要參加一間叫做langkawi coral o既tour
上網做過reseach依間比較好...而且中午係食buffet lunch...而且食物都有返咁上下~
玩完之後亦都證明揀依間係冇錯~

Pulau Payer真係好靚...D水又好清...魚又勁多...
佢地都好醒目知道船邊會有麵包食...會圍晒過黎"搶包"...
不過如果你皮膚好白,就千祈唔好伸隻手指o係水面引佢地...我女友就係咁俾魚勁"錫"...= =
我唔識游水,但都膽粗粗 join 埋潛水...
睇多好多魚同埋珊瑚...仲有海膽~
如果唔敢潛水但又想睇海底都有辦法...
佢個浮台係有底層...入面裝晒玻璃...可以望到海底~
當然唔及親身去潛咁爽啦!!!
真係值得一試架~