坐上<阿哥之家>民宿既車去社頂公園, 話咁快就到左社頂公園

墾丁唔單止個海夠闊, 連草都要多個人?!

公園入面會無啦啦有雞, 有松鼠, 夜晚仲有得入去睇蛇, 睇彭于晏本書話, 夜晚仲有機會見到發光既菇=.=

如果要成個公園行晒, 要用好幾個小時, 我地呢班懶鬼又點會行晒成個公園呢, 求求其其入去影過幾張相, 就出返去個大草原度辦大事!

一出返大草原, 就set腳架, 先來兩張正常既合照

旅程前寶要求我地每人要帶一樣野去影相, 大部人人多數都是帶有關眼部或頭部的飾物, 露珊佢地居然帶左美妮圍裙!!! 抽籤時大家都勁緊張, 結果由來少抽中!!!

要強調當時戴眼罩既都戴好左, 只係得返來少同賢仔睇到路, 即係話, 來少要著住條裙行去咁相機再過返黎, 好彩有戴眼罩咋~~~

露珊個眼罩係歧視緊來少, 但來少完全唔受影響

你睇來少幾入戲....真係想見鑊打鑊

露珊見來少鍾意成咁, 索性割愛送左比來少, 我懷疑來少返到香港都仲有keep住著佢

咁大片草原, 可以做d咩呢? 寶o係無聊等車時叫我地一齊玩左個遊戲, 猜輸左既做一件事, 而件事就由猜贏左既人決定, 結果係邊個輸? 仲駛問, 當然由黑仔寶大熱勝出!

輸左要做既就係--訓o係草原上扮enjoy, 其實到處充滿陷阱, 有好多狗屎~~

訓完草地, 有人玩上癮要繼續白痴, 今次係睇書~~

要嚇唬誰啊? 點解唔駛猜輸都繼續玩落去?

stop! 夠啦! 叫你訓草地咋~~

在旁既男士睇到興起, 居然癲埋一份, 從此, 3個傻既就開開心心快快樂樂咁生活下去....