晨早流流就要俾人派左上去深圳見客，真係好擔心。
喺大陸絶對係路痴，無論上嚟幾多次，都仲係唔識路。
之前已經嚟過呢間餐廳幾次, 但仍然係要激讚呢間餐廳真係正到爆.

原因係:
第一: 餐廳裝修好靚
第二: 食物賣相ok, 味道又一流
第三: 坐位都好舒服
第四: 連廁所都非常乾淨
第五: 待應勁細心

呢度既湯真係好味到不得了,
唔太濃味, 但係個湯入面每一啖都係攪溶既雜菜,
係我覺得我飲過既雜菜湯入面, 最最最好味, 好想一飲再飲.
所以我每一次嚟, 都會點一次.
鍾意蕃茄口味菜色既朋友, 真係會一飲就愛上.

今次食左招牌鵝肝乒乓, 切開左之後,
d鵝肝滿到瀉, 好味.

叫左個菠菜炒飯, 人地話菠菜含有豐富鐵質,
呢個炒飯, 粒粒都炒到綠色, 靚之餘, 味唔太濃, 但係真係好食.

呢度突然, 變左我見客食堂添, HAHA