[溫馨提示: A 列車每天只得3班來回熊本及三角駅, 而且不是每天運行, 所以計劃行程時要上網查清楚運行日子, 以免失望………(http://www.jrkyushu.co.jp/trains/atrain/)]

來到三角站, 向碼頭方向行, 有個穿著制服的小姐拿住個箱等緊你, 就係同佢買票上船去松島(前島) (三角--> 前島 往復: 1600YEN) 我們先到一間上面畫佐條海豚的小屋(相信係我們要搵的地方)買佐票先。同佢講佐有個小姐(賣船票嗰個呢)幫我地預約佐, 果然有8折 (原價4500Yen/一位, 折佐3600Yen)日本人一向安全至上, 全程船上所有人都要著定救生衣

在船上, 工作人員姐姐會不斷講解, 我估佢講緊海豚的特性, 要注意D乜, 同我地去到邊個海域(當然全程講日文啦)…………全船得我地兩個唔係日本人. 又聽唔明, 海風吹吹下, 好眼瞓, 所以當其他人好興奮之際, 我地郤呆呆滯滯, 嚇親個工作人員姐姐, 可能佢以為我地唔舒服, 佢好緊張咁走過黎, 係咁問我地" ARE U OK?"……………(其實係太眼瞓)

坐佐成粒鐘, 都仲未見到海豚, 我唔會就係嗰不幸的2% 掛? T_T

等然聽到船的引擎聲靜下來…………接著有人大叫" みて　みて”
好過癮呀!!………好多魚旗跳下跳下………真係好感動 T_T (因為由今朝早八點起身到依家, 就係為佐呢一幕)