我返黎喇! 東京! 回鄉係每年指定既動作啦! 幾忙都要去一次, 理得佢日圓升, 問題係有咩野可以引到好孩子要即刻去咁解!? 第一個原因係有 LONG VACATION 影子既日劇 BUZZER BEAT 零秒出手個籃球場廣告板場景, 如果唔去既話, 以後就唔會再見到; 第二就係真係較都無咁準, 上戶彩開演唱會, 兩個理由, 又 URGENT 又 IMPORTANT, 咁梗係去啦!

番到新宿 shop 左一陣, 九點幾去搵 "波波" 食飯喇!

七色てまり （なないろてまり）

東京都新宿区新宿3-28-10 ヒューマックスパビリオン新宿東口　５Ｆ

http://www.diamond-dining.com/temari/index.html

波波店其實係七色てまり, 係一間飲野放題吹水食串燒既食店!

一入到去就會見到有四個大波波0係中庭, 0個晚都幾滿! 波波室都滿哂 lu!

睇下個間格, 真實環境同圖中一樣咁靚!

我地兩個人被安排坐 bar 枱, 唔緊要呀! 環境都幾有特色, 又坐得舒服!

侍應推介飲野放題, 有無食野放題先?!

波波店有波波壽司, 留意 order 每款兩件起, 想一粒一粒咁食都唔得 tim!

侍應推介馬肉, 我唔忍心呀大佬! d 馬咁可愛咁乖!

老老實實, 味道比回轉天差, no good!

反而雞肉串好味, 本身雞肉加少少軟骨夾雜住已經唔錯, 仲可以配唔同既醬料食, 最特別既係右上角既明太子雞肉串!

心形蝦又擺得幾靚 woh! 呢對蝦付我諗起 ebi chan 既心形"手印"!

二人埋單圍番港紙三百幾元, 呢個波波店七色てまり環境唔錯, 飲野吹水 ok! 食野就唔好喇!

日頭機第一日行程無左大半日, 好唔見駛...第二日正式開始 Happy Magic X Buzzer Beat 之旅!!!

buzzer beat, 零秒出手,山下智久,北川景子,日劇,上戶彩,HAPPY MAGIC,日本,好孩子,東京,新宿,遊記,旅行,自遊行

終於肯 TICK 起心肝寫個遊記喇! 我相信0係下次去東京前, 應該會寫得完架喇! DEADLINE 係三個月內啦! WAHAHA...前次 "尋找日劇  LAST FRIENDS 之旅" 呢??? er...er...寫左呢個 2008 SMAP TOUR 東京之旅先? 呢次個 TRIP 都好精彩架! HEHE...

"超突急驚天三十六小時?" 個名會唔會太嚇人呢? 其實對我黎講真係好驚嚇呀! 話說 2008 年 9 月 27 日星期六深夜五點, 睇緊駐東京既BLOG 友 K-SAN 個 BLOG, 我留左個 MSG 傾起0個陣舉行緊既 SMAP 演唱會, K-SAN 覆番話星期一有 SMAP 飛 WOH!  嘩! 即刻精神哂! 咪住! 冷靜 D 冷靜 D!...今日星期六...如果買到機票 BOOK 到酒店就過去啦!

七點訓到九點鐘, 即 CALL AGENT 買機票試 BOOK 酒店, 唔理三七廿一先仆去唱錢先!

十二點鐘覆番做唔切 PACKAGE, 不過有機位, 於是自己打去東京 BOOK  酒店...

兩點攪掂哂, 有 YEN, 有機位, 有酒店房! Pack 定野當晚搭零晨機過去睇 SMAP! ACTION! 梗係啦! 老闆話齋: "唔急! 但係要快!" HAHA...

上左機差唔多點零兩點, 梗係第一時間溫"歌"啦! 訓覺? 無可能啦! 第一0係機上係訓唔到, 第二平時都係夜鬼, 訓一陣六點又落機咁不如唔好訓啦!

不如食個"宵夜"先? 哎...面對食物, 真係無自制力, 好似傻既金魚一樣...你比我就食了! 結果食剩塊 G 古力!

好期待睇下現場 SMAP 演唱會 D FANS 走開哂 "厠所位" 既一幕! 0個個 "壯觀" 情境次次都係唱歌最難聽既中居主理! 今次睇下點?

鏡頭一轉! 落左機比你搜完行李, 轉車去第一站!七八點有邊度去? 唔係去酒店 CHECK IN 呀! 咁早連早餐都未食, 梗係去築地食早餐啦!

諗番次次都幾好運, 印象中0係東京玩好少遇到落雨天, 不過今次中了...又要排住隊等食, 又要擔遮, 好彩壽司大老闆娘好人, 拎走我件行李咁先唔使 "哩咁 HEA"!

當日雖然落雨, 不過都好多人去食, 排到出面橫路...過左九個字先去到門口 "蛇餅" 地帶! 為左新鮮既壽司, 係絕對唔介意等! 而排隊呢個動作我稱之為..."日本限定"! hahahaha...

點解次次都黎食? 除左 d 魚夠新鮮, 仲有飯既質素同溫度既控制! 尤其是溫度既控制, 呢個真係有經驗先練得0岩0岩口, 入口最配合人體溫度, 唔係講笑! 加埋漆原先生親切又 NICE, 食得開心呀! 我一定要0係築地拆之前帶家人黎食!

多口嗌多件牡丹蝦, 新鮮 "愛衣詩"!

食飽下一站去邊? 未入新宿 CHECK IN, 拖住行李去左舉行 SMAP CONCERT 既東京後樂園隔離間酒店搵 Miss M! 佢係邊個? 0係 Yahoo Blog 寫日本野最紅0個幾位 Blogger 其中一位, 你一定聽過話?!

神秘既 Miss M 從來無0係佢既 Blog 度出相, 今次好孩子有幸見到 Miss M 真身, 究竟好孩子遇上 Miss M 會係點? 下回分解!

日本, 東京, 築地, 築地市場,旅行, 日本遊記, 行程, 遊記, 好孩子, smap, 木村拓哉,壽司,壽司大,SMAP TOUR