drinksen
我是drinksen。 我最喜愛到中國,日本,瑞士旅遊 , 最鍾意遊覽自然景觀,主要地標,城市風貌,鄉郊農田, 住宿通常會揀4星酒店,民宿。
留言  留言給此旅遊家
  遊記數目 3
  上載相片 39
  上載影片 0
最近分享過的旅程
08年青森東京1人行Day7
國家/地點: 日本
08年青森東京1人行(Day1,5-7)
國家/地點: 日本
旅程日期: 2008-10-25 至 2008-10-31
08年青森東京1人行Day6
國家/地點: 日本
共找到 3 篇遊記, 正顯示第 1 至 3 篇遊記
 整個旅程  (共1篇遊記)
 分享至Facebook 
發表日期: 2009-06-25
黎到最後1日,因為我係坐夜晚9點幾羽田機返鄉下,所以呢日我都有足夠時間去唔同既地點‧早上我會走去立川既國營昭和公園(原來呢度前身係美軍出擊韓戰同越戰既基地),下晝就出返去東京灣既台場,影下彩虹橋同埋Venus Fort‧

[以驚險結束旅程]快樂不知時日過,去到接近6點先離開台場,跟住即刻趕路去機場‧先坐百合海鷗號由青海駅去JR新橋駅,轉山手線到品川駅,攞返今早寄存既行李,再轉京急線到羽田‧看似一切順利無誤,點知...

喺品川等京急線既月台,原來係有幾條線會陸續埋站,有d有寫住"羽田",有d就冇‧結果我上左第2班黎到既列車,當時7點幾,正值放工時間,全車爆到9彩,企正喺我對面既1位先生都有拖行李的,心諗冇上錯車了! 只要搭到總站就可以安然去到機場啦! 開車後仲飛左許多站(果然係特快號吖)...直至「京急蒲田」先停車,此時對面既先生都落車了,我就不以為然‧再開車,去到咩「雜色駅」,計1計我大大話企左喺呢班車到成10幾分鐘,點會仲未見到羽田空港個站名? 當列車宣佈下個站係「六鄉土手」,而再下一站將會係「京急川崎」...我就知道已經出左問題了@.@" 原來我呢班並唔係直達機場既京急空港線,所以當去到京急蒲田我係要轉車架!!! 幸好我不算太遲才發現,否則過埋京急川崎就會去到神奈川縣(即係橫濱市),變左越走越遠,時間就越來越少,咁就大禍臨頭了(因為去到機場仲要坐多架 shuttle bus先去到International Terminal架‧其實我發現乃野那一刻真係腳仔軟,滴哂汗架,好驚過左check in時間)......結果...我8點鐘去到check in(返香港班機係8.15截止登記=.=""")

[OVERALL]整個7天行程就這樣結束‧坐過好多程巴士火車地鐵、行左好多青森東京既路、影左幾十gb相(但大部分都係爛相)、食左唔少自己好滿足既食物、又嚇死唔少自己既細胞,但最重要既係大開眼界,青森市既寧靜、奧入瀨十和田湖既美麗、新宿既規模、東京人既急促節奏,我都可以係短短7日裡領會了! 原來1個人去旅行是有這種滋味! 或者我唔知仲有冇機會再去奧入瀨「朝聖」,又或者我仲有冇機會1條友去旅行...無論如何,08年呢段7x24小時自己既故事,我會永遠鎖在記憶裡‧

花海呀(幻想去了美瑛)
花海呀(幻想去了美瑛)
multi natural layers
multi natural layers
寫意人生
寫意人生
影相既好位置呢
入場價錢: 每人400日圓
浪漫之台場 2009-06-25
彩虹全景,鐵塔作襯
彩虹全景,鐵塔作襯
5點零著哂燈了
5點零著哂燈了
Venus Fort
Venus Fort
單拖既小弟也要留低腳毛才心息
  0 個留言    |  加入你的留言
08年青森東京1人行(Day1,5-7) (日本)
(旅程日期: 2008-10-25 至 2008-10-31)
 整個旅程  (共1篇遊記)
 分享至Facebook 
發表日期: 2009-06-25
第5日,諗住早少少起身,再去湖邊影下相,不過由昨晚從窗外傳來既水點聲,直到今早都未停過‧所以最後都放棄喇,磨到7點去食早餐,跟住check out,去巴士站排定隊等8點3頭班車,到八戶接新幹線(巴士10點半到、JR10點57分開)‧由上車去到中途站奧入瀬ろまんパーク小休,d雨都未停過,之後又遲左陣先開返車,入到十和田市我仲感覺到司機好似冇踩油咁行得勁慢,遲左成10分鐘(10點15分)先去到六戶,擔心會否miss左班火車之際,司機開始俾油去盡...最後,只係遲左2分鐘就到八戶總站(10點32分)! 落車(呢度又落雨),好順利咁搵到返東京既JR,對啱車卡、座位...ok^^"...埋位,開始3小時11分既車程‧列車先途經既盛岡同仙台,天氣已經截然不同(冇落雨)...最後,準時2點鬆d返抵東京‧經過返抹一把汗既東京駅,再轉JR中央線,先去池袋Ikebukuro,放低件行李喺呢2晚訓既貴美旅館‧

之前提及過我冇plan好呢3日會點行東京嘅,不過大致上我都會重點選定去某幾個地方: 日頭再去追楓,夜晚就影下呢度既都市建築‧

[暴走東京]離開旅館,先去醫肚,去左東池袋全日無休既"一蘭"嘆返碗拉麵,食完都成4點幾,即刻坐車去六本木山Roppongi Hills,上到52樓既Tokyo City View欣賞東京既全景,再用盡一切辦法,減退玻璃幕牆既反光,set好腳架,take好幾張全景相,之後上埋去佢個天台,喺冇隔住玻璃下...... 食風,而且呢度因為室外露天要安全既關係所以唔俾帶腳架,最後都好快離開...

再轉地鐵去新宿Shinjuku,替"東京MODE學園"影相...唔覺唔覺已經9點半,食麵既時間又到,我求其搵左間叫"天下一品"既舖頭(應該都係連鎖店),揀左個全餐: 有碟揚州式炒飯、煎餃子、同埋一碗勁膿勁杰既豬骨湯拉麵! 味道其實唔錯,不過去開日本既朋友都應該好清楚,佢地每間餐館主要係serve冰水......固此....由豬骨湯配上冰水,經過腸胃既磨合過程,最後......演變成一齣非洲動物大遷徙....此生態場面正出現在我去到西新宿snap shot時,眼見時候不早,又不知道哪裡有地方解決,所以決定速回池袋,結束是日行程‧


第十一座位
第十一座位
750円,份量不多,但勝在好彈牙!
750円,份量不多,但勝在好彈牙!
值得一試
評分: 味道4   服務3   環境4   衛生4   抵食2
Roppongi Hills 笑臉2009-06-25
六本木山既大蜘蛛
六本木山既大蜘蛛
由2樓平台望向鐵塔
由2樓平台望向鐵塔
52樓既角度(好辛苦先影到架)
52樓既角度(好辛苦先影到架)
遠望彩虹橋摩天輪
遠望彩虹橋摩天輪
六本木山
推介項目: Tokyo City View
參觀時段: 晚間
入場價錢: 每人1500日圓
評分: 值得去5  
晚飯3寶,980円
晚飯3寶,980円
很有心思既1隻碗
很有心思既1隻碗
......
  0 個留言    |  加入你的留言
 整個旅程  (共1篇遊記)
 分享至Facebook 
發表日期: 2009-06-25
大部分港人黎東京,都係行街shopping‧咁我呢朝就比較另類,坐JR中央線西行一路往總站高尾,再轉京王線1個站,目標就係東京都近郊既高尾山Takaotozan‧我都係睇旅遊書介紹先識呢個地方,高尾山係東京都最方便又較受當地人注目既行山熱點,而且天氣好時更可以遠眺富士山架! 我踩上高尾山,或多或少係因為個腦仲未抽離於青森縣既紅葉,希望延續楓之旅‧不過我都知東京既紅葉黃金期要到11月中先開始,所以今躺我當係行行山,親親大自然~

我經ropeway上到高尾山既中段,穿過幾座寺,不大困難就登上展望台,當時係晴天,頭頂又係藍天...只不過正西面既天空就有好多煙霞,唔知道富士山去左邊...

回程喺纜車站買左個黑豆餅做午餐後,就慢慢行返落山,呢段時間我左邊膊頭開始唔聽使,越黎越痠痛...唉,件千斤重揹到第6日我先開始頂唔順總算有交代啦!

落到山,同樣轉線去高尾坐中央線,但我冇留意佢只係普通既快速班次(並非"通勤特快"),上車冇耐就訓左,醒返都已經過左成大半個鐘都去唔到一半路程,去到某幾個車站仲會停留好耐先再開車,卒之去到三鷹駅見到對面黎左班通勤急行就轉左上去,呢班車係會停少幾個站,結果我3點零返到新宿‧喺未開始今晚既行程我會先上去坐落45樓新宿既東京都廳展望室‧路途中,經過一間麥記,醒起佢地promo緊cinnamon melts肉桂軟餅粒,於是買左盒試下...軟綿綿、暖粒粒、很惹味~~!! 食完就走上展望廳,開始影東京既日落‧呢度雖然又係反哂光勁難影,但最緊要係無料嘛(六本木山盛惠千五円),我仲set埋time lapse由黃昏影到天黑,搞到5點幾先撤退,趕往國立新美術館‧

[迷~~~]因為我打算只係影下美術館獨特既外形結構,即使佢6點鐘關門,時間十分倉卒下我照去也罷,我落返都廳前既地鐵站搭大江戶線去六本木,去到經過Tokyo Midtown行左陣,穿過赤坂後,都搞唔清邊個方向...諗住嘗試行去千代田線既乃木坂駅,因為佢地其中一個出口係直達美術館,但係我喺路面搵極都搵唔到個出口,由其他出入口落到地鐵站大堂,佢又指示要入左閘先去到美術館既入口...真係麻煩! 嗰時已經過哂6點,我決定搏一搏入閘去,結果,就係因為美術館已經關門,個出口亦都唔俾用喇...好氣餒之下坐返地鐵趕往下一個景點表參道 Omotesando‧

吸引我黎表參道,當然唔係任何1間名店賣既野,而係佢地好鬼unique既外型建築設計‧我遂間幫佢地其中最特別既影相,到9點先回新宿找晚餐及繼續 snap,第2晚黎到新宿,無需要牽「腸」掛「肚」,發覺呢度真係大得交關,似乎有銅鑼灣既幾十倍添‧穿梭於那裡既都市街頭,過左一條街,還有幾十條街,行極都行唔哂,我盡量影吧,直至12點幾先收工‧

如果兩旁d楓樹變黃,你話靚到呢...
如果兩旁d楓樹變黃,你話靚到呢...
天賜......
天賜......
撞arm有學校黎旅行
撞arm有學校黎旅行
請我食一啖吖
請我食一啖吖
與富士山緣慳一面
與富士山緣慳一面
高尾山Takaotozan
名店街 2009-06-25
PRADA
PRADA
CARTIER
CARTIER
DIOR
DIOR
表參道山
表參道山
...
  0 個留言    |  加入你的留言