一出車站就有Mercede Strasse(路), 沿住行大約10分鐘就到嘞~
共有8層既museum 外面都好stylish, 遠遠就望到呢~
一入去就比左個headphone我地, headphone既掛繩可以拎走做紀念品架!仲有張ｐｏｓｔｃａｒｄ呢～
入到去由１樓開始,　介紹最先既benz幾時有, d款係點, 仲可以任影相tim!
BENZ真係有好多款, 除左跑車同私家車外, 原來仲有救護車、警車、大巴士等等呢! 好多都未見過架~大開眼界!!
行左大約2個鐘, 場內仲有架模擬車(好似9 eur)比人玩, 不過太貴所以冇玩到呢~ 好似好好玩敢呀! 另外底層有唔同既benz 紀念品賣, 有d仲係特別版o黎架!

食呢餐美味蟹宴係呢個trip一大目的o黎o架~ 呢間店外面有隻巨型紅色螃蟹像做標誌, 好易認呢~ 我地12點未夠就到, 好少人呢~ 快快手叫左個lunch set先~ lunch套餐比dinner平架! 套餐通常會包括[蟹肉壽司]、[蟹天麩羅]、[炭火燒蟹腳]、[釀蟹蓋]、[蟹肉火鍋]等各式美食, 上網睇話, 當食完[蟹肉火鍋]後, 還可order 加入白飯於火鍋的湯底中, 煮成美味蟹粥呢~~不過我地個餐就冇蟹肉火鍋嘞~ 因為係最平既lunch set呢~ 分別有: 蟹腳刺身, 蟹肉沙律, 煮蟹腳, 蟹腳飯, 炸蟹沙律, miso soup, 仲可選擇綠茶雪糕甜品呢!! 最好味係蟹腳刺身, 真係超級鮮味呀!!! 仲有蟹腳飯都好好味, 佢d飯唔係白飯, 撈o左一d好似係豆既o野, 好煙"un"呢~食完呢餐好滿足呀! 不過我同bf都覺得大阪既蟹道樂燒蟹腳好味d又平d呢~~

竹下通其實似旺角女人街, 2邊有好多唔同既小店, 賣女性飾物啦, 配件啦, 如頭飾、髮夾、絲巾、女裝絲襪、人造飾物等等, 全部都係比較平既呢~ 我見有d鞋 1995yen, 不過係made in china既, 當然冇買啦~ 但係好多女仔睇呢~另外有一間可樂專門店, 門口係紅色寫住cola敢, 入面除左可樂產品之外, 都幾多得意o野架! 我落左去地牢睇, 有好多唔同公仔既精品呢~ 好似stitch, sponge bob, mickey mouse, hello kitty等等...不過又係超多人呢~因為時間關係, 我地只係睇左45分鐘就要走嘞~ 最後買左一件連身裙, 4千幾yen, 都叫有d收獲~!

呢間店d壽司有100yen (即105yen), 200yen (即210yen), 同300yen (即315yen)~ 不過315yen既唔係好多咋, 反而200yen最多呢~真係好經濟啊! 而且我同bf都唔食315yen既海膽壽司同3文魚子壽司呢~仲有帶子壽司都係315yen, 不過佢又賣哂喎! 所以大部分都係食200yen既壽司啦~ 叫左: 鯛魚壽司, 鰻魚壽司, 海鰻壽司, 中拖羅壽司, 三文魚壽司, 吞拿魚壽司等等...不過呢間店既選擇唔係太多(都有30款以上既)...可能因為夜左啦~好多都賣哂呀!最好味係鰻魚壽司, 我地2個食左3碟呢~ 而中拖羅都幾好, 冇根呀! 反而三文魚壽司就唔太得, 有d腥, 都係香港既三文魚壽司好味d呢!2個人食左12定13碟, 好多啊!!! 都係2千幾yen咋! o向日本食壽司真係平好多呢~

以前去過有馬溫泉既手信街, 今次o黎呢度, 覺得都係差唔多呢~ 一條長長既街, d屋十分整齊, 2邊都係賣既包得靚靚既食物(手信), 而間間賣既食物都差唔多呢~ 有溫泉饅頭啦(其實只係入面有紅豆蓉既饅頭), 唔同既醃菜(好似街市d醃/柞菜)啦, 脆pork pork既蝦餅蟹餅啦...仲有d傳統日本公仔呀, 吊飾等等啦...不過我地只得45分鐘睇, 就敢行下都用哂d時間lu! 而d手信都唔係太o岩食/買, 最後都冇買到o野就走lu~

我地o向川向落車, 對面就係星之小王子博物館嘞! 4周都有d黃色poster係小王子, 一定認到啦~ 一入門口就會碰上星の小王子既雕像, 然後先係買飛地方~成人入場費 1500 yen, 不過有pass就1350 yen 咋~唔知點解呢度冇乜人, 入到去有好多歐陸式建築物, 環境都幾優美, 好可惜我對小王子既故事一無所知呢~ 只知道有關星座咋! 行左一陣就見到個小王子既彩色雕像, 左面就係電影館嘞!因為冇英文既關係, 睇完個10分鐘既電影都係一頭霧水...@___@電影館仲有各種關於星の小王子故事書既展覽, 不過又係全日文...又係唔駛睇啦~!!!!同d唔同既像影完相就差唔多行完嘞...我自己唔係小王子fans, 覺得冇野睇lor! 都唔明o敢既館點值成100蚊既入場費呀!! 結果預計睇1.5hrs, 睇左50mins 度就走得!!!