位於札幌站隔離ESTA商場十樓嘅札幌拉麵共和國，這裡布置懷舊，聚集北海道拉麵四大系：札幌、旭川、函館及釧路的8間名店，每個月由顧客投票選出當月的拉麵王，並且成為拉麵共和國的元首~

而我哋當然試本月拉麵之王，來自札幌嘅"白樺山莊"啦！名不虛傳，去到門口已見人龍，好彩排咗一陣就有位，等食之際見到每張枱上都有一籃烚蛋，唔知係咪免費俾人食嘅呢﹖唔理喇，一人一隻食咗先算，唔知係咪日本乜都好食啲，就連一隻白烚蛋我哋都覺得特別好味~

2個人叫咗义燒味噌湯拉麵 (980yen) 同 味噌湯拉麵 (780yen)，拉麵好煙韌彈牙，湯底濃厚，义燒唔肥唔瘦，真係好好味~

埋單1760yen，烚蛋真係免費嘅，好抵食！