雖然唔係第一次去london, 但就係第一次去business trip! 上次去都已經係6年前, 都唔識搵好野食:p 今次有同事帶領, 又係'公事', 點可以唔食好野呢~ 其實連我表姐都想帶我去belgo! 咁即係呢間餐廳應該好出名啦!
無book枱去到個時要等陣, reception個度有個酒吧仔比人邊飲邊等, 同事就買左枝honey beer諗住一路飲一路等, 點知岩岩買完就有位喇! 餐廳設計得幾得意, 好似一個地下密室咁, 一落到去就見到成大個kitchen, 你完全可以睇到d野食點整!
左邊先係坐既area, 坐低嗌左一人一煲mussels (成1kg), 就可以飲返頭先買個枝beer! 真係好好味! 平時唔多中意beer陣苦味, 呢個好重honey味! 完全蓋過個種苦澀味呀! 真係忍不住飲多2淡架
個mussels真係就咁連埋個煲上, 再加一碟薯條, 薯條點都好食過麥當勞個d, 粗d又脆d!  mussels我地點左一個蕃茄一個牛油, 其實味就唔會話好濃, 因為mussel夠新鮮, 唔洗點煮都有味又好食!煲入面仲有d洋蔥, 蕃茄, 幾健康架!
咁大個女都係第1次食咁多海鮮! 1kg其實都好飽架, 連埋d薯條呢餐又捧住個肚走